ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:15 - Siloṭi Asmani Kitab (Latin lipi)

¹⁵ Zudi kunu ḳarone amar aite deri oizae, te i leḳa foṛle tumi buzbae, Allar foribaror manshor sal-cholon kila oito. I foribar to zinda Allar zomat, Allai hokikotor bit ar ian kuṭi.

Siloṭi Asmani Kitab (Nagri lipi)

¹⁵ ꠎꠥꠖꠤ ꠇꠥꠘꠥ ꠇꠣꠞꠘꠦ ꠀꠝꠣꠞ ꠀꠁꠔꠦ ꠖꠦꠞꠤ ꠅꠁꠎꠣꠄ, ꠔꠦ ꠁ ꠟꠦꠈꠣ ꠙꠠꠟꠦ ꠔꠥꠝꠤ ꠛꠥꠎꠛꠣꠄ, ꠀꠟ꠆ꠟꠣꠞ ꠙꠞꠤꠛꠣꠞꠞ ꠝꠣꠘꠡꠞ ꠌꠣꠟ-ꠌꠟꠘ ꠇꠤꠟꠣ ꠅꠁꠔ। ꠁ ꠙꠞꠤꠛꠣꠞ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠎꠝꠣꠔ, ꠀꠟ꠆ꠟꠣꠁ ꠢꠇꠤꠇꠔꠞ ꠜꠤꠔ ꠀꠞ ꠁꠀꠘ ꠈꠥꠐꠤ।

ছিলটি আছমানি কিতাব (বাংলা লিপি)

¹⁵ যুদি কুনু কারনে আমার আইতে দেরি অইযায়, তে ই লেখা পড়লে তুমি বুজবায়, আল্লার পরিবারর মানষর চাল-চলন কিলা অইতো। ই পরিবার তো জিন্দা আল্লার জমাত, আল্লাই হকিকতর ভীত আর ইয়ান খুটি।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:15 Iomraidhean Croise

ꠁꠘ꠆ꠎꠤꠟ ১: ꠝꠕꠤ 16:16

Sahabi Saimon-Fitore zuaf dila, “Afne to Allar oada ḳora hou al-Mosi Ibnulla, zinda Allar ḳas mayar zon.”

ꠁꠘ꠆ꠎꠤꠟ ১: ꠝꠕꠤ 18:18

Te ami tumrare hasa ḳota ḳoiram, ou duniait tumra zetare nazaiz ḳoibae, ita Allar dorbaro nazaiz oizibo, ar tumra zetare zaiz ḳoibae, Allar dorbaro-o ita zaiz oibo.

Injil 4: Hannan 1:17

Musa nobir marfote Allae shoriot dan ḳorsila, oile Isa al-Mosir marfote hok ar rohomot aise.

Injil 4: Hannan 14:6

Isae ḳoila, “Ami-u fot, ami-u hok ar ami-u zindegi. Amar usilla saṛa kunu manush-u gaibi bafor gese zaito fare na.

Injil 4: Hannan 18:37

Ikan hunia Filate Isare zikaila, “Taile tumi kita bashsha ni?” Isae ḳoila, “Afne-u to ḳoira, ami bashsha. Hunoukka, hokor fokke shakki deoar lagi ami duniat aisi. Zara hokor loge ase, tara amar ḳota hune.”

Injil 4: Hannan 6:69

Amra to zanchi ar afnar ufre iman-o anchi, afne-u Allar oada ḳora hou fobitro zon.”

Injil 5: Sahabi Nama 1:2

Ze sahabi oḳolre tain basia loisla, tanre tulia neoar age Pak Ruhu dia erar gese osiot ḳorai gesoin.

Injil 5: Sahabi Nama 14:15

“O sab oḳol, afnara ḳene ita ḳorra? Amra to ḳali afnaintor laḳan-u duki-shuki manush, amra afnaintor gese ou kush-ḳobri toblig korram, zate i oshar hoḳolta bad dia zinda Allar bae firoin, zein asman-zomin, doria ar ermaze zotota ase hokkolta foyda ḳorsoin.

Injil 6: Ruman 3:2

Nichchoy ase. Bout nomunar fayda ase. Foyla fayda: Alla Pake tan hokkol kalam nazil ḳorsoin Boni Israilor gese.

Injil 6: Ruman 9:26

Ze zomino ḳoa oisil, tumra amar proza nae, hou zomino-u tarare zinda Allar aolad ḳoa oibo.

Injil 7: 1-Korintia 10:32

Boni Israil ba bin zati, ba Allar zomator kunu manshor fotor ḳaṭa bonio na.

Injil 7: 1-Korintia 3:16

Tumra zano na ni, tumra oilae Allar Kaba gor, tumrar maze tan Pak Ruhu boshot ḳoroin?

Injil 8: 2-Korintia 3:3

Ikan to forishkar buza zae, al-Mosir leḳa sonod oilae tumra-u, tumra-u amrar menotor fol. I sonod to kunu ḳali-kolom dia leḳa oise na, ḳali Allar Pak Ruhu dia leḳa oise. Ikan to Tur faṛo faoa shoriotor laḳan kunu fattoror ufre leḳa nae, borong manshor dilor maze-u leḳa oise.

Injil 8: 2-Korintia 6:16

Zano to, Pak Kalamo Allae ḳoira, Ami tarar bitre boshot ḳormu, tarar loge-u sola-fira ḳormu. Ami oimu tarar Alla, tara oiba amar proza. Te amra-u oilam zinda Allar boshot ḳana. Allar Kaba goror bitre murtir kunu zaga ase ni?

Injil 8: 2-Korintia 6:7

hok kota ḳoa ar Allar kudroti bol, duio ate forezgarir atiar bebohar ḳoriar.

Injil 9: Galatia 2:9

Oḳan dekia zomator goinno-mainno murobbi, mani Iakub, Fitor ar Hannane buzilila, Allar torof tone ami kas rohomot faisi. Teu tara-o amrar loge eḳmot asoin oḳan deḳaita ḳori, amar ar Barnabasor loge tarar at milaila. Ar ou mate razi oila, amra toblig kormu oinnainno zatir gese, oile tara toblig korba Ihudi shomazor gese.

Injil 9: Galatia 3:1

O be-aḳol Galati oḳol, tumrare ḳegie zadu ḳorse? Tumrar gese to kula-mela ar saf-sofa toblig kora oise, Isa al-Mosire gaso loṭḳaia zane mara oisil.

Injil 10: Ifisia 4:21

Tumra nichchoy tan befare huncho, hunia tan loge shorik oia, tan maze ze hok ase, ou hokor talim faiso.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:23

Ar Mabude Nunor fua Iusare tan noya ḳamor lagi oula hukum dila, “Tumi bukut bol raḳo ar shaosh ḳoro. Ami kosom ḳaia Boni Israilre ze desh dibar lagi oada ḳorsi, tumi tarare loia hou desho zaibae, ami tumar loge loge roimu.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:26

Amrar laḳan ila ar kunu Adom zat asoin ni, zera nuror aguin taki zinda Alla Pakor golar aoaz hunar bade-o zita ase?

Injil 12: Kolosia 1:5

Tumra age ze kush-ḳobri mani Allar hok kalam faiso, ou kalam hunia-u tumrar mono eḳ asha zonmise. Ou asha taki-u tumrar iman ar maya foyda oise. Ar tumra asha ḳorrae ze saman faitae, ita to behesto raḳa ase.

ইঞ্জিল ১৩: ১-থিষল: 1:9

Hoḳol manshe-u to amrare ḳoira, tumra ḳoto ador ḳoria amrare kobul ḳorsilae, tara eoḳan ḳoira, tumra kila deb-debintor puja bad dia Allar foti oia, zinda hok Allar ebadot ḳorat aiso.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:14

O Timoti, ami asha ḳorram kub zoldi-u tumar gese aitam. Oḳan mono ḳoria tumare ita leḳram.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:16

Isayi imanor marifoti koto mohan, ita to oshikar ḳora zae na. Ou marifoti oula zair oilo, Tain manush surote zair oila, Pak Ruhe forman oila be-ḳosur, firista oḳole tan doroshon faila. Tan befare hokkol zatir gese toblig kora oilo, asta duniar manshe tan ufre iman anla, gourob-mohimae tanre ufre tuli neoa oilo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:2

Zomator saloḳdar manshor sokut nikut oite oibo. Tan ḳali eḳ bou oibo. Tain nizore shamlaia raḳba, tan bala aḳol-buddi roibo, shobab oibo bodro, ar memandari korte bala faiba. Manshore talim deoar ḳemota taḳte oibo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:5

Ze manshe tar nizor gor shamlaito fare na, he Allar zomatre kila deḳa-huna ḳorbo?

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10

Erlagi-u amra zane-forane imanor menot ḳoriar ar kiali oia ḳam ḳoriar. Ḳaron amra to zinda Allar ufre borosha ḳori. Tain-u hoḳol manshor toraneala, ḳas ḳori zera tan ufre iman ane.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:16

Ḳali Alla Pakre-u moute ḳobza ḳorto fare na. Tain ola eḳ nuror foro boshot ḳoroin, hino kunu adom zat zaito fare na. Kunu Adome kunudin tanre deḳse-o na, deḳar takkot-o nai. Ijjot ar ḳemota siroḳal ḳali tan-u. Amin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:19

Tebou Allar banail mozbut bit uba roise, er ufre sil-sappoṛor laḳan ou ḳota leḳa ase, “Malike zanoin, ḳe ḳe tan,” ar “Ze zone al-Mosire malik koia shikar ḳore, he hoḳol zator guna taki horail rouk.”

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:20

O Timoti, zomidar baṛit to ḳali shuna-rufar zinish taḳe na, laḳṛir zinish ar maṭir tal-bashon-o taḳe. Ermaze kunuṭa shommani kamo ar kunuṭa nisa ḳamo bebohar oy.

Injil 19: Ibrani 10:21

Te amrar eḳzon fordan imam-o asoin, Allar foribaror tamam manshor zimma to tan ato deoa oise.

Injil 19: Ibrani 12:22

Oile tumra to fobitro Sion faṛ ar zinda Allar ṭaunor ḳasat aiso, azar azar firistae zeḳano kushi-bashir mahfil ḳorra, hono aiso. I ṭaun oilogi, behesti Zeruzalem.

Injil 19: Ibrani 3:12

Baiain oḳol, hushiar o! Tumrar dilor maze zanu naformani ar beimani na hamae, ita hamai gele zinda Allar ges taki nizore duroi horailae.

Injil 19: Ibrani 9:14

Te zein hor-hameshakur zinda ruhur mazdia, be-guna kurbani oia tan nizor zanre Allar name shofia dilaisoin, hi al-Mosir loue amrar dilre nafaki kam-ḳaz taki aro ḳoto beshi forimane fak-saf ḳorbo, zate amra zinda Allar ebadot-bondegi kortam fari.

ꠁꠘ꠆ꠎꠤꠟ ২১: ১-ꠙꠤꠔꠞ 2:5

Ar tumra tan torika kobul ḳorae, tumrare-o zinda fattoror laḳan Alla Pak roibar fobitro Kaba gor banani or. Erlagi Allai imam sab hishabe tumrare alada ḳori raḳa oise, zate tumra oula ruhani kurbani deo, zeta Isa al-Mosir ḳatire Allae kobul ḳoroin.

ꠁꠘ꠆ꠎꠤꠟ ২১: ১-ꠙꠤꠔꠞ 4:17

Bisaror shomoy aichche, ar Allar fosond ḳora bonda oḳolredi-u bisar shuru oibo. Ita zudi amrar maz taki-u shuru oy, te zera Allar kush-ḳobri manche na, tarar dosha kilan oibo?

Injil 27: Zaira Kalam 7:2

Bade ami deḳlam, fube taki aroḳzon firista uṭia aira, zinda Allar sil-sappoṛ tan gese ase. Tain aia ze sairzon firistare dunia ar doriar ḳeti korar lagi kemota deoa oisil, hou sairo firistare zure zure ḍakia ḳoila,