ইঞ্জিল ১৩: ১-থিষল: 5:12 - Siloṭi Asmani Kitab (Latin lipi)

¹² Te baiain, amra minot ḳoria ḳoiar, tumrar lagi zera aṭni-ḳaṭni kaṭoin, malikor oia tumrare salain ar nosiot ḳoroin, tumra erare ijjot ḳorio.

Siloṭi Asmani Kitab (Nagri lipi)

¹² ꠔꠦ ꠜꠣꠁꠀꠁꠘ, ꠀꠝꠞꠣ ꠝꠤꠘꠔ ꠇꠞꠤꠀ ꠇꠁꠀꠞ, ꠔꠥꠝꠞꠣꠞ ꠟꠣꠉꠤ ꠎꠦꠞꠣ ꠀꠐꠘꠤ-ꠈꠣꠐꠘꠤ ꠈꠣꠐꠂꠘ, ꠝꠣꠟꠤꠇꠞ ꠅꠁꠀ ꠔꠥꠝꠞꠣꠞꠦ ꠌꠣꠟꠣꠁꠘ ꠀꠞ ꠘꠍꠤꠅꠔ ꠇꠞꠂꠘ, ꠔꠥꠝꠞꠣ ꠄꠞꠣꠞꠦ ꠁꠎ꠆ꠎꠔ ꠇꠞꠤꠅ।

ছিলটি আছমানি কিতাব (বাংলা লিপি)

¹² তে ভাইয়াইন, আমরা মিনত করিয়া কইয়ার, তুমরার লাগি যেরা আটনি-খাটনি খাটইন, মালিকর অইয়া তুমরারে চালাইন আর নছিয়ত করইন, তুমরা এরারে ইজ্জত করিও।

ইঞ্জিল ১৩: ১-থিষল: 5:12 Iomraidhean Croise

Injil 3: Luk 10:7

Foyla ze baṛit hamaibae, hou baṛit-u roio. I baṛi saṛia dusra baṛit zaio na. Tara zeta dein ota ḳaio, ḳaron ḳamlae tar beton faoar zoiggo.

Injil 4: Hannan 4:38

Ami-o tumrare ola foshol ḳaṭat faṭaisi, ze fosholor lagi tumra menot ḳorso na. Oinno manshe menot ḳorse ar tumra ou menotor foshol ḳaṭiso.”

Injil 5: Sahabi Nama 20:28

Afnara zarzir befare hushiar oukka. Pak Ruhe afnarare zerar saloḳdar banaisoin, tarar befare hushiar oukka. Allae tan nizor zonredi zerare ḳorid ḳorsoin, hi zomatre furafur deḳa-huna ḳoroukka, zela raḳale tar meṛar falor deḳa-huna ḳore, imam oia afnara-o oula ḳoroukka.

Injil 5: Sahabi Nama 20:35

Ami hoḳol laḳan ḳamor maze nomuna deḳaisi, ou laḳan ḳam ḳoria durbol oḳolre shaijjo ḳora zorur. Hozrot Isar talimre mono raḳo, tain nize bataisoin, neoar saite deoa doinno.”

Injil 6: Ruman 16:12

Turfana ar Turfasa Bibire-o salam dio. Ou beṭinte Malik Isar lagi boṛo menot ḳorra. Mayar boin Farsiare-o salam ḳoio, Malikor lagi tain-o bout menot ḳorsoin.

Injil 6: Ruman 16:6

Ar hou Moriom Bibire-o salam zanaio, zein tumrar lagi bout menot ḳorsoin.

Injil 7: 1-Korintia 12:28

Zano ni, Allae to zomator bitre foyla sahabi, bade firaki mat matra, bade ustad oḳol boail ḳorsoin. Erbade boail ḳorsoin zera keramoti kam ḳorra, bemar bala ḳorra, shaijjo-shohayota ḳorra, Isayi zomatre salaora ar nanan gaibi bashae matra zon.

Injil 7: 1-Korintia 15:10

Oile oḳon ami zela oisi, ita Allar rohomote-u oisi. Amar ufre tan i rohomot beḳama gese na, ami oinno sahabi oḳol taki beshi menot ḳorsi. I menot to ami nize nize ḳortam farsi na, borong Allar rohomote-u ita ḳoraise.

Injil 7: 1-Korintia 16:16

Erlagi minot ḳoriar, ilaḳan manshore tumra ijjotor shohit bozio, aro zoto zone ola kezmot ḳoroin, Allar name menot ḳoroin, tarare-o ola bozio.

Injil 7: 1-Korintia 16:18

Era amar ar tumrar dilo aram disoin. Tumra ou laḳan manshore ḳas ijjot ḳorio.

Injil 7: 1-Korintia 3:9

Oile amra duio zone-u Allar ḳam ḳoriar. Tumra Allar-u ḳet, tan banail bilḍing.

Injil 8: 2-Korintia 11:23

Tara al-Mosir kezmotḳari ni? Ami aro boṛo kezmotḳari. Mono rakio, ami faglor laḳan matiram. Ami al-Mosir kezmoto lagia tara taki bout beshi menot ḳorsi. Bout bar zel ḳaṭsi, bout bar mair-doir ḳaisi, ar bout bar moutor mukabila oisi.

Injil 8: 2-Korintia 5:9

Erlagi amra shorilor maze taki ba na taki, amrar niot oilo malikre kushi kora.

Injil 8: 2-Korintia 6:1

Allar ḳadim hishabe amra ou minot ḳoriar, tumra zebla Allar rohomot faiso, te ikṭare bifol oite dio na.

Injil 9: Galatia 4:11

Erdae amar ḍor ḳorer, tumrar tole amar oto menot ni maṭi oizae.

Injil 11: Filifia 2:19

Ami asha ḳori, Hozrot Isar morzi oile ami Timotire kub zoldi kori tumrar gese faṭaimu, teu tumrar halot zania ami shanti oimu.

Injil 12: Kolosia 1:29

Ou niote Allar ze kudroti bol amar maze ḳam ḳorer, ou kudroti bole-u ami dile-zane menot ḳoriar.

ইঞ্জিল ১৩: ১-থিষল: 2:9

Baiainre, ashole to amrar menot ar aṭni-ḳaṭnir ḳota, nichchoy tumrar mono ase. Allai kush-ḳobri tobligor faḳe faḳe amra dine-raite ruzi-ruzgar ḳorsi, zate amrar ḳorsa-fati tumra ḳeuror lagi buza na oy.

ইঞ্জিল ১৩: ১-থিষল: 4:1

O baiain huno, Allare kushi korar lagi kemne zindegi kaṭani lage, i talim to tumra amrar ges taki age-u faiso ar tumra ola solrae-o. Erbade-o Hozrot Isar oia tumrare minot ḳoriar ar hushiar ḳoriar, tumra zela solrae, oula aro besh ḳori solo.

ইঞ্জিল ১৩: ১-থিষল: 5:14

O bai oḳol, tumrare ou nosiotḳan ḳoriar, zeta manush kuṛia, tumra itare hushiar ḳori deo, ḍoraluk zonre shaosh deo, ḳomzur oḳolre shaijjo ḳoro, ar doijjo doria hokkolre shoijjo ḳoro.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:1

O Timoti, huno, kunu murobbi manshor dush deḳanit gia ḳoṛa bashae matio na. Tarar loge nizor bafor laḳan bebohar ḳorio. Ar zuan oḳolre nizor bai mono ḳoria hedayot ḳorio.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:20

Oile ze murobbi oḳole guna ḳorat-u taḳoin, zomator manshor gese tarar dush zair ḳorio, zate oinno hoḳole ḍorain.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:6

Ar ze giroste menot ḳore, fosholor foyla baṭ to he-u fae, iṭa-u niom.

Injil 17: Titas 1:3

Tain tan kalam shoṭik shomoye zair ḳorsoin, ar amrar toraneala Allar hukum mafik ita toblig korar bar amar ato deoa oise.

Injil 17: Titas 1:5

Titas huno, ami tumare ou Kriti difo toia aisi, zate zeta ḳam oḳono baki roise, tumi ota furafur adae ḳoro. Ar ami zela hukum dislam, ṭik oula tumi forteḳ ṭaunor zomator murobbi oḳolre ḳamo boail ḳoro.

Injil 17: Titas 2:15

Tumi furafur bol ḳaṭaia ota befare talim deo, manshore nosiot ḳoro ar tarar dush-ḳosuri deḳaia deo. Tumare hey ḳorar shuzug keurore dio na.

Injil 19: Ibrani 13:17

Tumrar murobbi oḳlor hukum mania tarar gese mata nuaia roio, Allar dorbaro hishab deoa lagbo ḳori tara hamesha tumrar zanor faradar oia ḳam ḳorra. Oḳon tara zate kushi mone ita ḳoroin, erlagi tumra baiddo roio. Tara zudi mono duk faia tumrar lagi kam ḳoroin, te tumrar balai oito nae.

Injil 19: Ibrani 13:7

Huno, ze buzurg oḳole tumrare Allar kalam talim disoin, tarar ḳota iad ḳorio. Tarar zindegir halotor ḳota balamonte sinta ḳoria, tumra-o tarar laḳan imane mozbut o.

Injil 27: Zaira Kalam 1:20

Tumi shunar ze shatṭa serag dani deḳso ar amar ḍain ato shatṭa tera deḳso, itar mani oilo, shato tera oilo shat zomator shatzon firista, shatṭa serag dani oilo hou shato zomat.”

Injil 27: Zaira Kalam 2:12

Forgam ṭaunor zomator firistar gese ou ḳota leḳo: Dar-ala ze toluaror duio galabae dar ase, ou toluaror malike oḳan ḳoira,

Injil 27: Zaira Kalam 2:18

Tuatira ṭaunor zomator firistar gese ou ḳota leḳo: Allar ḳas mayar zon Ibnulla, tan souk oilo agunir lukkar laḳan, fao duioḳan manjia forishkar ḳora soḳsoḳa fitolor laḳan, tain oḳan ḳoira,

Injil 27: Zaira Kalam 2:3

Tumrar bout sobor ase, tumra amar lagi bout ḳoshṭo ḳorrae, kunumonte heran oiso na.

Injil 27: Zaira Kalam 2:8

Izmir ṭaunor zomator firistar gese ou ḳota leḳo: Zein aual ar aḳer, zein mara gesla, bade zinda oisoin, tain oḳan ḳoira,

Injil 27: Zaira Kalam 3:1

Sardi ṭaunor zomator firistar gese leḳo: Allar shat nomunar ruhu ar shatṭa tera zein doria raḳsoin, tain oḳan ḳoira, Tumrar ḳam-ḳaz to ami zani. Tumra zinda aso ḳoria tumrar bout shunam ase, oile ashole to tumra murda.

Injil 27: Zaira Kalam 3:14

Laodikea ṭaunor zomator firistar gese leḳo: Zen nam Amin, zein hok-halal shakki, zein Allar foyda ḳora hokkoltar mul kuṭi, tain oḳan ḳoira,

Injil 27: Zaira Kalam 3:7

Filadilfia ṭaunor zomator firistar gese leḳo: Zein hok ar fak-fobitro, zen ato Bashsha Daud nobir sabi ase, zein kulle ar ḳeu bond ḳorto fare na, ar bond ḳorle ḳeu kulto fare na, tain oḳan ḳoira,