ইঞ্জিল ১৩: ১-থিষল: 5:23 - Siloṭi Asmani Kitab (Latin lipi)

²³ Shanti deora Allae nize tumrare furafur fak-fobitro ḳoroukka, amrar Malik Isa al-Mosie toshrif anar ḳalo tumrar asta shoril, ruhu ar dilre furafur nikut raḳoukka.

Siloṭi Asmani Kitab (Nagri lipi)

²³ ꠡꠣꠘ꠆ꠔꠤ ꠖꠦꠅꠞꠣ ꠀꠟ꠆ꠟꠣꠄ ꠘꠤꠎꠦ ꠔꠥꠝꠞꠣꠞꠦ ꠙꠥꠞꠣꠙꠥꠞ ꠙꠣꠇ-ꠙꠛꠤꠔ꠆ꠞ ꠇꠞꠃꠇ꠆ꠇꠣ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠡꠞꠤꠚ ꠀꠘꠣꠞ ꠇꠣꠟꠅ ꠔꠥꠝꠞꠣꠞ ꠀꠡ꠆ꠔꠣ ꠡꠞꠤꠟ, ꠞꠥꠢꠥ ꠀꠞ ꠖꠤꠟꠞꠦ ꠙꠥꠞꠣꠙꠥꠞ ꠘꠤꠈꠥꠔ ꠞꠣꠈꠃꠇ꠆ꠇꠣ।

ছিলটি আছমানি কিতাব (বাংলা লিপি)

²³ শান্তি দেওরা আল্লায় নিজে তুমরারে পুরাপুর পাক-পবিত্র করউক্কা, আমরার মালিক ইছা আল-মসীয়ে তশরিফ আনার কালো তুমরার আস্তা শরিল, রুহ আর দিলরে পুরাপুর নিখুত রাখউক্কা।

ইঞ্জিল ১৩: ১-থিষল: 5:23 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 20:26

Ami Mabud to fak-fobitro, erlagi tumra-o fobitro oite oibo. Amar afon proza oar lagi ami-u tumrare zogotor hoḳol zati taki basia alog korsi.

ꠔꠃꠞꠣꠔ ৩: ꠟꠦꠛꠤꠀꠘ 20:8

Amar niom-ḳanun furafur amol ḳorio. Ami-u to Mabud, ami-u tumrare fak-fobitro ḳori.

Injil 3: Luk 1:46

Ou Bibi Moriome ḳoila, “Amar ḳolbe tarif ḳorer amar Mabudor,

Injil 4: Hannan 17:19

Ami tarar lagi nizore ḳas ḳori raḳsi, zate tarare-o hok dia ḳas hishabe raḳa oy.

Injil 5: Sahabi Nama 20:32

Oḳon Alla ar tan rohomotor kalamor zimmae ami afnarare shofilam. Allar i kalame afnarare goṛia tulbo ar tan pak bonda oḳlor lagi oada ḳora behesti monjilo fosai dibo.

Injil 5: Sahabi Nama 26:18

Tumi tarar souk kulia dibae, tara zanu andair taki nuror bae, Shoytanor doḳol taki Allar bae firia ain, amar ufre iman ania gunar mafi faia, forezgar bonda oḳlor maze tara-o dakil oin.

Injil 6: Ruman 15:13

Te dilor maze asha deora Allae imanor bole, tumrare hoḳol laḳan kushi-bashi ar shantir maze habuḍubu ḳaoaukka. Teu Allai Pak Ruhur kudrotie tumrar asha-borosha baia foṛbo.

Injil 6: Ruman 15:33

Shanti deora Alla Pak tumrar loge loge roukka. Amin.

Injil 6: Ruman 15:5

Oḳon sobor ar shantona deora Allae Isa al-Mosir fote solar lagi, tumra hoḳlor mon ek koroukka.

Injil 6: Ruman 16:20

Shanti deora Allae Iblis-Shoytanre kub zoldi kori tumrar faor tole falai fishaiba. Amrar Malik Isa al-Mosir rohom-niamot tumrar ufre zari rouk.

Injil 7: 1-Korintia 1:2

Korint ṭaunor Allar zomator manshor gese, mani tumrar gese leḳram. Hozrot Isa al-Mosir torika kobul ḳorae Allae tumrare fak-fobitro ḳorsoin ar tan afon bonda oibar lagi daot disoin. Tumrar gese ar oinnainno zagar zoto manshe amrar Hozrot Isa al-Mosire malik koia manoin, tara hoḳlor gese amra ou siṭikan leḳram. Tain tarar-o malik, amrar-o malik.

Injil 7: 1-Korintia 1:30

Ar tumra zera Isa al-Mosir afon zon boncho, ita to Alla taki-u oise. Al-Mosi-u oila amrar gese Allar deoa aḳol, fak-forezgari, fobitrota ar azadir kuṭi.

Injil 7: 1-Korintia 14:33

Alla Pake nichchoy gulmal fosond ḳoroin na, borong shanti fosond ḳoroin.

Injil 8: 2-Korintia 5:19

Er mani oilo, Allae manshor gunar bae na saia, al-Mosir usillae tan loge manshor milon goṭaisoin. Ar ou milonor kush-ḳobri tobligor dayitto amrare disoin.

Injil 11: Filifia 1:10

Zate tumra aḳol ḳaṭaia bala bala befar oḳol sinbae, ar al-Mosie dusrabar toshrif anar ag forzonto,

Injil 11: Filifia 1:6

Ami ekin ḳori, ze Allae tumrar dilor maze ou nek kam shuru ḳorsoin, al-Mosie dusrabar toshrif ana forzonto, ou Allae i kam fura ḳorba.

Injil 11: Filifia 4:9

Tumra amar ges taki ze talim faiso, zeta huncho, zeta deḳso, ar zeta kobul ḳorso ota oḳon amol ḳoro. Teu shanti deora Alla-o tumrar loge loge roiba.

Injil 12: Kolosia 1:22

Oile al-Mosir zan kurbanir mazdi Allae tumrare-o tan loge milon goṭaisoin, zate tumrare fak-fobitro, nikut ar ni-oforadi halote tan samne azir ḳorta faroin.

ইঞ্জিল ১৩: ১-থিষল: 2:19

Hasau amrar Malik Isae zebla toshrif anba, ou shomoy tan samne amrar asha, anondo ar gourobor joyor mala hishabe kita faimu? Ita to tumra-u nae ni?

ইঞ্জিল ১৩: ১-থিষল: 3:11

Te gaibi baf Allae ar Hozrot Isa al-Mosie zanu, tumrar gese zaoar lagi amrare shuzug dein.

ইঞ্জিল ১৩: ১-থিষল: 3:13

Ou laḳan tain tumrar dil furafur mozbut ḳoroukka, zate amrar Hozrot Isae zebla tan nizor pak bonda oḳol loia toshrif anba, ou shomoy amrar gaibi baf Allar nozoro tumra fobitro ar nikut ro.

ইঞ্জিল ১৩: ১-থিষল: 4:3

Ashole Allae saira, tumra zanu fak-fobitro o, mani hoḳol nomunar zina taki horia ro.

ইঞ্জিল ১৩: ১-থিষল: 5:22

Ar hoḳol nomunar naformani taki horia roio.

ইঞ্জিল ১৪: ২-থিষল: 3:16

Shanti deora malike tumrare hamesha hoḳol nomunar shanti dan ḳoroukka. Malik Isa tumra hoḳlor loge loge roukka.

Injil 19: Ibrani 13:20

Allar loge amrar milon, hor-hameshakur usilla, furafur ḳaim ḳorar lagia, amrar malik Hozrot Isa, nizor lou bilai dia, meṛa falor mohan raḳal bonisoin. Hozrot Isar moutor bade, shanti deura Alla Pake, murda taki tanre zinda ḳorisoin.

Injil 19: Ibrani 2:11

Te ze Isae manshore fak-saf ḳoroin ar zera fak-saf bonoin, era hokkol-u to eḳ Allar foribaror. Otar dae Isae erare bai koia ḍaḳte kunu shorom fain na.

Injil 19: Ibrani 4:12

Allar kalam to zinda ar bolala ḳamla, duio gala darail toluaror saite-o beshi darala. I kalame fuṛ ḳoria manshor bitre hamaia dil-ruh, aḍḍi-gustre algae, ar dilor bitoror niot-sinta hokkoltare forikka ḳoria deḳe.

Injil 20: Iakub 1:4

Ar i tir taḳar ḳemotare ḳamo lagao, zate tumra kamil ar ḳaṭi oia tumrar kunu ḳomti na roy.

ꠁꠘ꠆ꠎꠤꠟ ২১: ১-ꠙꠤꠔꠞ 1:2

Gaibi baf Allae tan munshae tumrare fosond ḳorsoin ar Pak Ruhe fobitro ḳorsoin. Er uddesho oilo, tumra zate Isa al-Mosir baiddo o ar tan lou siṭaia tumrare fak-saf ḳora oy. Allae tumrare besh ḳori rohomot ar shanti dan ḳoroukka.

ꠁꠘ꠆ꠎꠤꠟ ২১: ১-ꠙꠤꠔꠞ 5:10

Rohmanur rohim Alla Pake tumrare daot disoin al-Mosir loge oia tan sirostayi mohimar bagi oar lagi. Tuṛa ḳoydin duk-koshṭo ḳoria harle, tain nize-u tumrare ṭik-ṭak korba ar tir raḳba, tumrare boloban ḳoria mozbut kuṭir ufre ḳaṛa ḳoraiba.

ꠁꠘ꠆ꠎꠤꠟ ২২: ২-ꠙꠤꠔꠞ 3:14

Erlagi bai oḳol, tumra zebla ou dinor lagi bar saoat aso, te kub kial ḳoro, ou din tain zanu tumrare nikut-niskolonko halote shantir maze deḳoin.

Injil 26: Ehuda 1:1

Ami Ehuda to sahabi Iakubor bai ar Hozrot Isa al-Mosir gulam. Amrar gaibi baf Alla Pake zerare mohobbot ḳoroin, zera Allai daot faisoin, ar Isa al-Mosie zerar hefazot ḳoroin, ou sohifaḳan ami erar gese leḳram.

Injil 26: Ehuda 1:24

Ar ze Allae tumrare usṭa ḳaoa taki basain, zein nikut halote tumrare kushi-bashie tan shan-tozollir samne azir ḳorta faroin,