ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18 - Siloṭi Asmani Kitab (Latin lipi)

¹⁸ O mayar fut Timoti, tumar befare age zeta batuni mat mata oisil, ou mafik ami tumare minot ḳori koiram, tumi ita mono rakia al-Mosir lagi dile-zane laṛai korat ro.

Siloṭi Asmani Kitab (Nagri lipi)

¹⁸ ꠅ ꠝꠣꠄꠀꠞ ꠙꠥꠔ ꠔꠤꠝꠕꠤ, ꠔꠥꠝꠣꠞ ꠛꠦꠙꠣꠞꠦ ꠀꠉꠦ ꠎꠦꠔꠣ ꠛꠣꠔꠥꠘꠤ ꠝꠣꠔ ꠝꠣꠔꠣ ꠅꠁꠍꠤꠟ, ꠅꠃ ꠝꠣꠚꠤꠇ ꠀꠝꠤ ꠔꠥꠝꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠔꠥꠝꠤ ꠁꠔꠣ ꠝꠘꠅ ꠞꠣꠈꠤꠀ ꠀꠟ-ꠝꠍꠤꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣꠔ ꠞꠅ।

ছিলটি আছমানি কিতাব (বাংলা লিপি)

¹⁸ ও মায়ার পুত তিমথি, তুমার বেয়াপারে আগে যেতা বাতুনি মাত মাতা অইছিল, অউ মাফিক আমি তুমারে মিনত করি কইরাম, তুমি ইতা মনো রাখিয়া আল-মসীর লাগি দিলে-জানে লাড়াই করাত রও।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18 Iomraidhean Croise

Injil 5: Sahabi Nama 16:1

Hozrot Paulus foyla Dorbi ar bade Lushra ṭauno gia azila. Lushrat Timoti name eḳzon ummot asla, tan ma imandar, ma to Ihudi zator, oile baf Iunani zator.

Injil 7: 1-Korintia 4:17

Ou niote ami Timotire tumrar gese faṭailam, malikor name ein to amar mayar hok-halal fut. Malik Isa al-Mosire ami kila mania soliar, ar hoḳol zagar hoḳol zomato kila talim diar, ita tain mono ḳorai diba.

Injil 7: 1-Korintia 9:7

Nizor gaṭṭir ṭeḳa bangia ḳeu sifair saḳri kore ni? Ze giroste folor bagan ḳore, he itar fol ḳae na ni? Ze raḳale foshufal raḳe, he itar dud ḳae na ni?

Injil 11: Filifia 2:22

Oile Timotir befar to tumra zano, fute zela nizor bafor loge ḳam ḳore, tain-o ola al-Mosir kush-ḳobri tobligor lagi amar loge menot ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:2

Mumin hishabe amar ḳas aolad, Timotir gese leḳram. Gaibi baf Alla Pake ar amrar Malik Isa al-Mosie tumare rohomot, meherbani ar shanti dan ḳoroukka.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5

Borong shoṭik talimor fol oilo, maya-mohobbot, ita to ḳaṭi dil, forishkar bibeḳ ar hasaror iman taki foyda oy.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14

Mono rakio, zomator murobbi oḳole tumar ufre at rakia, nobir laḳan gaibi buli matia tumare ḳelafoti disoin, te tumi i niamotre elami korio na.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:4

Allar foyda ḳora hoḳol zinish-u bala. Haram mono ḳoria kunuta bad deoa ṭik nae, borong Allar shukria adae ḳoria ḳaoa zae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:20

O Timoti, tumar zimmae ze shompod deoa oise, i shompod tumi balamonte hefazot ḳoro. Aze-baze aḳolor beḳama biddar bulir du-nosla talim taki horia ro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:2

Ami amar mayar aolad Timotir gese leḳram. Gaibi baf Allae ar amrar Malik Isa al-Mosie tumare rohomot, meherbani ar shanti dan ḳoroukka.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:7

Ami to al-Mosir lagi zane-forane laṛai korsi, amare batai deoa fotor hesh mata forzonto douṛaisi, amar iman ṭikaia raḳsi.

Injil 17: Titas 1:4

Amar hou ḳas aolad Titasor gese leḳram, amra duiozon-u eḳoi imane al-Mosir ummot oisi. Amrar gaibi baf Allae ar toraneala Isa al-Mosie rohomot ar shanti dan ḳoroukka.

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:10

Amar aolad Onisimor lagi arzi zanairam, ami zelo bondi taḳa halote he iman ania amar aolad bonigese.