ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:17 - Siloṭi Asmani Kitab (Latin lipi)

¹⁷ Zomator ze fordan murobbi oḳole zomatre balamonte salain, ḳas ḳori zera Allar kalam toblig ar talim deoar lagi menot ḳoroin, tara ḍabul ijjot faoa zorur.

Siloṭi Asmani Kitab (Nagri lipi)

¹⁷ ꠎꠝꠣꠔꠞ ꠎꠦ ꠙꠞꠗꠣꠘ ꠝꠥꠞꠛ꠆ꠛꠤ ꠅꠇꠟꠦ ꠎꠝꠣꠔꠞꠦ ꠜꠣꠟꠣꠝꠘ꠆ꠔꠦ ꠌꠣꠟꠣꠁꠘ, ꠈꠣꠍ ꠇꠞꠤ ꠎꠦꠞꠣ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠀꠞ ꠔꠣꠟꠤꠝ ꠖꠦꠅꠀꠞ ꠟꠣꠉꠤ ꠝꠦꠘꠔ ꠇꠞꠂꠘ, ꠔꠣꠞꠣ ꠒꠣꠛꠥꠟ ꠁꠎ꠆ꠎꠔ ꠙꠣꠅꠀ ꠎꠞꠥꠞ।

ছিলটি আছমানি কিতাব (বাংলা লিপি)

¹⁷ জমাতর যে পরধান মুরব্বি অকলে জমাতরে ভালামন্তে চালাইন, খাছ করি যেরা আল্লার কালাম তবলিগ আর তালিম দেওয়ার লাগি মেনত করইন, তারা ডাবুল ইজ্জত পাওয়া জরুর।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:17 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 18:31

Ou ongsho tumra ar tumrar foribaror manshe zekunu zagat ḳaitae faro, ita to tumrar ḳamor beton, Milon-tambur kezmotor beton.

ꠁꠘ꠆ꠎꠤꠟ ১: ꠝꠕꠤ 24:25

Dekio, ami ita hokkolta tumrare age-u zanai dilam.

Injil 3: Luk 10:7

Foyla ze baṛit hamaibae, hou baṛit-u roio. I baṛi saṛia dusra baṛit zaio na. Tara zeta dein ota ḳaio, ḳaron ḳamlae tar beton faoar zoiggo.

Injil 3: Luk 12:42

Huzure zuaf dila, “Aḳoldar ar hok-halali ou zon ḳe, zar ato malike tan gulam-bandire deḳa-hunar bar diba, he oḳtor ḳalo tarar ḳani baṭia dibo?

Injil 4: Hannan 4:38

Ami-o tumrare ola foshol ḳaṭat faṭaisi, ze fosholor lagi tumra menot ḳorso na. Oinno manshe menot ḳorse ar tumra ou menotor foshol ḳaṭiso.”

Injil 5: Sahabi Nama 11:30

Ar niot mafik kam-o tara ḳorla, tara Barnabas ar Shoulor atane Ehudiar zomator murobbi oḳlor gese shaijjo faṭaila.

Injil 5: Sahabi Nama 20:35

Ami hoḳol laḳan ḳamor maze nomuna deḳaisi, ou laḳan ḳam ḳoria durbol oḳolre shaijjo ḳora zorur. Hozrot Isar talimre mono raḳo, tain nize bataisoin, neoar saite deoa doinno.”

Injil 5: Sahabi Nama 28:10

Tara amrare bout laḳan ijjot ḳorla, bidae bala zaz saṛar age amrar dorḳari hoḳol siz zugaia zazo ania boria dila.

Injil 6: Ruman 12:8

Utshaho dibar niamot ze faise, he manshore utshaho deuk. Dan ḳorar niamot ze faise, he ḳalis niote dan ḳorouk. Murobbiana ḳorar niamot ze faise, he dile-zane hoḳolta salauk. Manshore shaijjo ḳorar niamot ze faise, he kushi mone shaijjo ḳorouk.

Injil 6: Ruman 15:27

Tara kub kushi oia ita tulchoin. Zano ni, i zomator bai-boin oḳol Zeruzalem ṭaunor Allar pak bonda oḳlor gese rini asoin. Ḳaron Allai batuni niamotor baṭ zebla Boni Israilor mazdi bin zatie faisoin, te bin zatir lagi-o zorur oilo, Boni Israilre duniabi befare shae-shaijjo ḳora.

Injil 6: Ruman 16:12

Turfana ar Turfasa Bibire-o salam dio. Ou beṭinte Malik Isar lagi boṛo menot ḳorra. Mayar boin Farsiare-o salam ḳoio, Malikor lagi tain-o bout menot ḳorsoin.

Injil 7: 1-Korintia 15:10

Oile oḳon ami zela oisi, ita Allar rohomote-u oisi. Amar ufre tan i rohomot beḳama gese na, ami oinno sahabi oḳol taki beshi menot ḳorsi. I menot to ami nize nize ḳortam farsi na, borong Allar rohomote-u ita ḳoraise.

Injil 7: 1-Korintia 16:16

Erlagi minot ḳoriar, ilaḳan manshore tumra ijjotor shohit bozio, aro zoto zone ola kezmot ḳoroin, Allar name menot ḳoroin, tarare-o ola bozio.

Injil 7: 1-Korintia 3:9

Oile amra duio zone-u Allar ḳam ḳoriar. Tumra Allar-u ḳet, tan banail bilḍing.

Injil 8: 2-Korintia 6:1

Allar ḳadim hishabe amra ou minot ḳoriar, tumra zebla Allar rohomot faiso, te ikṭare bifol oite dio na.

Injil 9: Galatia 6:6

Huno, ze zonre Allar kalam hikail oy, he tar ustador balair lagi kezmot ḳorouk.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:8

Baki imam oḳlor laḳan he-o tar ḳana-finar baṭ faibo, erloge tar mouroshi samana besar ṭeḳa-foysha-o faibo.

Injil 11: Filifia 2:29

Te Allar bonda hishabe furafur kushi oia tanre kobul ḳorio, ar erar laḳan manshore ijjot ḳorio.

Injil 11: Filifia 4:3

O amar logor asol shongi, ami tumare-o minot ḳorram, tumi ou beṭintore shaijjo ḳorio. Al-Mosir kush-ḳobri toblig kamo era amar loge bout ḳoshṭo ḳorsoin. Kiliman ar oinnainno baiaintor loge-o ḳoshṭo ḳorsoin. Tarar nam to Allar zindegi katat leḳa ase.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:5

Ze manshe tar nizor gor shamlaito fare na, he Allar zomatre kila deḳa-huna ḳorbo?

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10

Erlagi-u amra zane-forane imanor menot ḳoriar ar kiali oia ḳam ḳoriar. Ḳaron amra to zinda Allar ufre borosha ḳori. Tain-u hoḳol manshor toraneala, ḳas ḳori zera tan ufre iman ane.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14

Mono rakio, zomator murobbi oḳole tumar ufre at rakia, nobir laḳan gaibi buli matia tumare ḳelafoti disoin, te tumi i niamotre elami korio na.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:16

Tumar nizor befare ar tumar talimor befare hushiar roio. Teu tumi nizore basaibae, ar zera tumar boyan hunbo, tarare-o basaitae farbae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

O Timoti, tumi zudi ou talim oḳol mumin baiainre buzaia deo, te Isayi imanor ze hok ar nirbul talim mania solrae, i befare tumi faḳa-fukto oia al-Mosir eḳzon ufozukto ḳadim oibae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:19

Mono rakio, dui ba tin zon shakkir ḳota saṛa, zomator murobbir birudde kunu nalish shomzio na.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:3

Zeta ṛaṛi beṭintor ḳeu nai, tarare kub zoton ḳori deḳa-huna ḳorio.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:6

Ar ze giroste menot ḳore, fosholor foyla baṭ to he-u fae, iṭa-u niom.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:2

Tumi Allar kalam toblig koro, shomoy-oshomoy kunta nai, hamesha toblig koro, kub beshi doijjo doria talim deo ar manshor oforad deḳai deo, tarare hushiar ḳoro ar buzao.

Injil 19: Ibrani 13:17

Tumrar murobbi oḳlor hukum mania tarar gese mata nuaia roio, Allar dorbaro hishab deoa lagbo ḳori tara hamesha tumrar zanor faradar oia ḳam ḳorra. Oḳon tara zate kushi mone ita ḳoroin, erlagi tumra baiddo roio. Tara zudi mono duk faia tumrar lagi kam ḳoroin, te tumrar balai oito nae.

Injil 19: Ibrani 13:24

Tumra nizor murobbi oḳolre, ar pak bonda oḳolre amar salam zanaio. Itali deshor manshe tumrare salam zanaira.

Injil 19: Ibrani 13:7

Huno, ze buzurg oḳole tumrare Allar kalam talim disoin, tarar ḳota iad ḳorio. Tarar zindegir halotor ḳota balamonte sinta ḳoria, tumra-o tarar laḳan imane mozbut o.