ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11 - Siloṭi Asmani Kitab (Latin lipi)

¹¹ Oile tumi to Allar bonda, tumi ita bod ḳam taki horia ro. Tumi fak-forezgar zindegi, Allar ḍor-ḳof, iman, mohobbot, sobor, ar norom shobabor bae kiali o.

Siloṭi Asmani Kitab (Nagri lipi)

¹¹ ꠅꠁꠟꠦ ꠔꠥꠝꠤ ꠔ ꠀꠟ꠆ꠟꠣꠞ ꠛꠘ꠆ꠖꠣ, ꠔꠥꠝꠤ ꠁꠔꠣ ꠛꠖ ꠇꠣꠝ ꠕꠣꠇꠤ ꠢꠞꠤꠀ ꠞꠅ। ꠔꠥꠝꠤ ꠙꠣꠇ-ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ, ꠀꠟ꠆ꠟꠣꠞ ꠒꠞ-ꠈꠚ, ꠁꠝꠣꠘ, ꠝꠢꠛ꠆ꠛꠔ, ꠍꠛꠞ, ꠀꠞ ꠘꠞꠝ ꠡ꠆ꠛꠜꠣꠛꠞ ꠛꠣꠄ ꠈꠤꠀꠟꠤ ꠅꠅ।

ছিলটি আছমানি কিতাব (বাংলা লিপি)

¹¹ অইলে তুমি তো আল্লার বন্দা, তুমি ইতা বদ কাম থাকি হরিয়া রও। তুমি পাক-পরেজগার জিন্দেগি, আল্লার ডর-খফ, ইমান, মহব্বত, ছবর, আর নরম স্বভাবর বায় খিয়ালি অও।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11 Iomraidhean Croise

ꠎꠛꠥꠞ ꠡꠞꠤꠚ 34:14

bad ḳam taki firia bala ḳam ḳorouk, shantir ashik oia er ḳore ḳore rouk.

ꠎꠛꠥꠞ ꠡꠞꠤꠚ 38:20

Ami tarar balai korle tara ḳore ḳeti, tara more dushi koy balair fote soli kori.

Injil 6: Ruman 14:19

Erlagi ao, amra ola ḳam ḳori, ze ḳame shanti kaim oy, ze ḳame eḳe-oinnore goṛia tultam fari.

Injil 7: 1-Korintia 10:14

O mayar dust oḳol, erlagi ami tumrare ḳoiram, deb-debir puja taki zan basao.

Injil 7: 1-Korintia 14:1

Erlagi O bai oḳol, tumra-o mohobbotor lagi ashik o, Pak Ruhur deoa dan-niamotor lagi kiali o, ḳas ḳori firaki matibar ḳemota faite kiali o.

Injil 7: 1-Korintia 6:18

Baiainre, tumra hoḳol zator zina taki zan basao. Manshe bad-baki zoto guna ḳore, ita shorilor bare ḳore, oile zegie zina ḳore, he tar nizor shorilor birudde guna ḳore.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 16:20

Hoḳol nomunae zeṭa shoṭik, tumra ḳali ou fote solio. Teu tumrar Mabud Allae tumrare ze desh dan ḳorra, ota doḳol ḳoria lamba hayati faibae.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:1

Allar ḳas bonda Musa nobir ufator age, Boni Israilre tain ou dua dila:

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14

Amrar munibe amare ḳoto boṛo meherbani korsoin, Isa al-Mosir torika kobul ḳorle ze iman ar mohobbot foyda oy, ita to amare furafur dan ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:12

Tumi zuan beṭa mono ḳoria ḳeu zanu tumare ela na ḳore, erlagi mat-ḳotae, sal-cholone, mohobbote, imane ar fak-fobitrotae tumi mumin oḳlor gese eḳṭa nishana bonizao.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:10

Esaṛa nek kamor lagi tan shunam taḳte oibo, ou nek kam oilo, fua-fuṛin manush banani, memandari kora, Allar bonda oḳlor fao doani, duk-mosiboti manshore shaijjo ḳora, ar hoḳol nomunar nek kamo shorik oa.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:20

O Timoti, tumar zimmae ze shompod deoa oise, i shompod tumi balamonte hefazot ḳoro. Aze-baze aḳolor beḳama biddar bulir du-nosla talim taki horia ro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:21

Te zeta manush ou nisa ḳamor ashbabor laḳan, itar ges taki horia aia ḳeu zudi nizore fak-saf ḳorilae, te he shommani zinish bonizae. Tare fobitro hishabe alada ḳori raḳa oibo. He tar malikor ḳamo lagbo ar hoḳol nomunar nek kamor lagi zuit oibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:22

Timoti hushiar o, zoubonor bod ḳaish taki tumar zan basao, ar zera ḳas dile malikor nam loy, tarar loge shorik oia forezgari, iman, mohobbot ar shantir lagi kiali o.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:10

O Timoti, tumi amar talim, amar sal-cholon, amar uddesho, iman, soborgari, mohobbot, ar amar doijjor ḳota furafur kial ḳorso.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:17

zate Allar bonda oḳol ufozukto bonia hoḳol nek kamor lagi zuit oin.

Injil 19: Ibrani 12:14

Hoḳol manshor loge shantie boshot ḳora ar pak-pakiza oia solar lagi kiali o, ila na solle ḳeu malikor doroshon faitae nae.

ꠁꠘ꠆ꠎꠤꠟ ২১: ১-ꠙꠤꠔꠞ 3:11

Bad ḳam taki firia bala ḳam ḳorouk, shantir ashik oia er ḳore ḳore rouk.