ꠁꠘ꠆ꠎꠤꠟ ২২: ২-ꠙꠤꠔꠞ 1:9 - Siloṭi Asmani Kitab (Latin lipi)

⁹ Oile ze zonor maze ita gunagun nai, he to anda, he kunta-u buze na. Ḳaron agor ze guna taki tare fak-saf ḳora oise, ikan he faurilise.

Siloṭi Asmani Kitab (Nagri lipi)

⁹ ꠅꠁꠟꠦ ꠎꠦ ꠎꠘꠞ ꠝꠣꠎꠦ ꠁꠔꠣ ꠉꠥꠘꠣꠉꠥꠘ ꠘꠣꠁ, ꠢꠦ ꠔ ꠀꠘ꠆ꠖꠣ, ꠢꠦ ꠇꠥꠘ꠆ꠔꠣꠃ ꠛꠥꠎꠦ ꠘꠣ। ꠇꠣꠞꠘ ꠀꠉꠞ ꠎꠦ ꠉꠥꠘꠣ ꠕꠣꠇꠤ ꠔꠣꠞꠦ ꠙꠣꠇ-ꠍꠣꠚ ꠇꠞꠣ ꠅꠁꠍꠦ, ꠁꠈꠣꠘ ꠢꠦ ꠚꠣꠃꠞꠤꠟꠤꠍꠦ।

ছিলটি আছমানি কিতাব (বাংলা লিপি)

⁹ অইলে যে জনর মাজে ইতা গুনাগুন নাই, হে তো আন্দা, হে কুন্তাউ বুজে না। কারন আগর যে গুনা থাকি তারে পাক-ছাফ করা অইছে, ইখান হে ফাউরিলিছে।

ꠁꠘ꠆ꠎꠤꠟ ২২: ২-ꠙꠤꠔꠞ 1:9 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 13:55

Bade imame hirbar deḳba. Tain zudi deḳoin, i feuknir dag kunubae na sitrile-o agor laḳan rong roise, te ita nafak. Igur ulṭa-baṭiol zekunu galabae i dag rouk, igure aguindi zalailite oibo.

Injil 2: Markus 10:21

Teu Isae mayar nozore tar bae saia ḳoila, “Ḳali ekkan zinish tumar baki roise. Tumi zao, gia tumar hoḳol don-samana besia gorib oḳolre bilai deo. Teu tumi behesto tumar samana ḳamaibae. Bade aia amar ummot oio.”

Injil 3: Luk 18:22

Ikan hunia Isae ḳoila, “Oḳon ḳali ekkan ḳam baki ase, afnar hoḳol don-samana besia gorib oḳolre lilla dilaukka. Teu afne behesto don faiba. Bade aia amar ummot oukka.”

Injil 6: Ruman 6:11

Ṭik oula, tumra-o mono ḳorio, gunar ḳemotar befare tumrar moron oigese, oḳon ḳali Isa al-Mosir name Allar mohimar lagi zinda aso.

Injil 9: Galatia 5:13

O bai oḳol, Allae tumrare fosond ḳoria anchoin azad oar lagi. Oile azad bonia tumrar dilor gunar ḳaish furanit lagio na, borong dilor mohobbote eḳe-oinnor kezmot ḳoro.

Injil 9: Galatia 5:6

Isa al-Mosir ummot bonia harle mosolmani kam ḳoraile-o zeta, na ḳoraile-o ota. Borong mohobbotor mazdi ze iman zair oy, ou iman-u oilo asol.

Injil 10: Ifisia 5:26

Tan kial oilo, tain zomatre fobitro ḳorar lagi, tan kalamor mazdi manshore torikar gusol ḳoraia,

Injil 17: Titas 2:14

Isa al-Mosie to amrare basanir lagi tan nizor zan kurbani dilaisoin, zate hoḳol guna taki amrare ḳalas ḳori anta faroin, ar ou laḳan eḳdol manshore fak-fobitro ḳoroin, zera ḳali tan nizor oiba, zera nek kamor ashik oiba.

Injil 19: Ibrani 9:14

Te zein hor-hameshakur zinda ruhur mazdia, be-guna kurbani oia tan nizor zanre Allar name shofia dilaisoin, hi al-Mosir loue amrar dilre nafaki kam-ḳaz taki aro ḳoto beshi forimane fak-saf ḳorbo, zate amra zinda Allar ebadot-bondegi kortam fari.

ꠁꠘ꠆ꠎꠤꠟ ২১: ১-ꠙꠤꠔꠞ 3:21

I fani oilo al-Mosir name torikabondir eḳṭa nishana, zetae oḳon tumrar zan base. Torikabondie tumrar shorilor moyla saf oy na, ḳali Allar dorbaro saf dilor shae dey. Hozrot Isa al-Mosi mora taki zinda oia uṭae tumrar zan base,

Injil 23: 1-Hannan 1:7

Oile Alla Pak zela nuror maze boshot ḳoroin, oula amra-o zudi nuror fore soli, te amra eḳe-oinne ḳatir-dusti ase, ar tan ḳas mayar zon Isa Ibnullar fobitro loue amrar tamam guna-ḳosuri fak-saf ḳore.

Injil 27: Zaira Kalam 3:17

Tumra to ḳoirae, tumra bout doni, tumra boṛoluk oigeso, erlagi tumrar kuntar obab nai. Ita kub bala ḳota, oile ashole to tumra buzrae na, tumra kub duki, ḳangal, gorib, anda ar lemṭa aso.