ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:16 - Siloṭi Asmani Kitab (Latin lipi)

¹⁶ Otar lagi-u Allae amare doya ḳorsoin, zate amar moto fordan gunagaror mazdi Isa al-Mosie tan shima saṛa soborgari deḳaita faroin, ar tan ufre iman anae zera aḳeri zindegi faiba, tara zanu amare dekia Allai fot buzoin.

Siloṭi Asmani Kitab (Nagri lipi)

¹⁶ ꠅꠔꠣꠞ ꠟꠣꠉꠤꠃ ꠀꠟ꠆ꠟꠣꠄ ꠀꠝꠣꠞꠦ ꠖꠄꠀ ꠇꠞꠍꠂꠘ, ꠎꠣꠔꠦ ꠀꠝꠣꠞ ꠝꠔ ꠙꠞꠗꠣꠘ ꠉꠥꠘꠣꠉꠣꠞꠞ ꠝꠣꠎꠖꠤ ꠁꠍꠣ ꠀꠟ-ꠝꠍꠤꠄ ꠔꠣꠘ ꠡꠤꠝꠣ ꠍꠣꠠꠣ ꠍꠛꠞꠉꠣꠞꠤ ꠖꠦꠈꠣꠁꠔꠣ ꠙꠣꠞꠂꠘ, ꠀꠞ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠄ ꠎꠦꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠛꠣ, ꠔꠣꠞꠣ ꠎꠣꠘꠥ ꠀꠝꠣꠞꠦ ꠖꠦꠈꠤꠀ ꠀꠟ꠆ꠟꠣꠁ ꠙꠕ ꠛꠥꠎꠂꠘ।

ছিলটি আছমানি কিতাব (বাংলা লিপি)

¹⁶ অতার লাগিউ আল্লায় আমারে দয়া করছইন, যাতে আমার মত পরধান গুনাগারর মাজদি ইছা আল-মসীয়ে তান সীমা ছাড়া ছবরগারি দেখাইতা পারইন, আর তান উপরে ইমান আনায় যেরা আখেরি জিন্দেগি পাইবা, তারা যানু আমারে দেখিয়া আল্লাই পথ বুজইন।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:16 Iomraidhean Croise

ꠎꠛꠥꠞ ꠡꠞꠤꠚ 25:11

Bout bod ḳam naformani ḳorilisi ami, tumar namor duai go Mabud, dilao more mafi.

ꠔꠃꠞꠣꠔ ২: ꠢꠤꠎꠞꠔ 34:8

Ikan hunia-u Musa nobi loge loge soizdat foṛia ḳoila,

ꠔꠃꠞꠣꠔ ৪: ꠡꠥꠝꠣꠞꠤ 23:3

Erbade Balam pire Balakre ḳoila, “Afnar kurbani deoa ou foshur ḳasat afne roukka. Ami tuṛa horia zairam, oito fare Mabude amare doroshon diba. Tain amare zeta zanaiba, ami aia afnare ḳoimune.” Oḳan ḳoia Balam pir gia faṛor hoḳol taki usa ṭillar ufre uṭila.

Injil 3: Luk 15:10

Ami afnarare ḳoiram, ekkere ou laḳan-u, eḳzon gunagar manshe mon bodlaia touba ḳorle, Allar firista oḳole oula kushi koroin.”

Injil 3: Luk 23:43

Tain ḳoila, “Ami tumare hok kota ḳoiram, tumi aiz taki-u amar loge arshe-azimo taḳbae.”

Injil 3: Luk 7:47

Te ami tumare ḳoiram, tai beshi maya ḳorse ḳori buza zar, tai boṛo gunagar oile-o gunar mafi faise. Zar tuṛa guna maf ḳora oy, he tuṛa maya ḳore.”

Injil 4: Hannan 20:31

Ḳali ou goṭona oḳol leḳa oise, zate ota tilaot ḳoria tumra iman ano, Hozrot Isa-u Alla Pakor oada ḳora hou al-Mosi, tain-u Ibnulla, Allar ḳas mayar zon, ar iman ania zate tan usillae tumra aḳeri zindegi hasil ḳoro.

Injil 4: Hannan 3:36

Ze manshe Allar ḳas mayar zonor ufre iman anche, he aḳeri zindegi failise. Oile ze tanre mane na, he kunumonte-u aḳer faito nae borong tar ufre Allar gozob foṛbo.

Injil 4: Hannan 5:24

“Ami afnarare hasa ḳota ḳoiram, ze zone amar kalam hune ar zein amare faṭaisoin tan ufre iman ane, he to aḳeri zindegi failise. Tare ar dushi shaibosto ḳora oito nae. He to mout taki zindegit faṛi dilaise.

Injil 4: Hannan 6:37

Amar gaibi bafe zerare amar ato dein, tara hoḳol-u amar gese aibo. Ze zon amar gese ae, ami kunumonte-u tare bare falaitam nae.

Injil 4: Hannan 6:40

Amar bafor munsha oilo, zara tan futre dekia tan ufre iman ane, tara zanu aḳer fae. Ar ami-u tarare Ruz Hashoro zinda ḳori tulmu.”

Injil 4: Hannan 6:54

Ḳeu zudi amar lou ar gust ḳae, te he aḳeri zindegi failise, ar Ruz Hashoror dino ami tare zinda ḳori tulmu.

Injil 5: Sahabi Nama 13:39

Afnara Musar shoriotor usillae gunar shaza taki rehai faisoin na, oile zekunu zone Isar ufre iman anle, tan usillae he gunar shaza taki rehai fae.

Injil 6: Ruman 15:4

Te agor Asmani Kitabo zotota leḳa oise, ita to amrare-u talim dibar lagi leḳa oise, zate ota dekia amrar sobor ar shantona ae, ar asha-borosha fai.

Injil 6: Ruman 6:23

Ashole gunar mozuri oilo mout, oile Allar rohomotor dan oilogi amrar Malik Isa al-Mosir usillae aḳeri zindegi.

Injil 7: 1-Korintia 7:25

Oḳon ami abiati fuṛintor muslar befare ḳoiram. I befare malikor ges taki ami shorashori kunu hukum faisi na, oile Allar rohomote hok-halal roia ami amar motamot zanairam.

Injil 8: 2-Korintia 4:1

Ou ḳarone, Allae meherbani koria ou noya kezmoti kamor dayitto amrar ato disoin ḳori, amra nirash oi na.

Injil 10: Ifisia 1:12

Erlagi amra zera ag taki-u al-Mosir ufre borosha ḳortam, ou amrar mazdi-u zate Allar gourob-mohimar tarif oy, ou kiale-u tain amrare fosond ḳorsoin.

Injil 10: Ifisia 1:6

Allae ita ḳorsoin, zate tan ḳas mayar zon Isar usillae amrare zoto forimane rohomot ar mohima dan ḳorsoin, otae tan tarif oy.

Injil 10: Ifisia 2:7

Tain ita ḳorsoin, zate tan moha-mulloban rohomot oḳol zuge zuge siroḳal deḳaita faroin. Al-Mosir usillae tain amrare ze doya ḳorsoin, ou doyar mazdi tan i rohomotor ḳota zair oise.

ইঞ্জিল ১৪: ২-থিষল: 1:10

Hou din tan nizor pak bonda oḳol, zera tan ufre iman anche tarar mazdi, tan gourob-mohima zair oibo. Erar maze tumra-o aso, ḳaron amrar toblig hunia tumra iman ancho.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:13

Zudio ami age al-Mosir bodnam gaitam, tan manshor ufre zulum ḳortam, bod-mizaz deḳaitam. Ta-o tain amare rohomot dan ḳorsoin, ḳaron hou shomoy ami iman anchilam na.

Injil 19: Ibrani 7:25

Erlagi-u zera tan usilla loia Allar ḳasat ae, Allae tarare furafur nazat dan ḳoroin, ḳaron tarar fokke sufarish ḳorar lagi tain hamesha zinda asoin.

ꠁꠘ꠆ꠎꠤꠟ ২১: ১-ꠙꠤꠔꠞ 3:20

Ou ruhu oḳol to Nuh nobir zomanar obaiddo manshor ruhu. Tan zaz bananir shomoy, Allar lamba soborgarir ḳalo era obaiddo roisoin, ou zazo uṭia ḳali aṭzon manshe gozobi fani taki zan basaisil.

ꠁꠘ꠆ꠎꠤꠟ ২২: ২-ꠙꠤꠔꠞ 3:15

Ar amrar malikor lamba soborgarire manshor zan basanir shuzug mono ḳorio. Ou eḳoi kota Allar deoa aḳole amrar mayar bai Pauluse-o tumrar gese leḳsoin.

ꠁꠘ꠆ꠎꠤꠟ ২২: ২-ꠙꠤꠔꠞ 3:9

Kunu kunu manshe mono ḳoroin, malike tan oada furon ḳorte deri korra, ikan ṭik nae. Ashole tain tumrar bae sobor ḳoria roisoin, tain saira na ḳeu binash ouk, borong hoḳolre touba ḳorar shuzug dira.