ইঞ্জিল ১৩: ১-থিষল: 4:3 - Siloṭi Asmani Kitab (Latin lipi)

³ Ashole Allae saira, tumra zanu fak-fobitro o, mani hoḳol nomunar zina taki horia ro.

Siloṭi Asmani Kitab (Nagri lipi)

³ ꠀꠍꠟꠦ ꠀꠟ꠆ꠟꠣꠄ ꠌꠣꠁꠞꠣ, ꠔꠥꠝꠞꠣ ꠎꠣꠘꠥ ꠙꠣꠇ-ꠙꠛꠤꠔ꠆ꠞ ꠅꠅ, ꠝꠣꠘꠤ ꠢꠇꠟ ꠘꠝꠥꠘꠣꠞ ꠎꠤꠘꠣ ꠕꠣꠇꠤ ꠢꠞꠤꠀ ꠞꠅ।

ছিলটি আছমানি কিতাব (বাংলা লিপি)

³ আসলে আল্লায় চাইরা, তুমরা যানু পাক-পবিত্র অও, মানি হকল নমুনার জিনা থাকি হরিয়া রও।

ইঞ্জিল ১৩: ১-থিষল: 4:3 Iomraidhean Croise

ꠎꠛꠥꠞ ꠡꠞꠤꠚ 40:8

ogo amar Alla, ami kushi tumar morzi furone, hokkol hukum gata amar dilor bitre.

ꠔꠃꠞꠣꠔ ৩: ꠟꠦꠛꠤꠀꠘ 15:18

Kunu beṭae tar bour loge mila-mishar ḳalo zoubonor fani bar oile, tara duiozone fanidi naite oibo, duiozon hainja forzonto nafak halote roibo.

ꠁꠘ꠆ꠎꠤꠟ ১: ꠝꠕꠤ 12:50

Zara amar behesti baf Alla Pakor morzi zugaia soloin, tara-u amar ma ar bai-boin.”

ꠁꠘ꠆ꠎꠤꠟ ১: ꠝꠕꠤ 15:19

Manshor dil taki-u to hoḳol nomunar ku-sinta baroy, zemon kun, zina, suri, misa shakki, ar ingsha-ninda baroy.

ꠁꠘ꠆ꠎꠤꠟ ১: ꠝꠕꠤ 5:32

Oile ami tumrare ḳoiram, ze manshe zina saṛa oinno kunu ḳarone nizor boure talaḳ dey, he to tar boure zinakur banae. Ar talaḳ faoa beṭire zegie bia ḳore, he-o zinakur bone.

ꠁꠘ꠆ꠎꠤꠟ ১: ꠝꠕꠤ 7:21

“Mono rakio, amare ‘Huzur, huzur!’ ḳoile-u zen behesti bashshait hamaizibae, ikan ṭik nae. Borong ze zone amar behesti baf Alla Pakor morzi zugaia sole, ḳali he-u hamaito farbo.

Injil 2: Markus 3:35

Zera Allar morzi zugaia soloin, tara-u to amar ma, ar bai-boin.”

Injil 4: Hannan 4:34

Teu Isae tarare ḳoila, “Zein amare bezisoin, tan morzi mafik tan ḳam fura ḳora-u amar ḳani.

Injil 4: Hannan 7:17

Ḳeu zudi tan morzi zugaia solto sae, te he buzbo, i talim Allar ges taki aise, na amar muk taki diram.

Injil 5: Sahabi Nama 15:20

Tarar gese ḳali ou hukumḳan lekia zanai dei, tara zanu devtar namor hokkol ḳam taki, zinar ḳam taki, ar gola ṭifia mara zandaror gust ḳaoa ar lou ḳaoa taki duroi roin.

Injil 5: Sahabi Nama 15:29

Te afnara devtar namor mana kunu ḳani, lou, ar gola ṭifia mara zandaror gust ḳaiba na, ar zinar ḳam taki duroi roiba; ita taki hefazot roile afnaintor balai oibo. Iti, assalamu alaikum.”

Injil 5: Sahabi Nama 20:32

Oḳon Alla ar tan rohomotor kalamor zimmae ami afnarare shofilam. Allar i kalame afnarare goṛia tulbo ar tan pak bonda oḳlor lagi oada ḳora behesti monjilo fosai dibo.

Injil 5: Sahabi Nama 26:18

Tumi tarar souk kulia dibae, tara zanu andair taki nuror bae, Shoytanor doḳol taki Allar bae firia ain, amar ufre iman ania gunar mafi faia, forezgar bonda oḳlor maze tara-o dakil oin.

Injil 6: Ruman 1:29

Tara hoḳol nomunar naformani, bod ḳam, lub-lalos, ingsha-ninda, kun-ḳarafi, maramari, sol-soturi ar ḳana-ḳani korar lagi ustad.

Injil 6: Ruman 12:2

Ar ou ḳaraf zomanar talo foṛio na, borong nizor dilor bab bodlaia noya manush o. Teu tumra Allar morzi buzbae. Tan morzi to bala ar furafur nikut, ola ḳorle tain kushi oin.

Injil 6: Ruman 6:22

Oile oḳon tumra gunar gulami taki azad oia, Allar fotor gulam bonia fak-fobitro zindegi kaṭairae, er hesh fol to aḳeri zindegi.

Injil 7: 1-Korintia 1:30

Ar tumra zera Isa al-Mosir afon zon boncho, ita to Alla taki-u oise. Al-Mosi-u oila amrar gese Allar deoa aḳol, fak-forezgari, fobitrota ar azadir kuṭi.

Injil 7: 1-Korintia 7:2

Oile shomazor halot dekia ami koiram, zina taki basibar lagi forteḳ beṭaintor bou taḳle bala, ar forteḳ beṭintor-o zamai taḳle bala.

Injil 8: 2-Korintia 12:21

Amar bitre ḍor ḳorer, ami aroḳbar zebla tumrar gese aimu, ou shomoy amar Allae ni tumrar samne amare shorminda banailain, zeta manshe guna ḳorsoin, zetae nafaki kam, zina, ar bodmaishi koria touba ḳorse na, otare dekia ni ami monor maze ḳoshṭo fai.

Injil 9: Galatia 5:19

Dilor bod ḳaishor ḳam-ḳaz to kula-mela-u sina zae, ita oilogi zina, nafaki, bodmaishi,

Injil 10: Ifisia 5:17

Erlagi-u ḳoiram, tumra be-aḳol bonio na, borong malikor morzire buzo.

Injil 10: Ifisia 6:6

Ḳali manshore kushi korar niote munibor samne baiddo roio na, borong al-Mosir gulam hishabe dile-zane Allar morzi mafik solrae ḳoria tumrar munibor baiddo roio.

Injil 12: Kolosia 1:9

Erlagi tumrar befare hunar bad taki-u amra hamesha tumrar lagi dua ḳori. Ruhani ilim ar buddi dia tumra zanu Allar munsha furafur buztae faro.

Injil 12: Kolosia 3:5

Erlagi gunar zeta rifu oḳol tumrar zindegit ase, itare eḳdom binash ḳorilao. Ita oilo hokkol nomunar zina, nafaki, bod ḳaish, ku-sinta, ar lub-lalos, i lub-lalos oilo eḳlaḳan murtipuja.

Injil 12: Kolosia 4:12

Abu-Farase-o tumrare salam disoin, tain to tumrar afon manush ar Isa al-Mosir gulam. Ein hamesha tumrar lagi dile-zane munazat ḳorra, tumra zate kamil o, ar Allar morzi-munsha buzia mozbut oia ubao.

ইঞ্জিল ১৩: ১-থিষল: 4:2

Hozrot Isar deoa eḳtiare amra zeta hukum disi, ita to tumrar zana ase.

ইঞ্জিল ১৩: ১-থিষল: 4:4

Ar zeta manshe Allare sinoin na, hou bin-dormir laḳan shorilor ḳaishor boshe na solia, tumra forteḳ zone zarzir shorilre fak-fobitro rakia man-shommane zina taki hushiar ro.

ইঞ্জিল ১৩: ১-থিষল: 5:18

Ar hoḳol haloto Allar shukria adae ḳorio. Ḳaron Alla Pakor kial oilo, Hozrot Isa al-Mosir loge imane tumra olaḳan solo.

ইঞ্জিল ১৩: ১-থিষল: 5:23

Shanti deora Allae nize tumrare furafur fak-fobitro ḳoroukka, amrar Malik Isa al-Mosie toshrif anar ḳalo tumrar asta shoril, ruhu ar dilre furafur nikut raḳoukka.

ইঞ্জিল ১৪: ২-থিষল: 2:13

O bai oḳol, O Malik Isar mayar zon oḳol, tumrar lagi amra hamesha Allar dorbaro shukria adae ḳora dorḳar, Allae to tumrare foyla taki-u basia alog korsoin nazat faoar lagi. Pak Ruhu dia tumrare fobitro ḳorar mazdi, ar Allai kush-ḳobrir hokor ufre iman ania tumra nazat faiso.

Injil 17: Titas 2:14

Isa al-Mosie to amrare basanir lagi tan nizor zan kurbani dilaisoin, zate hoḳol guna taki amrare ḳalas ḳori anta faroin, ar ou laḳan eḳdol manshore fak-fobitro ḳoroin, zera ḳali tan nizor oiba, zera nek kamor ashik oiba.

Injil 19: Ibrani 10:36

Tumra mozbut roa dorḳar, zate Allae ze furuskar diba ḳori oada ḳorsoin, tan morzi mafik solia tumra-o hou furuskar fao.

Injil 19: Ibrani 12:16

Hozrot Iakubor bai Ishʼor laḳan kunu be-foti naforman foyda na oy. Ishe to ḳali eḳ oḳtor ḳanir lagi, tar nizor mouroshi malikana besilaise.

Injil 19: Ibrani 13:21

Hoḳol nek kamor tofik deukka, tan morzi zugaia solar, ar tain zeta fosond ḳoroin, dilo otar eshki deukka, Isa al-Mosir zoriae, en mohima hor-hamesha rouk, Amin.

Injil 19: Ibrani 13:4

Hoḳole-u bia-shadire ijjot ḳorio. Zamai-bour shomporkore fak-fobitro rakio. Mono rakio, Allae ku-nozori, zinakur ar luchcha oḳlor bisar ḳorba.

ꠁꠘ꠆ꠎꠤꠟ ২১: ১-ꠙꠤꠔꠞ 1:2

Gaibi baf Allae tan munshae tumrare fosond ḳorsoin ar Pak Ruhe fobitro ḳorsoin. Er uddesho oilo, tumra zate Isa al-Mosir baiddo o ar tan lou siṭaia tumrare fak-saf ḳora oy. Allae tumrare besh ḳori rohomot ar shanti dan ḳoroukka.

ꠁꠘ꠆ꠎꠤꠟ ২১: ১-ꠙꠤꠔꠞ 4:2

Erlagi he zotodin duniat ase, otodin bod ḳaishe na solia ḳali Allai munshae zindegi kaṭae.

Injil 23: 1-Hannan 2:17

Te duniabi zogot-shongsharor hokkol bahadurir din fuṛai zar, oile ze bondae Allar morzi zugai sole, he to siroḳal ṭikia roibo.

Injil 27: Zaira Kalam 21:8

Oile ḳa-purush, beiman, haramkur, kuni, zinakur, zadugir, murtipuja ḳorra, ar hoḳol nomunar misa matra oḳol zalail aguin ar gondoḳor gato roiba. Er nam-u oilo dusrabaror mout.”

Injil 27: Zaira Kalam 22:15

Kukror laḳan zogoinno manush, zadugir, zinakur, kuni, murtipuja ḳorra, ar zetae misa mat fosond ḳore, misar maze sole, ita hokkolṭi bare foṛi roise.