ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:4 - Siloṭi Asmani Kitab (Latin lipi)

⁴ he to misa ohonkari, he kunta-u buze na, motobed ḳora, behuda uftami kora tar eḳṭa bemar. Otar ḳarone ingsha-ninda, ḳaijja-fosad, ku-shondoy foyda oy.

Siloṭi Asmani Kitab (Nagri lipi)

⁴ ꠢꠦ ꠔ ꠝꠤꠍꠣ ꠅꠢꠋꠇꠣꠞꠤ, ꠢꠦ ꠇꠥꠘ꠆ꠔꠣꠃ ꠛꠥꠎꠦ ꠘꠣ, ꠝꠔꠜꠦꠖ ꠇꠞꠣ, ꠛꠦꠢꠥꠖꠣ ꠃꠚꠔꠣꠝꠤ ꠇꠞꠣ ꠔꠣꠞ ꠄꠇꠐꠣ ꠛꠦꠝꠣꠞ। ꠅꠔꠣꠞ ꠇꠣꠞꠘꠦ ꠁꠋꠡꠣ-ꠘꠤꠘ꠆ꠖꠣ, ꠇꠣꠁꠎ꠆ꠎꠣ-ꠚꠍꠣꠖ, ꠇꠥ-ꠡꠘ꠆ꠖꠄ ꠙꠄꠖꠣ ꠅꠄ।

ছিলটি আছমানি কিতাব (বাংলা লিপি)

⁴ হে তো মিছা অহংকারি, হে কুন্তাউ বুজে না, মতভেদ করা, বেহুদা উফতামি করা তার একটা বেমার। অতার কারনে ইংসা-নিন্দা, কাইজ্জা-ফসাদ, কু-সন্দয় পয়দা অয়।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:4 Iomraidhean Croise

Injil 5: Sahabi Nama 15:2

Ita loia Hozrot Paulus ar Barnabasor loge ou manush oḳlor kub ḳota ḳaṭaḳaṭi oilo. Bade ṭik oilo, Paulus ar Barnabas Antiokiar ḳoyzon imandarre loge loia Zeruzalemo zaiba, gia tara sahabi ar zomator murobbi oḳlor loge i bishoye batchit ḳorba.

Injil 5: Sahabi Nama 18:15

Oile iṭa zebla kunu ḳas buli ba nam ba tumrar shoriotor firka, te ita bishoy-ashoy tumra-u foysala ḳorilao, ita mator lagi ami bisar ḳortam sai na.”

Injil 5: Sahabi Nama 8:9

Oile hikano Saimon namor eḳzon manshe bout din dori zadu-ṭunar ḳam ḳorto, Shomoriar manshore danda lagaia he nizore eḳzon kamil pir ḳoia dabi korto.

Injil 6: Ruman 12:16

Tumra eḳe-oinne bai bai oia ro. Boṛoluki bab na deḳaia, shadaron manshor loge mili-mishi solo. Nizor fonḍiti deḳaio na.

Injil 6: Ruman 13:13

Hoi-hulla ḳori mod ḳaia ṭal oa, zina-bodmaishi ba mongoṛa sola, ingsha ar ḳaijja-fosad bad dia, ao, amra dinor fore solra manshor laḳan soli.

Injil 6: Ruman 14:1

Tumrar mazor ze bai imane ḳomzur, tare-o afon hishabe shomzo, tar fosond-ofosond loia torka-torki korio na.

Injil 6: Ruman 2:8

Oile zera nizor ḳaishor boshe sole, Allai hokor birudde roy, naformanir fokke taḳe, tarar ufre Allai duḳ-mosibot, gozob ar lannot aibo.

Injil 7: 1-Korintia 11:16

Te ita loia ḳeu torko-bitorko ḳorle, amar forishkar zuaf oilo, ita saṛa dusra kunu niom amrar maze nai ar Allar zomator maze-o nai.

Injil 7: 1-Korintia 11:18

Ami huniar, tumra zebla zomato shorik o, ou shomoy tumrar maze doladoli taḳe, ar ita kisu ami bishash-o ḳori.

Injil 7: 1-Korintia 3:18

Tumra ḳeu nizore faki dio na. Tumrar mazor ḳeu zudi duniar aḳol-ilime nizore aḳoldar mono ḳore, te he be-aḳol bonouk zate asol aḳoldar oito fare.

Injil 7: 1-Korintia 3:3

Ḳaron tumra oḳono duniabi roḳto-mangshe solrae. Tumrar maze oḳono ingsha, ḳaijja-fosad lagail-u ase. Te tumra roḳto-mangshor boshe roiso na ni?

Injil 8: 2-Korintia 11:20

Ḳali ikan nae, ḳeu zudi tumrare nizor gulam banaia raḳe, tumrare tar shikar banailae, fando falae, tumrar ufre ustadi kore ba tumrar galo soṛ mare, ta-o to tumra kushi oia shoijjo ḳorrae.

Injil 9: Galatia 5:15

Oile tumra zudi eḳe-oinne ḳaijja-fosad ar resha-reshi koro, te hushiar oizao! Ita ḳorle to tumra eḳe-oinnore binash ḳorilibae.

Injil 9: Galatia 5:26

Amra behuda boṛai-beṭagiri bad dei, eḳe-oinnore satani ar ingsha-ingshi ekkere saṛi dei.

Injil 9: Galatia 6:3

Kunta na bonia-o ze manshe nizor boṛai-bahaduri deḳae, he to nize-u nizore ṭogae.

Injil 11: Filifia 1:15

Erar maze ḳeu ḳeu ingsha ar doladolir niote al-Mosir toblig korer, oile ḳeu ḳeu bala niote ḳorer.

Injil 11: Filifia 2:14

Tumra kunuzat torka-torki ba ḳaijja-fosad na ḳoria hoḳol ḳam ḳoro.

Injil 11: Filifia 2:3

Nizor labor asha ba beṭagiri deḳanir lagi kunta ḳorio na, borong noto oia nizor saite oinnore beshi dam deo.

Injil 12: Kolosia 2:18

Zera nizor shorilre ḳoshṭo deoa ar firista oḳlor ebadot ḳorare zoruri mono ḳore, era zanu tumrare furuskaror fot taki horaito na fare. Ou nomunar manshe zeta deḳse ḳoia ḳamoḳa boṛai-beṭagiri kore, ar ota loia boṛo boṛo gof mare, ashole erar ontor to ḳali duniabi sintae bora.

ইঞ্জিল ১৪: ২-থিষল: 2:4

Baroia “Allar name” zotota ase, ita hokkoltar bifokke ar ebadoti korar zuka hokkoltar bifokke gia, he nizore boṛo mono ḳorbo. He ola-o ḳorbo, Allar ebadot ḳanat boia nizore Alla ḳoia dabi korbo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:4

Tarare ḳoio, tara zate banoaṭ kichcha ar lamba lamba ḳandanor lisṭor bae kiali na oin. Itae to nanan nomunar doladolir zonom dey, Allar ḳamor kunu fayda oy na, Allai fayda mile ḳali imanor mazdi.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:7

Tara zudio nize-u nizor mator mani buze na, ar ze befar loia boṛo golae mater, i befare-o balamonte zane na, tebou tara Musa nobir batail shoriotor ustad oito sae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:6

Kunu noya imandar bai zomator saloḳdar oa ṭik nae, ila oile tain hoyto boṛai-beṭagirie bahaduri korba, ar Iblisor lagi ṭik kora shazar bagi oiba.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14

O Timoti, tumi mumin oḳolre amar ou talimḳan mono ḳorai deo. Allar samne tarare hushiar ḳoro, zate aze-baze mat loia torka-torki na ḳoroin, ita mator to kunu dam nai, ita zera hune, tarar shorbonash oy.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:23

Aze-baze be-aḳoli torka-torkit shamil oio na, tumar zana ase, itae ḳali kaijja-fosad baṛae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:4

Manshe beimani, fuṭani ar beforua bab deḳaibo, Allar ashik na oia duniabi aram-ayeshor ashik oibo.

Injil 17: Titas 3:9

Ta-o beokufor laḳan torka-torki, zat-bongsho loia mata, ḳaijja-fosad, ar shoriot loia ḳota ḳaṭa-ḳaṭi korio na. Itae to kunu fayda oy na, ita ekkere beḳama.

Injil 20: Iakub 1:19

O amar mayar bai oḳol, mono rakio, tumra age huno bade mato, zoldi gusa ḳorio na.

ꠁꠘ꠆ꠎꠤꠟ ২২: ২-ꠙꠤꠔꠞ 2:12

Be-aḳol zongli zanuar oḳole na buzia zela nizor kushie sole ar dora ḳaia more, ou bonḍo ustad oḳol-o otar laḳan. Tara zeta buze na, otar-o bodnam gae. Erlagi ou zongli zanuaror laḳan tarar binash ase,

ꠁꠘ꠆ꠎꠤꠟ ২২: ২-ꠙꠤꠔꠞ 2:18

Tara boṛo boṛo beḳama mat mate. Ar zera tuṛa age ku-fot saṛia zan basanir lagi bagisoin, ota manshore shorilor ḳaishe solia bodmaishi korar indon dey.

Injil 26: Ehuda 1:10

Oile ou bonḍo ustad oḳole zeta buze na otar bodnam gae, ar zongli zanuaror laḳan nizor aḳole nizor shorbonash goṭae.

Injil 26: Ehuda 1:16

Itae to hamesha-u na-sobri koroin, nizor ḳofalre dushoin ar tarar bod ḳaishor boshe soloin. Tarar hoḳol mato nizor boṛai-beṭagiri deḳain, sharto hasilor lagi manshor bozona ḳoroin.

Injil 27: Zaira Kalam 3:17

Tumra to ḳoirae, tumra bout doni, tumra boṛoluk oigeso, erlagi tumrar kuntar obab nai. Ita kub bala ḳota, oile ashole to tumra buzrae na, tumra kub duki, ḳangal, gorib, anda ar lemṭa aso.