ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:8 - Siloṭi Asmani Kitab (Latin lipi)

⁸ Ze zone afon zonre, ḳas ḳori nizor foribaror manshor deḳa-huna ḳore na, he ashole Isayi imanre-u oshikar ḳorlo. Igu to bidormi taki-o bad.

Siloṭi Asmani Kitab (Nagri lipi)

⁸ ꠎꠦ ꠎꠘꠦ ꠀꠙꠘ ꠎꠘꠞꠦ, ꠈꠣꠍ ꠇꠞꠤ ꠘꠤꠎꠞ ꠙꠞꠤꠛꠣꠞꠞ ꠝꠣꠘꠡꠞ ꠖꠦꠈꠣ-ꠢꠥꠘꠣ ꠇꠞꠦ ꠘꠣ, ꠢꠦ ꠀꠍꠟꠦ ꠁꠍꠣꠄꠁ ꠁꠝꠣꠘꠞꠦꠃ ꠅꠡ꠆ꠛꠤꠇꠣꠞ ꠇꠞꠟ। ꠁꠉꠥ ꠔ ꠛꠤꠗꠞ꠆ꠝꠤ ꠕꠣꠇꠤꠅ ꠛꠣꠖ।

ছিলটি আছমানি কিতাব (বাংলা লিপি)

⁸ যে জনে আপন জনরে, খাছ করি নিজর পরিবারর মানষর দেখা-হুনা করে না, হে আসলে ইছায়ী ইমানরেউ অস্বীকার করলো। ইগু তো বিধর্মী থাকিও বাদ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 30:30

Ami aoar age afne gorib asla. Ar oḳon to baṛia boutta oise. Amar ḳarone Mabude afnare bout borkot disoin. Oile amar nizor foribaror lagi kundin ḳamai kortam?”

ꠁꠘ꠆ꠎꠤꠟ ১: ꠝꠕꠤ 18:17

Erar buz-o zudi he na mane, te tar befare zomato nalish deo. Zomator ḳota zudi manilae te bala, ar na manle tare bidormi ba gushkur toshildar mono ḳoria, tare tar fote saṛi deo.

ꠁꠘ꠆ꠎꠤꠟ ১: ꠝꠕꠤ 7:11

Tumra ḳaraf oia-o zudi tumrar huruttainre bala bala siz ditae zano, te zara behesti baf Alla Pakor gese saibo, tain to nisoy tarare bala bala siz dan ḳorba, ita to shababik.

Injil 4: Hannan 15:22

“Ami zudi na aitam ar tarar gese nosiot na ḳortam, te tara gunagar oilo na one, oile oḳon to tarar kunu ozuat nai.

Injil 7: 1-Korintia 6:6

Ami deḳram, bisaror mozliso boia-o tumra baie baie ḳaijja ḳorrae. Ta-o abar o-imandaror samne!

Injil 8: 2-Korintia 12:14

Huno, ami tumrar gese zaoar lagi ou tin nombor bar zuit oilam, te ami kunu buza oitam nae, tumrar gese kunu don-samana sairam na, ḳali tumrare sairam. Ma-bafor lagi don-samana zomani to aolador forz nae, borong ma-bafor usit oilo aolador lagi don zomani.

Injil 8: 2-Korintia 6:15

Iblisor loge al-Mosir kunu ḳatir ase ni? Muminor loge bidormi shorik oibo kila?

Injil 9: Galatia 6:10

Shuzug faile-u amra zanu hoḳol manshor, ḳas ḳori Allar foribaror manshor asan ḳori.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:12

Amra sobor ḳoria shoijjo ḳorle, tan loge bashshai kormu. Ar tanre oshikar ḳorle to, tain-o amrare oshikar ḳorba.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:5

Bairor bab-surote buza zaibo kub allaoala pak-musolli, oile muloto lebasdari bonḍo. Te tumi itar ges taki horia roio.

Injil 17: Titas 1:16

Tara mukdi dabi koroin Allare manoin, oile tarar ḳamor mazdi tanre oshikar ḳoroin. Iguin to noforoti ar obaiddo. Itare kunu bala ḳamo lagail zae na.

ꠁꠘ꠆ꠎꠤꠟ ২২: ২-ꠙꠤꠔꠞ 2:1

Mono rakio, Boni Israilor maze zela bonḍo nobi oḳol asla, tumrar maze-o oula bonḍo ustad oḳol taḳba. Tara lukai lukai omon bul talim dibo, ze talime manshore binash ḳore ar ze malike tarare azad ḳorar lagi korid ḳorsoin, ou malikre forzonto tara oshikar ḳorbo. Olaḳan kub zoldi tara nizor ufre binash ḍakia anbo.

Injil 26: Ehuda 1:4

Itar zorur oise, ḳaron zeta manshe be-dini kamor shaza faibar ḳota ag taki-u leḳa asil, tole tole ota manush aia tumrar dolo hamai gese. Amrar Allar rohomotre tarar bod ḳaish miṭanir atiar banaise, ar amrar eḳmatro Malik Isa al-Mosir ulṭa sole.

Injil 27: Zaira Kalam 2:13

Tumra kun zagat boshot ḳorrae ita to ami zani, ikano Iblisor shinghashon ase. Oile amar befare tumra hok-halal aso, amar ufror imanre oshikar ḳorso na. Amar toblig korra hou hok-halal zon Antipasre zebla shohid ḳora oisil, Iblisor aḳrar maze, tumrar ṭauno tare kun ḳora oisil, hou shomoy-o tumrar imanre oshikar ḳorso na.

Injil 27: Zaira Kalam 3:8

Ami to tumrar ḳam-ḳaz zani. Huno, ami tumrar samne ekkan duar kula raḳlam, ikan bond ḳorar ḳemota ḳeuror nai. Ami to zani, tumra kub ḳomzur, erbade-o tumra amar hukum amol ḳorso ar amare oshikar ḳorso na.