ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:1 - Siloṭi Asmani Kitab (Latin lipi)

¹ Huno, ze gulam-bandie munibor gulami koroin, tara hoḳole-u zarzir munibre ijjoti zon mono ḳorouk, zate ḳeu Allar namre ba amrar talimre ḳaraf ḳoar shuzug na fae.

Siloṭi Asmani Kitab (Nagri lipi)

¹ ꠢꠥꠘꠅ, ꠎꠦ ꠉꠥꠟꠣꠝ-ꠛꠣꠘ꠆ꠖꠤꠄ ꠝꠥꠘꠤꠛꠞ ꠉꠥꠟꠣꠝꠤ ꠇꠞꠂꠘ, ꠔꠣꠞꠣ ꠢꠇꠟꠦꠃ ꠎꠣꠞꠎꠤꠞ ꠝꠥꠘꠤꠛꠞꠦ ꠁꠎ꠆ꠎꠔꠤ ꠎꠘ ꠝꠘꠅ ꠇꠞꠃꠇ, ꠎꠣꠔꠦ ꠇꠦꠃ ꠀꠟ꠆ꠟꠣꠞ ꠘꠣꠝꠞꠦ ꠛꠣ ꠀꠝꠞꠣꠞ ꠔꠣꠟꠤꠝꠞꠦ ꠈꠣꠞꠣꠙ ꠇꠅꠀꠞ ꠡꠥꠎꠥꠉ ꠘꠣ ꠙꠣꠄ।

ছিলটি আছমানি কিতাব (বাংলা লিপি)

¹ হুনো, যে গুলাম-বান্দিয়ে মুনিবর গুলামি করইন, তারা হকলেউ যারযির মুনিবরে ইজ্জতি জন মনো করউক, যাতে কেউ আল্লার নামরে বা আমরার তালিমরে খারাপ কওয়ার সুযোগ না পায়।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 16:9

Teu Mabudor firistae ḳoila, “Tumar malik bibir gese firia gia ḳolla nuaia hirbar tan kezmoto lago.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:12

Toia ou dua ḳorla, “O Mabud, amar munib Ibrahimor Alla, aroz ḳori, aiz amar samne kamiabi zair ḳoro, ar amar munib Ibrahimre meherbani koro.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:2

Ar tan ḳas gulam, baṛir furan ze gulamor ufre tan hoḳoltar bar deoa asil tare ḳoila, “Tumar atḳan amar urator tole harao.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:27

“Hokkol proshongsha Mabudor, zein amar munib Ibrahimor Alla. Tain amar malikre tan deoa oada raḳte ar imandari deḳaite faurisoin na. Tain amare-o fot sinaia amar munibor kuṭmor baṛit loia aisoin.”

আছমানি কিতাব: মালাখি 1:6

O imam oḳol huno, ami Alla Rabbul Alamine ḳoiar, fuainte tarar bafre ijjot ḳoroin, saḳore-o tarar malikre ḍorain. Ou laḳan ami eḳzon malik oile, amar bae ḍor-ḳof kuai? Ar ami eḳzon baf oile amar faona ijjot kuai? Tumra-u to amare beijjot ḳorso. Oile tumra hirbar ḳoirae, “Amra kila tumare beijjot ḳorlam?”

ꠁꠘ꠆ꠎꠤꠟ ১: ꠝꠕꠤ 11:9

Te tumra kita deḳat geslae? Kunu nobire deḳat ni? Huno, ami koiram, Ehia to ḳali nobi nae, nobi taki-o boṛo.

Injil 3: Luk 17:1

Hozrot Isae tan shagrid oḳolre ḳoila, “Gunar fote neoar lagi uskani aibo-u aibo. Oile lannot hou zonor ufre, zegie guna ḳorar lagi uskani dey.

Injil 5: Sahabi Nama 10:22

Tara ḳoila, “Sho-sifair subedar Korniluse Allar firistar hukum faia amrare faṭaisoin, tain eḳzon forezgar manush, Allar hukum mafik soloin, Ihudi oḳole tanre kub tazim ḳoroin. Firistae tanre ḳoisoin, zate afnare tan baṛit neoaia afnar nosiot hunoin.”

Injil 5: Sahabi Nama 10:7

Ze firistae Kornilusor loge batchit ḳorsila, tain zaoar bade Korniluse tan baṛir duizon ḳamla ar tan shaijjoḳari eḳzon forezgar sifaire ḍaḳ dila.

Injil 5: Sahabi Nama 15:10

Te amrar baf-dada oḳole ba amra-o ze bar boitam farsi na, hi bar o-Ihudi ummot oḳlor ḳando tulia dia, ḳene afnara Alla Pakre forikka ḳorra?

Injil 6: Ruman 2:24

Allar kalamo ase, “Tumrar sal-cholon dekia bin zati oḳole Allar namre beijjot ḳorer.”

Injil 7: 1-Korintia 10:32

Boni Israil ba bin zati, ba Allar zomator kunu manshor fotor ḳaṭa bonio na.

Injil 9: Galatia 5:1

O mumin oḳol, al-Mosie amrare shadin ḳorsoin, shadin halote roar lagi. Erdae tumrar shadinotare doria raḳo, gulamir lagam ar findio na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:48

erlagi Mabude tumrar ḳoredi dushmon lagaiba, tumra feṭor buke, fanir fiase, obab-onoṭone hokir bonia tarar gulami korbae. Mabude tumrar ḳando luar zual findaiba, ou zualir tole tumrar binash oibo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:14

Erlagi ami ou nosiot ḳoriar, zuan ṛaṛi beṭinte bia-shadi kora-u bala, tara huruttar ma ouk, nizor shongsharor deḳa-huna ḳorouk, ar dushmonre kunu laḳan bodnam gaoar shuzug na deuk.

Injil 17: Titas 2:5

nizore shamlaia raḳoin, shoti roin, bala shongshari oin, doyalu oin, ar zamair baiddo taḳoin. Teu Allar kalamor bodnam ḳorar shuzug keu faito nae.

ꠁꠘ꠆ꠎꠤꠟ ২১: ১-ꠙꠤꠔꠞ 2:12

Zera Allare sine na, tarar maze tumra hok fote solo. Teu tara tumrare dushi koia ninda ḳorle-o, tumrar hoḳol bala ḳam dekia kiamotor din Allar gourob ḳorbo.

ꠁꠘ꠆ꠎꠤꠟ ২১: ১-ꠙꠤꠔꠞ 3:16

Oile i zuaf norom shure dio. Tumrar dil saf rakio, Isayi ummot hishabe zera tumrar bala sal-cholonor ninda ḳore, tara zanu shorminda oy.