ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:1 - Siloṭi Asmani Kitab (Latin lipi)

¹ Ami foyla-u zanairam, forteḳ manshor lagi tumra Allar dorbaro kakuti-minoti, dua-munazat, foriad zanao ar shukria adae ḳoro.

Siloṭi Asmani Kitab (Nagri lipi)

¹ ꠀꠝꠤ ꠙꠄꠟꠣꠃ ꠎꠣꠘꠣꠁꠞꠣꠝ, ꠙꠞꠔꠦꠇ ꠝꠣꠘꠡꠞ ꠟꠣꠉꠤ ꠔꠥꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠇꠣꠇꠥꠔꠤ-ꠝꠤꠘꠔꠤ, ꠖꠥꠀ-ꠝꠥꠘꠣꠎꠣꠔ, ꠚꠞꠤꠀꠖ ꠎꠣꠘꠣꠅ ꠀꠞ ꠡꠥꠇꠞꠤꠀ ꠀꠖꠣꠄ ꠇꠞꠅ।

ছিলটি আছমানি কিতাব (বাংলা লিপি)

¹ আমি পয়লাউ জানাইরাম, পরতেক মানষর লাগি তুমরা আল্লার দরবারো কাকুতি-মিনতি, দোয়া-মুনাজাত, ফরিয়াদ জানাও আর শুকরিয়া আদায় করো।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:1 Iomraidhean Croise

Injil 5: Sahabi Nama 17:30

Agor zomanar manshe ita zanta na gotike Allae itare ḳosur mono ḳorsoin na, oile oḳon tain hoḳol zagar hokkol manshore mon bodlaia touba ḳorar lagi hukum dira.

Injil 6: Ruman 1:8

Ami foyla-u ḳoiram, tumrar mozbut imanor ḳota asta duniair maze roṭigese ḳori, ami Isa al-Mosir name amar Allar shukria adae ḳorram.

Injil 6: Ruman 6:17

Alla Pakor shukur, age zudio tumra gunar gulam aslae, ta-o Isayi torikar talim faia hari, dile-zane itar ashik oiso.

Injil 7: 1-Korintia 15:3

Ashole ami nize ze talim faisi, ou talimre kub zoruri mono ḳoria tumrare-o zanaisi. Allar kalam mafik amrar gunar mafir lagi al-Mosie nizor zan kurbani disoin.

Injil 8: 2-Korintia 8:6

Ita dekia amra Titas baire kub minot ḳorslam, dan-ḳoyrat ḳorar ze ḳam tain tumrar maze salu ḳorsoin, ita zanu shesh-o ḳoroin.

Injil 10: Ifisia 3:13

Erlagi ami tumrare minot ḳoriar, ami duḳ-mosibot shoijjo ḳoriar dekia tumra nirash oio na. Ita to tumrar lagi-u shoijjo ḳoriar, erlagi gourob ḳoro.

Injil 10: Ifisia 5:20

Hamesha hoḳol befare amrar Malik Isa al-Mosir name behesti baf Allar shukria adae ḳoro.

Injil 10: Ifisia 6:18

Pak Ruhur bole dile-zane hor-hamesha munazat ḳoro. Erlagi hozag roia hoḳol pak bonda oḳlor lagi shob shomoy munazat ḳorat roio.

Injil 11: Filifia 1:3

Tumrar ḳota zotobar-u amar iad oy, otobar-u ami amar Allar shukria adae ḳori.

Injil 11: Filifia 4:6

Kunu befare-u tumra fereshan oio na, borong munazat ḳoro. Tumrar zotota saibar ase, Allar shukria adae ḳoria tan gese sao.

ইঞ্জিল ১৩: ১-থিষল: 3:12

Amra zela tumrar bae maya-mohobbotor maze ḍubi gesi, ṭik oula Malik Isae tumrare-o eḳe-oinne, ar hoḳlor bae maya-mohobbote habuḍubu ḳaoaukka.

ইঞ্জিল ১৪: ২-থিষল: 1:3

Bai oḳol, amra hamesha tumrar lagi Allar shukria adae ḳora zorur. Tumrar imani bol bout baṛer ar eḳe-oinne maya-mohobbot-o baia foṛer, erlagi amra shukria adae ḳora dorḳar.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:4

Alla Pakor kial oilo, zate hoḳol manshe nazat fain, ar al-Mosir torikar hokkolta shullo-ana buzoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:5

Ze ṛaṛi beṭintor ḳeu nai, tara ḳali Allar ufre borosha rakia, dine-raite tan dorbaro munazat ar ḳanda-ḳaṭi korat roin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:24

Malik Isar gulame ḳaijja-fosad ḳora ṭik nae, ein borong hoḳlor bae doyal oite oibo, ein manshore talim deoar ḳemota ar sobor-shokti taḳte oibo.

Injil 17: Titas 2:11

Zano to, Allar ze rohomotor usillae hoḳlor nazat mile, ita oḳon duniat zair oigese.

Injil 17: Titas 3:2

Tara zanu ḳeuror bodnam na gain, ḳaijja-fosad na ḳoroin, borong shanto-shisṭo roia hoḳlor loge norom bebohar ḳoroin.

Injil 19: Ibrani 6:11

Amrar kub ichcha oilo, tumra forteḳ zone-u hesh forzonto eḳoi laḳan ḳam ḳorat aguai aibae, zate tumrar asha fura oy.

Injil 20: Iakub 5:16

Erlagi tumra eḳzone aroḳzonor gese zarzir guna shikar ḳoro, ar eḳe-oinnor lagi dua ḳoro, zate bala oitae faro. Forezgar oḳlor munazat asanoḳ bolala.