ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:1 - Siloṭi Asmani Kitab (Latin lipi)

¹ O Timoti, Allai Pak Ruhe forishkar ḳori koira, aḳeri zomanat kisu manush Isayi iman taki horizibo, tara na-hok ruhu ar zin-butor talimor ashik oibo.

Siloṭi Asmani Kitab (Nagri lipi)

¹ ꠅ ꠔꠤꠝꠕꠤ, ꠀꠟ꠆ꠟꠣꠁ ꠙꠣꠇ ꠞꠥꠢꠦ ꠙꠞꠤꠡ꠆ꠇꠣꠞ ꠇꠞꠤ ꠇꠁꠞꠣ, ꠀꠈꠦꠞꠤ ꠎꠝꠣꠘꠣꠔ ꠇꠤꠍꠥ ꠝꠣꠘꠥꠡ ꠁꠍꠣꠄꠁ ꠁꠝꠣꠘ ꠕꠣꠇꠤ ꠢꠞꠤꠎꠤꠛ, ꠔꠣꠞꠣ ꠘꠣ-ꠢꠇ ꠞꠥꠢꠥ ꠀꠞ ꠎꠤꠘ-ꠜꠥꠔꠞ ꠔꠣꠟꠤꠝꠞ ꠀꠡꠤꠇ ꠅꠁꠛ।

ছিলটি আছমানি কিতাব (বাংলা লিপি)

¹ ও তিমথি, আল্লাই পাক রুহে পরিস্কার করি কইরা, আখেরি জমানাত কিছু মানুষ ইছায়ী ইমান থাকি হরিযিবো, তারা না-হক রুহ আর জিন-ভুতর তালিমর আশিক অইবো।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:13

Ou Mabud Allae beṭire zikaila, “Tumi ita kita ḳorlae?” Tain ḳoila, “Hafe amare salla dia ḳaoaise.”

ꠔꠃꠞꠣꠔ ৪: ꠡꠥꠝꠣꠞꠤ 24:14

Te ami oḳon amar manshor gese firot zairamgi, oile ou zatie bobishote afnar zatir loge kita kita ḳorba, afnar hushiarir lagi ita agam zanai diar.”

ꠁꠘ꠆ꠎꠤꠟ ১: ꠝꠕꠤ 18:7

Haere dunia, gunar fote neoar lagi tumar maze ḳoto uskani ase! Uskani to aibo-u aibo. Oile lannot hou zonor ufre, zegie guna ḳoranir lagi uskani dey.

Injil 3: Luk 17:1

Hozrot Isae tan shagrid oḳolre ḳoila, “Gunar fote neoar lagi uskani aibo-u aibo. Oile lannot hou zonor ufre, zegie guna ḳorar lagi uskani dey.

Injil 4: Hannan 16:13

Hou hok ruhu aia hari fot deḳaia tumrare furafur hokkan zanaiba. Tain to niz taki kunta ḳoita nae, ḳali zeta hunoin, ota-u ḳoiba. Ar zeta goṭbo, ota-u zanaiba.

Injil 5: Sahabi Nama 13:2

Era zebla ruza rakia Mabudor ebadot ḳorat asla, ou shomoy Pak Ruhe erare ḳoila, “Barnabas ar Shoulre ami ze ḳamor lagi fosond ḳorsi, ou ḳamor lagi tarare alog kori deo.”

Injil 5: Sahabi Nama 17:18

Teu Ifikuri ar Stuiki motobador ḳoyzon fonḍite tan loge torko lagaila, tara ḳoyzone ḳoila, “I bok-bok korrae kita hikaito sae?” Ar ḳeu ḳeu ḳoilo, “Mone ḳoy he kunu bideshi devtaintor ḳota zanaito sar.” Ḳaron Pauluse Hozrot Isa ar murda taki zinda oar kush-ḳobrir ḳota toblig korsila.

Injil 5: Sahabi Nama 20:23

Ḳali ou ḳoborḳan zani, Pak Ruhe hokkol ṭauno amare ou ḳota zanaira, toklif ar zel ḳaṭa amar lagi bar sar.

Injil 5: Sahabi Nama 21:11

Tain aia hari Paulusor ḳomror taga kulilila, ar iṭadi nizor at-fao bandia ḳoila, “Pak Ruhe oula ḳoira, Zeruzalemor Ihudi oḳole ou ḳomror taga-alare oula banba, ar o-Ihudi oḳlor ato shofia diba.”

Injil 5: Sahabi Nama 28:25

Boyan hunar bade tarar maze motor omil oigelo, tara hikan taki bidae oita saila. Zaoar age Pauluse tarare ḳali ou nosiotḳan ḳorla, “Pak Ruhe Hozrot Ishaya nobir zoriae afnaintor baf-dada oḳolre ou ḳotaḳan ṭik-u ḳoisla,

Injil 7: 1-Korintia 10:20

Na, muṭe-u na. Ta-o bidormi oḳole zoto nomunar boli dein, ita deo-danob, but-ferotor name-u dein, Allar name nae. Te ami sai na, ou but-ferotor loge tumrar kunu ḳatir-dusti rouk.

Injil 7: 1-Korintia 11:19

Ashole to tumrar maze motor omil taḳbo-u, zate tumrar mazor ḳaṭi nikut manshor forisoy mile.

Injil 7: 1-Korintia 12:11

Ita hoḳol ḳam to ou eḳoi Pak Ruhe ḳoroin. Ou dan-niamot oḳol tan nizor kushi mafik forteḳ muminre baṭia dein.

Injil 7: 1-Korintia 2:10

Ita oḳon tan Pak Ruhur mazdi amrar gese zair ḳorsoin. Pak Ruhur ozana kunta-u nai, tain Allar hoḳol batuni befar-o zanoin.

Injil 8: 2-Korintia 11:3

Oile ami ḍoraiar, hou hafe zela ku-buddi dia Bibi Haoare be-fote nisilgi, olaḳan tumrare-o al-Mosir ges taki horailito fare, he tumrar dilor ḳaṭi bab ar monor nishana alailibo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:29

Aḳol taḳle buzto tarar nizor durdosha, bibek kaṭai zan basaia roito hamesha.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:30

Hesh-mesh tumra mosiboto foṛia hirbar touba ḳoria, tumrar Mabud Allar nam loibae, ar tan kushi mafik solbae.

Injil 12: Kolosia 2:18

Zera nizor shorilre ḳoshṭo deoa ar firista oḳlor ebadot ḳorare zoruri mono ḳore, era zanu tumrare furuskaror fot taki horaito na fare. Ou nomunar manshe zeta deḳse ḳoia ḳamoḳa boṛai-beṭagiri kore, ar ota loia boṛo boṛo gof mare, ashole erar ontor to ḳali duniabi sintae bora.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:13

Oile bonḍo ar ḳobis oḳol din din aro ḳaraf oibo. Tara nize-o be-fote solbo, ar aroḳzonre-o be-foti banaibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:4

Tara hok talim taki muk firaia, mongoṛa kichcha-ḳahinir ḳore douṛaiba.

Injil 20: Iakub 3:15

Ilaḳan hekmot behest tone ae na, ita dunia, ḳaraf nofs, ar Iblis taki-u ae.

ꠁꠘ꠆ꠎꠤꠟ ২১: ১-ꠙꠤꠔꠞ 1:20

Dunia foyda oar age-u Allae tanre ṭik kori raḳsoin, oile ou hesh-mesh shomoy tain tumrar lagi-u zair oisoin.

ꠁꠘ꠆ꠎꠤꠟ ২২: ২-ꠙꠤꠔꠞ 2:1

Mono rakio, Boni Israilor maze zela bonḍo nobi oḳol asla, tumrar maze-o oula bonḍo ustad oḳol taḳba. Tara lukai lukai omon bul talim dibo, ze talime manshore binash ḳore ar ze malike tarare azad ḳorar lagi korid ḳorsoin, ou malikre forzonto tara oshikar ḳorbo. Olaḳan kub zoldi tara nizor ufre binash ḍakia anbo.

ꠁꠘ꠆ꠎꠤꠟ ২২: ২-ꠙꠤꠔꠞ 3:3

Kub kial ḳori buzio, aḳeri zomanat rong-tamsha ḳorra oḳole rong-tamsha loia aziba, tara zarzir ḳaishe solba.

Injil 23: 1-Hannan 2:18

Baba oḳolre, kiamot daro aichche. Te tumra nichchoy huncho, Kane-Dorjal aoar shomoy oigese. Ar asol ḳota oilo, ermaze bout dorjal aia harsoin. Ota dekia amra buziar, hasau kiamot daro aichche.

Injil 23: 1-Hannan 4:6

Ar amra oilam Allar manush. Allare zera sine, tara amrar buli mane. Oile zera Allar nae, tara amrar ḳota hune na. Ou nomunae amra dukabaz ruhu ar Allai hok ruhre sini.

Injil 26: Ehuda 1:18

Era tumrare ou hushiari dita na ni, “Aḳeri zomanat forezgarre ṭaṭṭa-moshkora ḳorra eḳzat manush aiba, aia tarar be-dini bod ḳaish mafik solba.”

Injil 26: Ehuda 1:4

Itar zorur oise, ḳaron zeta manshe be-dini kamor shaza faibar ḳota ag taki-u leḳa asil, tole tole ota manush aia tumrar dolo hamai gese. Amrar Allar rohomotre tarar bod ḳaish miṭanir atiar banaise, ar amrar eḳmatro Malik Isa al-Mosir ulṭa sole.

Injil 27: Zaira Kalam 13:14

Hou foyla zanuaror lagi zoto laḳan keramoti deḳanir ḳemota tare deoa oisil, ota deḳaia he manshore be-foti banailo. Foyla ze zanuar toluaror sed ḳaia-o basi gesil, tar eḳṭa murti bananir lagi dusra zanuare manshore foramish dilo.

Injil 27: Zaira Kalam 16:14

Ou but oḳole keramoti kam deḳanit asil. Tara hara zogotor raza oḳolre ekḳano dola ḳorlo, Shorbo-shoktiman Allar hou mohan dino zuddo ḳorar lagi.

Injil 27: Zaira Kalam 18:2

Tain zure zure ḳoila, “Binash oigese, binash oigese, hou namḳora Babil ṭaun. Ikan oḳon butor aḳra oise, hokkol nomunar but-ferotor aḳra, nafak ar zogoinno fakintor boshot ḳana oise.

Injil 27: Zaira Kalam 18:23

Tumar maze kunudin kunu battir for zolto nae. Daman-koinar golar aoaz ar kunudin tumar maze huna zaito nae. Ḳaron asta zogotor maze tumar shodagor oḳol namḳora asil, zogotor hoḳol zati tumar sol-soturir zadue fagol oizito.

Injil 27: Zaira Kalam 19:20

Teu hou zanuarre doria aṭok kora oilo, ar ze bonḍo nobie tar fokko loia asanok kam deḳaito, tare-o dora oilo. Zeta manshe hou zanuaror sil lagaise, tar murtir puja ḳorse, ou bonḍo nobie tar asanok kam deḳaia ota manshore be-foti banaise. I duioṭare zinda halote, zalail gondoḳor agunir maze falani oilo.

Injil 27: Zaira Kalam 2:11

Zar ḳan ase he hunouk, Pak Ruhe zomat oḳolre kita bataira. Ze zon joyi oibo, dusrabaror moute, mani duzoḳe tar ḳeti korar kunu shaiddo nai.

Injil 27: Zaira Kalam 2:17

Zar ḳan ase he hunouk, Pak Ruhe zomat oḳolre kita bataira. Ze zon joyi oibo, ami tare lukail behesti manna taki tuṛa manna ar eḳṭa dola fattor dimu. Ou fattoror ufre omon eḳ nam leḳa taḳbo, i nam ḳeu sine na; ze zone ou fattor faibo, ḳali he-u i nam sinbo.

Injil 27: Zaira Kalam 2:29

Zar ḳan ase he hunouk, Pak Ruhe zomat oḳolre kita bataira.

Injil 27: Zaira Kalam 2:7

Zar ḳan ase he hunouk, Pak Ruhe zomat oḳolre kita bataira. Ze zon joyi oibo tare ami Alla Pakor Zannatul-Ferdousor zindegi-gasor fol ḳaite dimu.

Injil 27: Zaira Kalam 20:10

Ar ze Iblise erare be-foti banaisil, tare doria zalail gondoḳor agunir gato falail oilo. Hou zanuar ar bonḍo nobire age-u ou gato falail oisil. Hono tara siroḳal roiba, ar dine-raite zala-zontronar azab faiba.

Injil 27: Zaira Kalam 20:8

Teu he gia asta zogotor hoḳol zatire, mani Iazuz-Mazuzre be-foti banaibo, ar zuddo ḳorar lagi tarare ekḳano dola ḳorbo. Tar manush oiba, doriar soror balur laḳan, ita gonia furani zaito nae.

Injil 27: Zaira Kalam 3:13

Zar ḳan ase he hunouk, Pak Ruhe zomat oḳolre kita bataira.

Injil 27: Zaira Kalam 3:22

Zar ḳan ase he hunouk, Pak Ruhe zomat oḳolre kita bataira.

Injil 27: Zaira Kalam 3:6

Zar ḳan ase he hunouk, Pak Ruhe zomat oḳolre kita bataira.

Injil 27: Zaira Kalam 9:20

Oile ou gozobor bade-o zeta manush zita roila, tara nizor ator banail murtipuja taki touba ḳorlo na. Tara nanan nomunar butor puja, ar zetae deḳoin na, hunoin na ba aṭa-sola ḳorta faroin na ota murtir puja ḳorat roila. Shuna, rufa, fitol, fattor ar laḳṛidi banail murtipujat roila.