ইঞ্জিল ১৩: ১-থিষল: 5:11 - Siloṭi Asmani Kitab (Latin lipi)

¹¹ Erlagi-u tumra oḳon zela ḳorrae, hamesha ola eḳe-oinnore shaosh deo ar goṛia tulo.

Siloṭi Asmani Kitab (Nagri lipi)

¹¹ ꠄꠞꠟꠣꠉꠤꠃ ꠔꠥꠝꠞꠣ ꠅꠈꠘ ꠎꠦꠟꠣ ꠇꠞꠞꠣꠄ, ꠢꠣꠝꠦꠡꠣ ꠅꠟꠣ ꠄꠇꠦ-ꠅꠁꠘ꠆ꠘꠞꠦ ꠡꠣꠅꠡ ꠖꠦꠅ ꠀꠞ ꠉꠠꠤꠀ ꠔꠥꠟꠅ।

ছিলটি আছমানি কিতাব (বাংলা লিপি)

¹¹ এরলাগিউ তুমরা অখন যেলা কররায়, হামেশা অলা একে-অইন্যরে সাওস দেও আর গড়িয়া তুলো।

ইঞ্জিল ১৩: ১-থিষল: 5:11 Iomraidhean Croise

Injil 6: Ruman 14:19

Erlagi ao, amra ola ḳam ḳori, ze ḳame shanti kaim oy, ze ḳame eḳe-oinnore goṛia tultam fari.

Injil 6: Ruman 15:14

O bai oḳol, tumrar befare ami furafur buzram, tumrar dilḳan nek niote bora ar sohi-shuddo imani aḳol ase, zate eḳe-oinnore foramish ditae faro.

Injil 6: Ruman 15:2

Ota baiaintore goṛia tular niote, forteḳe-u tarar balair lagi tarar monor fosondre zanu kush raki.

Injil 7: 1-Korintia 10:23

Mono or ni, ami to age ḳoisi, kunu kunu zone ḳoin, “Amar lagi kunta-u haram nae, hokkolta-u zaiz.” Oile hokkolta zen manshor lagi ufoḳari, ila sinta to ṭik nae. Zudio era ḳoin, hokkolta-u halal, oile hoḳoltae to manshor iman baṛae na.

Injil 7: 1-Korintia 14:12

Ikan to tumrar belae-o ṭik. Tumra zebla Pak Ruhur deoa dan-niamotor lagi kiali oirae, te ze niamot dia zomatre goṛia tula zae, ou niamot faoar lagi-u beshi sesṭa ḳorio.

Injil 7: 1-Korintia 14:29

Ar firaki matra oḳole ola dui-tinzone matouk ar baki hoḳole zasai-basai korouk.

Injil 7: 1-Korintia 14:5

Erlagi ami sairam, tumra hoḳole-u gaibi bashae mato, oile aro beshi sairam, tumra hoḳole firaki mat mato. Mono rakio, kunu manshe zudi gaibi bashae mate, ar mator bade zomator manshore goṛia tular lagi dusra ḳeu itar mani buzaia na dey, te hou zein firaki matoin ein-u boṛo.

Injil 8: 2-Korintia 12:19

Aichcha, tumra mono ḳorrae ni, ou siṭi lekia amra nizor dush ḳaṭairam? Na, ikan ṭik nae, O dust oḳol, amra al-Mosir ḳadim hishabe Alla Pakre azir-nazir rakia leḳram, tumrare goṛia tular niote-u ita ḳoiram.

Injil 10: Ifisia 4:12

Tain ila ḳorar ḳaron oilo, Allar pak bonda oḳole zanu tan ebadot-bondegi korar lagi zuit oy, ar ou nomunae al-Mosir shoril, zomat hishabe goṛia uṭe.

Injil 10: Ifisia 4:16

Asta shoril omola banail oise, zate shorilor hoḳol ongo zarzir zagat roia mul ḳayar loge zuṛa lagail roy. Forteḳ ongo zebla ṭik-ṭak kam ḳore, ou shomoy asta shoril-u matar bole baṛia uṭe, ar mohobbotor mazdi nizore goṛia tule.

Injil 10: Ifisia 4:29

Tumrar mukdi zanu bad ḳota na baroy, borong aroḳzonor ufoḳari talimor lagi bala mat matio, zate ita hunia hunra zonor balai oy.

ইঞ্জিল ১৩: ১-থিষল: 4:10

Ar hasau tumra asta Makidonia deshor bai-boinre oula maya ḳorrae. Oile amrar ḳas onurud oilo, tumrar i mohobbot zanu dine dine aro baṛe.

ইঞ্জিল ১৩: ১-থিষল: 4:18

Erlagi tumra ota zanaia eḳzone aroḳzonre utshaho deo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:4

Tarare ḳoio, tara zate banoaṭ kichcha ar lamba lamba ḳandanor lisṭor bae kiali na oin. Itae to nanan nomunar doladolir zonom dey, Allar ḳamor kunu fayda oy na, Allai fayda mile ḳali imanor mazdi.

Injil 19: Ibrani 10:25

Kunu kunu zonor shobab oilo, tara zomato aia shorik oy na, oile amra zanu ou laḳan na oi. Al-Mosie dusrabar toshrif anar oḳt zoto gonaia aior, amra oto beshi kori eḳe-oinnore shaosh-foramish deoat roi.

Injil 19: Ibrani 3:13

Itar bodla zotodinre aiz ḳoia ḍaḳa oy, otodin tumra eḳe-oinnore shaosh deo, zate ḳeu gunar fando foṛia nizor dilre fashan na banae.

ꠁꠘ꠆ꠎꠤꠟ ২২: ২-ꠙꠤꠔꠞ 1:12

Erlagi, ami hamesha tumrare ota befare mono ḳorai diram, zudio ita tumrar zana ase ar tumrar gese ze hokikot aise, itat tiro aso.

Injil 26: Ehuda 1:20

Ta-o mayar baiain, tumrar ou nikut fak-fobitro imanor ufre bor ḳoria nizore goṛia tulat ro, ar Pak Ruhe kamil oia munazat ḳorat ro.