ꠁꠘ꠆ꠎꠤꠟ ২২: ২-ꠙꠤꠔꠞ 2:1 - Siloṭi Asmani Kitab (Latin lipi)

¹ Mono rakio, Boni Israilor maze zela bonḍo nobi oḳol asla, tumrar maze-o oula bonḍo ustad oḳol taḳba. Tara lukai lukai omon bul talim dibo, ze talime manshore binash ḳore ar ze malike tarare azad ḳorar lagi korid ḳorsoin, ou malikre forzonto tara oshikar ḳorbo. Olaḳan kub zoldi tara nizor ufre binash ḍakia anbo.

Siloṭi Asmani Kitab (Nagri lipi)

¹ ꠝꠘꠅ ꠞꠣꠈꠤꠅ, ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠎꠦꠟꠣ ꠜꠘ꠆ꠒ ꠘꠛꠤ ꠅꠇꠟ ꠀꠍꠟꠣ, ꠔꠥꠝꠞꠣꠞ ꠝꠣꠎꠦꠅ ꠅꠃꠟꠣ ꠜꠘ꠆ꠒ ꠃꠡ꠆ꠔꠣꠖ ꠅꠇꠟ ꠕꠣꠇꠛꠣ। ꠔꠣꠞꠣ ꠟꠥꠇꠣꠁ ꠟꠥꠇꠣꠁ ꠅꠝꠘ ꠜꠥꠟ ꠔꠣꠟꠤꠝ ꠖꠤꠛ, ꠎꠦ ꠔꠣꠟꠤꠝꠦ ꠝꠣꠘꠡꠞꠦ ꠛꠤꠘꠣꠡ ꠇꠞꠦ ꠀꠞ ꠎꠦ ꠝꠣꠟꠤꠇꠦ ꠔꠣꠞꠣꠞꠦ ꠀꠎꠣꠖ ꠇꠞꠣꠞ ꠟꠣꠉꠤ ꠈꠞꠤꠖ ꠇꠞꠍꠂꠘ, ꠅꠃ ꠝꠣꠟꠤꠇꠞꠦ ꠙꠞ꠆ꠎꠘ꠆ꠔ ꠔꠣꠞꠣ ꠅꠡ꠆ꠛꠤꠇꠣꠞ ꠇꠞꠛ। ꠅꠟꠣꠈꠣꠘ ꠈꠥꠛ ꠎꠟꠖꠤ ꠔꠣꠞꠣ ꠘꠤꠎꠞ ꠃꠙꠞꠦ ꠛꠤꠘꠣꠡ ꠒꠣꠇꠤꠀ ꠀꠘꠛ।

ছিলটি আছমানি কিতাব (বাংলা লিপি)

¹ মনো রাখিও, বনি ইছরাইলর মাজে যেলা ভন্ড নবী অকল আছলা, তুমরার মাজেও অউলা ভন্ড উস্তাদ অকল থাকবা। তারা লুকাই লুকাই অমন ভুল তালিম দিবো, যে তালিমে মানষরে বিনাশ করে আর যে মালিকে তারারে আজাদ করার লাগি খরিদ করছইন, অউ মালিকরে পর্যন্ত তারা অস্বীকার করবো। অলাখান খুব জলদি তারা নিজর উপরে বিনাশ ডাকিয়া আনবো।

ꠁꠘ꠆ꠎꠤꠟ ২২: ২-ꠙꠤꠔꠞ 2:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 15:16

Tarar bitre ḍor-ḳof aia hamaise, tumar ator ṭelae fattoror laḳan nirai oigese. O Mabud, tumar proza oḳol, tumar ḳorida gulam oḳol, furafur far na oa forzonto tumi oula raḳso.

আছমানি কিতাব: মালাখি 3:5

Ami Alla Rabbul Alamine ḳoiar, hou shomoy ami bisar ḳorar lagi tumrar gese aimu. Aia zadugir, zinakur, misa shakki deora, ḳamlar beton ṭogra, ṛaṛi beṭin ar etimor ufre zulum ḳorra, musafiror bae hok insaf na ḳorra, mani zoto zone amare ḍorae na, tara hokkolor bifokke shakki dite ami kunu deri kortam nae.

ꠁꠘ꠆ꠎꠤꠟ ১: ꠝꠕꠤ 10:33

Oile ze manshe shomazor samne amare oshikar ḳorbo, ami-o tare amar behesti baf Allar samne oshikar ḳormu.

ꠁꠘ꠆ꠎꠤꠟ ১: ꠝꠕꠤ 24:11

Bout bonḍo nobi aia manshore ṭogiba.

ꠁꠘ꠆ꠎꠤꠟ ১: ꠝꠕꠤ 24:24

Ḳaron al-Mosi nam loia bout bonḍo aiba, nobi hazia-o bout bonḍo aiba. Itae bout boṛo boṛo asanok keramoti kam deḳaiba. Tara saiba, shuzug faile Allar fosond ḳora bondare duka dia be-fote nitagi.

ꠁꠘ꠆ꠎꠤꠟ ১: ꠝꠕꠤ 24:5

Bout zone amar nam doria aibo, aia ḳoibo, ami-u al-Mosi, ḳoia boutre ṭogibo.

ꠁꠘ꠆ꠎꠤꠟ ১: ꠝꠕꠤ 7:15

“Bonḍo nobi oḳol taki hushiar roio. Tara tumrar gese meṛar surote ae, oile bitre bitre tara raikkosh bagor laḳan.

Injil 2: Markus 13:22

Ḳaron bout bonḍoe aia ḳoibo, ami-u al-Mosi, ar bout bonḍo nobi-o aiba. Shombob oile tara Allar fosond ḳora bonda oḳolre-o duka dia be-fote nita ḳori bout keramoti-muzeza deḳaiba.

Injil 3: Luk 12:9

Oile ze manshe shomazor samne amare oshikar ḳorbo, ami-o tare Allar firista oḳlor samne oshikar ḳormu.

Injil 3: Luk 21:8

Tain ḳoila, “Hushiar roio, ḳeu zanu tumrare be-fote na ney. Bout zone amar nam dori aia ḳoibo, shomoy oigese, ami-u al-Mosi. Oile tumra itar ḳore zaio na.

Injil 3: Luk 6:26

Haere hae, manshe zebla tumrar shunam gae, zano ni, ota manshor baf-dadainte-o agor amolor bonḍo nobi oḳlor ola shunam gaito.

Injil 6: Ruman 16:18

Ḳaron itae amrar malik al-Mosir gulami na ḳoria, tarar feṭor gulami kore. Miṭa miṭa mat matia ar tel malish ḳoria shorol-shuza manshore be-foti banae.

Injil 7: 1-Korintia 11:19

Ashole to tumrar maze motor omil taḳbo-u, zate tumrar mazor ḳaṭi nikut manshor forisoy mile.

Injil 7: 1-Korintia 6:20

Bout dam dia tumare ḳorid ḳora oise. Erlagi tumar shorilre Allar gourobor ḳamo lagao.

Injil 7: 1-Korintia 7:23

Baiainre, tumrare bout damdi korid ḳora oise, erlagi manshor gulam bonio na.

Injil 9: Galatia 2:4

Ashole imandar dolor bitre ḳoyzon munafik hamanie ola oilo. Isa al-Mosir ummot bonae amra ze shadinota faisi, otar kut dorar lagi-u era hamaisil, zate amrare Musar shoriotor gulamit raḳto fare.

Injil 9: Galatia 3:13

Shoriotor borkelaf ḳorae amrar ufre ze lannot asil, ou lannot al-Mosie tan nizor ḳando nia amrare azad ḳorsoin. Allar kalamo to ase, “Gaso loṭḳaia zare zane mara oy, he lannoti.”

Injil 9: Galatia 4:17

Huno, ou zeguinte tumrar kuz-ḳobor loira, oguin to bod niote aira. Tara sain, tumrare amar bae tone firaia, tarar ashik banaita.

Injil 9: Galatia 5:20

devta puja, zadu-ṭuna, dushmoni, ḳaijja-fosad, lub-lalos, gusa, niz-motlobi, omil, doladoli,

Injil 10: Ifisia 1:7

Al-Mosir fobitro kurbanir usillae tan lour bodla amra gunar shaza taki kalas faisi, amra ou mafi faisi, ita to Alla Pakor ḳas rohomot.

Injil 10: Ifisia 4:14

Teu amra ar huruttar laḳan roitam nae. Manshe shoytani aḳol ḳaṭaia be-fote nibar lagi manshore ze bul talim dey, ou bul talime zanu amrare fanir aula-zaula ḍeur laḳan du-dila na banae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:6

Haere ammok nadan, haere be-aḳol, ouni tumra bodla dilae, Mabudor danor? Taine-u tumrar foyda ḳorra Foroar digar ni? Boail ḳorla tumrar Israil zati.

Injil 11: Filifia 3:19

Tarar ḳofalo ase binash. Tarar feṭ-u tarar Alla. Naformani kam loia tara boṛai kore, ḳali duniar dandae fagol.

Injil 12: Kolosia 2:18

Zera nizor shorilre ḳoshṭo deoa ar firista oḳlor ebadot ḳorare zoruri mono ḳore, era zanu tumrare furuskaror fot taki horaito na fare. Ou nomunar manshe zeta deḳse ḳoia ḳamoḳa boṛai-beṭagiri kore, ar ota loia boṛo boṛo gof mare, ashole erar ontor to ḳali duniabi sintae bora.

Injil 12: Kolosia 2:8

Tumra hushiar roio, ḳeu zanu tumrare manshor banail mongoṛa talimdi bandia be-fote ṭania nito na fare. Al-Mosir loge i talimor kunu mil nai, ita to manshor mongoṛa rosumot ar duniabi nanan asar-beboharor ufre borosha ḳore.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:8

Ze zone afon zonre, ḳas ḳori nizor foribaror manshor deḳa-huna ḳore na, he ashole Isayi imanre-u oshikar ḳorlo. Igu to bidormi taki-o bad.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:3

Agedi ola shomoy aibo, zebla hasa talim manshor shoijjo oito nae, borong nizor monor ḳaish furaita ḳori tara olaḳan ustad dorba, zetae tarar mon zugaia mongoṛa talim diba.

Injil 17: Titas 1:11

Itar muk bond ḳora zorur. Itae ku-fote ṭeḳa ḳamanir ashae ola talim dein, ze talim deoa tarar lagi ṭik nae. I talim dia kunu kunu foribarre bigṛailira.

Injil 17: Titas 3:10

Ze manshe doladoli lagae, tare foyla eḳbar, bade dusrabaro hushiar ḳorio, itae zudi he na bodle, te tar loge sola-fira ekkere bad dilaio.

Injil 19: Ibrani 10:29

Te sinta ḳori deḳoukka, ze zone Allar ḳas mayar zon Ibnullare gin ḳore, he aro ḳoto boṛo azabor bagi oise! Ze lour usillae he fak-saf oise, Allai hou usillar loure he elami korse, ar ze Pak Ruhe rohomot boḳshia dein, hou ruhre-o beijjot ḳorse.

ꠁꠘ꠆ꠎꠤꠟ ২১: ১-ꠙꠤꠔꠞ 1:8

Zudio al-Mosire tumra deḳso na, tebou tumra tanre mohobbot ḳorrae. Ar oḳono tanre souke na deḳle-o, kushi oia tanre ekin ḳorrae, i kushi to bashae ḳoa zae na, ita ḳali behesti kushi.

ꠁꠘ꠆ꠎꠤꠟ ২২: ২-ꠙꠤꠔꠞ 2:3

Lub-lalos ḳoria sol-soturir mat matia, nizor labor ashae tara tumrare ḳamo lagaibo. Tarar faona shaza to bout din taki bar sar, tarar binash-o beshi deri nae.

Injil 23: 1-Hannan 2:26

Huno, tumrare zeguinte be-foti banaito sae, otar forisoy zananir lagi ami ita leḳlam.

Injil 23: 1-Hannan 4:1

O shuna oḳol, duniat bout bonḍo nobi bar oisoin. Erlagi keu zudi aia ḳoy, ami ruhur bole matiram, te tumra zoldi bishash ḳorio na, borong zasai koria deḳo, i ruhu Allar ges taki aise ki na.

Injil 26: Ehuda 1:18

Era tumrare ou hushiari dita na ni, “Aḳeri zomanat forezgarre ṭaṭṭa-moshkora ḳorra eḳzat manush aiba, aia tarar be-dini bod ḳaish mafik solba.”

Injil 26: Ehuda 1:4

Itar zorur oise, ḳaron zeta manshe be-dini kamor shaza faibar ḳota ag taki-u leḳa asil, tole tole ota manush aia tumrar dolo hamai gese. Amrar Allar rohomotre tarar bod ḳaish miṭanir atiar banaise, ar amrar eḳmatro Malik Isa al-Mosir ulṭa sole.

Injil 27: Zaira Kalam 13:14

Hou foyla zanuaror lagi zoto laḳan keramoti deḳanir ḳemota tare deoa oisil, ota deḳaia he manshore be-foti banailo. Foyla ze zanuar toluaror sed ḳaia-o basi gesil, tar eḳṭa murti bananir lagi dusra zanuare manshore foramish dilo.

Injil 27: Zaira Kalam 2:13

Tumra kun zagat boshot ḳorrae ita to ami zani, ikano Iblisor shinghashon ase. Oile amar befare tumra hok-halal aso, amar ufror imanre oshikar ḳorso na. Amar toblig korra hou hok-halal zon Antipasre zebla shohid ḳora oisil, Iblisor aḳrar maze, tumrar ṭauno tare kun ḳora oisil, hou shomoy-o tumrar imanre oshikar ḳorso na.

Injil 27: Zaira Kalam 2:9

Ami to tumrar obab-onoṭon ar ḳoshṭor ḳota zani, oile erbade-o tumra doni. Zeta manshe ḳaṭi Ihudi name nizor forisoy dey, otoso Ihudir amol nai, borong Iblisor dolor manush, itae tumrar birudde kita matira ami to zani.

Injil 27: Zaira Kalam 3:8

Ami to tumrar ḳam-ḳaz zani. Huno, ami tumrar samne ekkan duar kula raḳlam, ikan bond ḳorar ḳemota ḳeuror nai. Ami to zani, tumra kub ḳomzur, erbade-o tumra amar hukum amol ḳorso ar amare oshikar ḳorso na.

Injil 27: Zaira Kalam 5:9

Ar tara noya ou gozol gaila, “Ḳali tumi-u shoṭik zon ou kitabḳan nibar, nia er sil-sappoṛ kulbar. Tumare to zane mara oisil. Tumi tumar lou dia hokkol ḳandan taki, Allar lagi manush ḳorid ḳorso. Hokkol zator bulie matra manush, hoḳol desh ar zati taki-o ḳalas ḳorso.

Injil 27: Zaira Kalam 6:10

Era zure zure ḳoila, “O fak-fobitro hokkani Moula, amrare kun ḳorar bisar ḳorte ar bodla loite, tumi duniar manshore ar ḳotodin shomoy ditae?”