ইঞ্জিল ১৩: ১-থিষল: 5:14 - Siloṭi Asmani Kitab (Latin lipi)

¹⁴ O bai oḳol, tumrare ou nosiotḳan ḳoriar, zeta manush kuṛia, tumra itare hushiar ḳori deo, ḍoraluk zonre shaosh deo, ḳomzur oḳolre shaijjo ḳoro, ar doijjo doria hokkolre shoijjo ḳoro.

Siloṭi Asmani Kitab (Nagri lipi)

¹⁴ ꠅ ꠜꠣꠁ ꠅꠇꠟ, ꠔꠥꠝꠞꠣꠞꠦ ꠅꠃ ꠘꠍꠤꠅꠔꠈꠣꠘ ꠇꠞꠤꠀꠞ, ꠎꠦꠔꠣ ꠝꠣꠘꠥꠡ ꠇꠥꠠꠤꠀ, ꠔꠥꠝꠞꠣ ꠁꠔꠣꠞꠦ ꠢꠥꠡꠤꠀꠞ ꠇꠞꠤ ꠖꠦꠅ, ꠒꠞꠣꠟꠥꠇ ꠎꠘꠞꠦ ꠡꠣꠅꠡ ꠖꠦꠅ, ꠇꠝꠎꠥꠞ ꠅꠇꠟꠞꠦ ꠡꠣꠁꠎ꠆ꠎ ꠇꠞꠅ, ꠀꠞ ꠗꠂꠎ꠆ꠎ ꠗꠞꠤꠀ ꠢꠇ꠆ꠇꠟꠞꠦ ꠡꠁꠎ꠆ꠎ ꠇꠞꠅ।

ছিলটি আছমানি কিতাব (বাংলা লিপি)

¹⁴ ও ভাই অকল, তুমরারে অউ নছিয়ত খান করিয়ার, যেতা মানুষ কুড়িয়া, তুমরা ইতারে হুশিয়ার করি দেও, ডরালোক জনরে সাওস দেও, কমজুর অকলরে সাইয্য করো, আর ধৈর্য ধরিয়া হক্কলরে সইয্য করো।

ইঞ্জিল ১৩: ১-থিষল: 5:14 Iomraidhean Croise

ꠁꠘ꠆ꠎꠤꠟ ১: ꠝꠕꠤ 12:20

Hok bisar ḳaim oar ag forzonto, tain sesa nol-ḳagṛa bangita nae, ar miṭ miṭ ḳori zolra lemor fita-o limaita nae.

Injil 3: Luk 22:32

Oile tumar lagi ami aroz ḳorsi, tumar iman zanu ḳomzur na oy. Te tumi eḳbar gelegi-o touba ḳoria zebla firot aibae, ou shomoy tumar ou baiaintor imani bol-o mozbut ḳorio.”

Injil 5: Sahabi Nama 20:27

Ami Alla Pakor hoḳol laḳan morzir ḳota afnaintor gese boyan ḳorte ḳoredi gesi na.

Injil 5: Sahabi Nama 20:31

Erlagi afnara hozag roukka, ar mono raḳba, ami tin boros doria rait-din souḳor fani falaia afnarare hushiar ḳorte dom loisi na.

Injil 5: Sahabi Nama 20:35

Ami hoḳol laḳan ḳamor maze nomuna deḳaisi, ou laḳan ḳam ḳoria durbol oḳolre shaijjo ḳora zorur. Hozrot Isar talimre mono raḳo, tain nize bataisoin, neoar saite deoa doinno.”

Injil 6: Ruman 12:1

Erlagi O bai oḳol, Allae tumrare ola meherbani korae, ami tumrare ḳas minoti koriar, tumra zarzir shorilre Allar ato shofi deo, ila zinda fobitro kurbani Allar dorbaro kobul oy, oḳṭa-u oibo tumrar sohi-shuddo ebadot.

Injil 6: Ruman 14:1

Tumrar mazor ze bai imane ḳomzur, tare-o afon hishabe shomzo, tar fosond-ofosond loia torka-torki korio na.

Injil 7: 1-Korintia 4:14

Huno, tumrare shorom deoar niote ita leḳram na, ḳali amar mayar aolad hishabe hushiar ḳorar lagi leḳram.

Injil 7: 1-Korintia 8:7

Ita buzar aḳol to hoḳol manshor nai. Kunu kunu zone age devtare bozona ḳorto, erlagi tara oḳon devtar name bilai deoa foshad ḳaile, tarar bibeḳor ḳomzurie tare ḳolonki banae.

Injil 9: Galatia 5:22

Oile Pak Ruhe sola zindegir fol oilo mohobbot, kushi-bashi, shanti, sobor ḳora, doyalu bab, bala-manshi kora, hok-halali roa,

Injil 10: Ifisia 4:2

Tumrar asar-bebohar zanu furafur miṭa ar norom oy. Forteḳe sobor ḳoro ar dilo mohobbot rakia eḳe-oinnore shoijjo ḳoro.

Injil 10: Ifisia 4:32

Borong tumra eḳe-oinne doya ḳoro, oinnor duke duki o, al-Mosir mazdi Allae zela tumrare maf ḳorsoin, tumra-o ola eḳe-oinnore maf ḳoro.

Injil 12: Kolosia 1:28

Ar ou al-Mosir befare amra toblig koriar, Allar deoa aḳol-hekmot dia manshore hushiar ḳoriar ar talim diar zate al-Mosir torikat furafur kamil halote tarare Allar dorbaro azir ḳortam fari.

ইঞ্জিল ১৪: ২-থিষল: 3:15

Oile kial rakio, tare dushmon mono ḳorio na, borong bai hishabe hushiar ḳoro.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:3

Tain zanu modkur ar bod-mizazi na oin, borong tan shobab oibo norom, tain zanu mair-danga ḳorra ba ṭeḳa-foyshar lalosi na oin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

Oile tumi to Allar bonda, tumi ita bod ḳam taki horia ro. Tumi fak-forezgar zindegi, Allar ḍor-ḳof, iman, mohobbot, sobor, ar norom shobabor bae kiali o.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:2

Tumi Allar kalam toblig koro, shomoy-oshomoy kunta nai, hamesha toblig koro, kub beshi doijjo doria talim deo ar manshor oforad deḳai deo, tarare hushiar ḳoro ar buzao.

Injil 17: Titas 1:10

Ḳaron bout beshamal manush asoin, zetae ḳeurore manoin na, beḳama mat matoin, sol-soturi koroin. Zetae mosolmani kam ḳoranir lagi zura-zuri koroin, ami kas ḳori otar ḳota-u ḳoiram.

Injil 17: Titas 1:6

Mono rakio, ze murobbi oḳol bodnam saṛa nikut, zerar ḳali eḳzon bou asoin, zerar fua-fuṛin Isayi imandar, zera beforua babe zindegi kaṭae na, borong ma-bafor baiddo ase, ou murobbire tumi boail ḳoro.

Injil 19: Ibrani 12:12

Erlagi tumrar ḳomzur atre mozbut ḳoro, durbol aṭure shobol ḳoro.

Injil 19: Ibrani 13:3

Zel ḳanat zeta manush bondi asoin, nizore-o ola bondi mono ḳoria tarare shaijjo ḳorio, ar zerar ufre zulum-mosibot ḳora or, nize ou mosiboto foṛso mono ḳoria, tarare kial ḳorio.