ꠁꠘ꠆ꠎꠤꠟ ২২: ২-ꠙꠤꠔꠞ 2:14 - Siloṭi Asmani Kitab (Latin lipi)

¹⁴ Tarar souk zinae bora, gunar ḳam kunu shomoy bond ḳore na. Ostir manshore be-fote ṭania ney. Tarar mon lub-lalosor ustad. Iguin to lannoti!

Siloṭi Asmani Kitab (Nagri lipi)

¹⁴ ꠔꠣꠞꠣꠞ ꠌꠃꠈ ꠎꠤꠘꠣꠄ ꠜꠞꠣ, ꠉꠥꠘꠣꠞ ꠇꠣꠝ ꠇꠥꠘꠥ ꠡꠝꠄ ꠛꠘ꠆ꠖ ꠇꠞꠦ ꠘꠣ। ꠅꠡ꠆ꠕꠤꠞ ꠝꠣꠘꠡꠞꠦ ꠛꠦ-ꠙꠕꠦ ꠐꠣꠘꠤꠀ ꠘꠦꠄ। ꠔꠣꠞꠣꠞ ꠝꠘ ꠟꠥꠜ-ꠟꠣꠟꠌꠞ ꠃꠡ꠆ꠔꠣꠖ। ꠁꠉꠥꠁꠘ ꠔ ꠟꠣꠘ꠆ꠘꠔꠤ!

ছিলটি আছমানি কিতাব (বাংলা লিপি)

¹⁴ তারার চউখ জিনায় ভরা, গুনার কাম কুনু সময় বন্দ করে না। অস্থির মানষরে বে-পথে টানিয়া নেয়। তারার মন লোভ-লালছর উস্তাদ। ইগুইন তো লান্নতি!

ꠁꠘ꠆ꠎꠤꠟ ২২: ২-ꠙꠤꠔꠞ 2:14 Iomraidhean Croise

ꠁꠘ꠆ꠎꠤꠟ ১: ꠝꠕꠤ 12:34

O hafor baichchain, tumra nize-u to ḳaraf, te tumrar muk tone bala buli kemne bar oibo? Manshor dil zetadi bora, muk taki to ota-u baroy.

ꠁꠘ꠆ꠎꠤꠟ ১: ꠝꠕꠤ 23:14

Haere bonḍo moulana ar Forishir dol, manshore deḳanir lagi tumra lamba lamba dua ḳoro, hirbar ṛaṛi beṭintor zaga-mirasho doḳol ḳoro. Erlagi tumrar ḳoṭin shaza oibo.

ꠁꠘ꠆ꠎꠤꠟ ১: ꠝꠕꠤ 25:41

“Bade bashshae tan bau galar manshore ḳoiba, ‘O lannotir dol, amar samon taki bago. Iblis-Shoytan ar tar samsa zinnat oḳlor lagi duzoḳor ze aguin tiar ḳora oise, hono zao.

ꠁꠘ꠆ꠎꠤꠟ ১: ꠝꠕꠤ 5:28

Oile ami tumrare ḳoiram, kunu beṭae zudi kunu beṭi manshor bae ku-nozore sae, te he ou shomoy mone mone tair loge zina ḳorlo.

Injil 2: Markus 13:22

Ḳaron bout bonḍoe aia ḳoibo, ami-u al-Mosi, ar bout bonḍo nobi-o aiba. Shombob oile tara Allar fosond ḳora bonda oḳolre-o duka dia be-fote nita ḳori bout keramoti-muzeza deḳaiba.

Injil 4: Hannan 5:44

Afnara eḳe-oinnor ges taki tarif faita sain, oile ze tarif Allar ges tone faoa zae, itar lagi kunu sesṭa ḳoroin na. Te afnara ḳemne ekin ḳorba?

Injil 6: Ruman 16:18

Ḳaron itae amrar malik al-Mosir gulami na ḳoria, tarar feṭor gulami kore. Miṭa miṭa mat matia ar tel malish ḳoria shorol-shuza manshore be-foti banae.

Injil 7: 1-Korintia 11:19

Ashole to tumrar maze motor omil taḳbo-u, zate tumrar mazor ḳaṭi nikut manshor forisoy mile.

Injil 10: Ifisia 2:3

Amra hoḳole-u eḳ shomoy gunar shobabor gulam bonia, ota naforman manshor laḳan zindegi kaṭaitam. Ou bod shobab taki ze bod ḳaish amrar dilo aito, amra ola ḳam ḳortam. Ar ou ḳam-ḳazor lagi hota manshor laḳan amra-o Allar gozobor laḳ aslam.

Injil 10: Ifisia 4:14

Teu amra ar huruttar laḳan roitam nae. Manshe shoytani aḳol ḳaṭaia be-fote nibar lagi manshore ze bul talim dey, ou bul talime zanu amrare fanir aula-zaula ḍeur laḳan du-dila na banae.

Injil 12: Kolosia 2:18

Zera nizor shorilre ḳoshṭo deoa ar firista oḳlor ebadot ḳorare zoruri mono ḳore, era zanu tumrare furuskaror fot taki horaito na fare. Ou nomunar manshe zeta deḳse ḳoia ḳamoḳa boṛai-beṭagiri kore, ar ota loia boṛo boṛo gof mare, ashole erar ontor to ḳali duniabi sintae bora.

Injil 20: Iakub 1:8

he to du-dila manush, tar hoḳol ḳamo-u oshanti.

ꠁꠘ꠆ꠎꠤꠟ ২২: ২-ꠙꠤꠔꠞ 2:18

Tara boṛo boṛo beḳama mat mate. Ar zera tuṛa age ku-fot saṛia zan basanir lagi bagisoin, ota manshore shorilor ḳaishe solia bodmaishi korar indon dey.

ꠁꠘ꠆ꠎꠤꠟ ২২: ২-ꠙꠤꠔꠞ 2:3

Lub-lalos ḳoria sol-soturir mat matia, nizor labor ashae tara tumrare ḳamo lagaibo. Tarar faona shaza to bout din taki bar sar, tarar binash-o beshi deri nae.

ꠁꠘ꠆ꠎꠤꠟ ২২: ২-ꠙꠤꠔꠞ 3:16

Tan hokkol siṭit-u ou befare leḳoin. Er maze kisu befar ase zeta buza ḳoṭin, ḳali be-aḳol ar bedisha zone oinnainno kitabor laḳan itar manio bodlaia, nizor shorbonash ḍakia ane.

Injil 23: 1-Hannan 2:16

Zano to, duniat zeta mile, ita oilo, roḳto-mangshor ḳaish, souḳor lub-lalos ar shongsharor bahaduri, ita kunuṭa-u behesti bafor ges taki ae na, ḳali dunia taki ae.

Injil 26: Ehuda 1:11

Ita to lannoti! Iguin Baba Adomor lannoti fut Kabilor laḳan bonchoin. Duniabi labor ashae tara hou bonḍo nobi Balamor ḳaishor ato nizore shofi dise. Ar Musa nobir bae bigṛi zaora hou neta Kurahor laḳan tarar binash ase.

Injil 27: Zaira Kalam 12:9

Hou danobre ar tar sela-samsa oḳolre duniat falai deoa oilo. Ou danob oilo hou furana haf, zegur nam Iblis-Shoytan, he duniar hoḳol manshore be-foti banae.