ইঞ্জিল ১৩: ১-থিষল: 4:17 - Siloṭi Asmani Kitab (Latin lipi)

¹⁷ Erbade amra zera duniat zinda taḳmu, amrar malikor loge mulaḳat ḳorar lagi amrare-o megor kuṭit ḳori asmano tulia neoa oibo. Olaḳan amra siroḳal malikor loge roimu.

Siloṭi Asmani Kitab (Nagri lipi)

¹⁷ ꠄꠞꠛꠣꠖꠦ ꠀꠝꠞꠣ ꠎꠦꠞꠣ ꠖꠥꠘꠤꠀꠔ ꠎꠤꠘ꠆ꠖꠣ ꠕꠣꠇꠝꠥ, ꠀꠝꠞꠣꠞ ꠝꠣꠟꠤꠇꠞ ꠟꠉꠦ ꠝꠥꠟꠣꠇꠣꠔ ꠇꠞꠣꠞ ꠟꠣꠉꠤ ꠀꠝꠞꠣꠞꠦꠅ ꠝꠦꠊꠞ ꠈꠥꠐꠤꠔ ꠇꠞꠤ ꠀꠍꠝꠣꠘꠅ ꠔꠥꠟꠤꠀ ꠘꠦꠅꠀ ꠅꠁꠛ। ꠅꠟꠣꠈꠣꠘ ꠀꠝꠞꠣ ꠌꠤꠞꠇꠣꠟ ꠝꠣꠟꠤꠇꠞ ꠟꠉꠦ ꠞꠁꠝꠥ।

ছিলটি আছমানি কিতাব (বাংলা লিপি)

¹⁷ এরবাদে আমরা যেরা দুনিয়াত জিন্দা থাকমু, আমরার মালিকর লগে মুলাকাত করার লাগি আমরারেও মেঘর খুটিত করি আছমানো তুলিয়া নেওয়া অইবো। অলাখান আমরা চিরকাল মালিকর লগে রইমু।

ইঞ্জিল ১৩: ১-থিষল: 4:17 Iomraidhean Croise

ꠎꠛꠥꠞ ꠡꠞꠤꠚ 16:11

Deḳairae zindegir fot amare tumi, tumar didaror maze ase furafur furti, tumar ḍain ḳandat ase siroḳalin shuk-shanti.

ꠎꠛꠥꠞ ꠡꠞꠤꠚ 17:15

Oile ami zanu ni-oforadi roi tumar dorbaro, hozag oia shad miṭaia roimu tumar didaro.

ꠁꠘ꠆ꠎꠤꠟ ১: ꠝꠕꠤ 26:64

Tain zuaf dila, “Afnara-u to ḳoira. Oile ami koiram, afnara deḳbane, ami bin-Adom arshe-azimo Alla Rabbul Alaminor ḍainor toḳto boat asi. Aro deḳba, ami behesti megor kuṭit oia duniat aiar.”

Injil 2: Markus 14:62

Tain zuaf dila, “Ji oy, ami-u hein. Afnara deḳba, ami bin-Adom arshe-azimo Alla Rabbul Alaminor ḍainor toḳto boat asi. Ar deḳba, ami behesti megor kuṭit oia duniat toshrif aniar.”

Injil 4: Hannan 12:26

Ḳeu zudi amar kezmot ḳorto sae, te amar fote solouk. Teu ami zeḳano roimu amar kezmotḳari-o ono roibo. Ze zone amar kezmot ḳore, amar gaibi bafe tare ijjot diba.

Injil 4: Hannan 14:3

Zaga ṭik koria hirbar aimu, aia tumrare amar gese nimu. Teu ami zeno roimu, tumra-o hono roibae.

Injil 4: Hannan 17:24

Baba, ami sairam, tumi zerare amar ato shofiso, ami zeḳano asi, tara-o zanu amar loge hono roin ar amar mohima deḳoin. I mohima to tumi-u amare dan ḳorso, ḳaron dunia foyda ḳorar ag taki-u tumi amare maya ḳorso.

Injil 5: Sahabi Nama 1:9

Ou mator bade-u sahabi oḳlor souḳor samne Isare tulia neoa oilo, ar tain megor ṭukrar aoṛ oigela.

Injil 5: Sahabi Nama 8:39

Tara zebla fani taki uṭia aila, ou shomoy Mabudor ruhe aḳta-u Filifre aoṛe nilagi. Hi na-morde ar Filifre deḳla na, teu tain furti kori kori tan nizor fote gelagi.

Injil 7: 1-Korintia 15:52

Kiamotor ḳalo eḳ muhurtor maze, sokur foloḳe, shingat fu deoar loge loge-u amra bodlizimu. Ou shinga bazia harle, hoḳol murda ola surote zinda oiba, zeta kunudin binash oito nae, ar amra-o hou surote bodlizimu.

Injil 8: 2-Korintia 5:8

Ashole amrar bitor bora shaosh ase, ar amra roḳto-mangshor shorilo roa taki malikor loge boshot ḳoraḳan-u bala mono ḳori.

Injil 11: Filifia 1:23

Duio fote-u amare ṭaner. Amar ichcha oilo, ami moria hari al-Mosir loge roitam, oḳan-u amar lagi bala.

ইঞ্জিল ১৩: ১-থিষল: 3:13

Ou laḳan tain tumrar dil furafur mozbut ḳoroukka, zate amrar Hozrot Isae zebla tan nizor pak bonda oḳol loia toshrif anba, ou shomoy amrar gaibi baf Allar nozoro tumra fobitro ar nikut ro.

ইঞ্জিল ১৩: ১-থিষল: 4:15

Erlagi malikor kalam mafik tumrare ḳoiram, amra zera zinda asi ar malike toshrif anar ag forzonto zinda roimu, amra kunumonte-u hi murda oḳlor age zaitam fartam nae.

ইঞ্জিল ১৩: ১-থিষল: 4:18

Erlagi tumra ota zanaia eḳzone aroḳzonre utshaho deo.

ইঞ্জিল ১৩: ১-থিষল: 5:10

Ar al-Mosir mout oise to amrar lagi-u, zate amra basi ba mori, tan loge-u hamesha zinda roi.

ꠁꠘ꠆ꠎꠤꠟ ২২: ২-ꠙꠤꠔꠞ 3:13

Oile amra Alla Pakor oada ḳora noya asman, noya zominor bar sairam, zeḳano ḳali forezgarir ṭikana.

Injil 27: Zaira Kalam 1:7

Huno, tain megor saḳat oia toshrif anra, forteḳe tanre soukdi deḳbo, zara laḳṛidi banail solibo gatia tanre zane marilisil tara-o deḳbo, ar tan lagi duniar hoḳol zatie zure zure ḳandiba. Oula-u ouk, Amin.

Injil 27: Zaira Kalam 11:12

Bade era hunla, behest taki ḍakia zure zure ḳoa or, “Tumra ono uṭia aio.” Teu era nizor dushmonor samne eḳ megor saḳat oia behesto gelagi.

Injil 27: Zaira Kalam 12:5

Beṭir goro eḳ fua foyda oilo, ou fuae hokkol zatire luar laṭi dia shashon ḳorba. Ou huruttare Alla ar tan toḳtor gese su mari tulia neoa oilo.