ইঞ্জিল ১৩: ১-থিষল: 4:13 - Siloṭi Asmani Kitab (Latin lipi)

¹³ O bai oḳol, huno, murda oḳlor kun halot oibo, amra sairam ita tumra zano, zate moron bade kita oibo ikan na zanae zera nirash oizae, tumrar mon zanu ilaḳan na oy.

Siloṭi Asmani Kitab (Nagri lipi)

¹³ ꠅ ꠜꠣꠁ ꠅꠇꠟ, ꠢꠥꠘꠅ, ꠝꠥꠞ꠆ꠖꠣ ꠅꠇꠟꠞ ꠇꠥꠘ ꠢꠣꠟꠔ ꠅꠁꠛ, ꠀꠝꠞꠣ ꠌꠣꠁꠞꠣꠝ ꠁꠔꠣ ꠔꠥꠝꠞꠣ ꠎꠣꠘ, ꠎꠣꠔꠦ ꠝꠞꠘ ꠛꠣꠖꠦ ꠇꠤꠔꠣ ꠅꠁꠛ ꠁꠈꠣꠘ ꠘꠣ ꠎꠣꠘꠣꠄ ꠎꠦꠞꠣ ꠘꠤꠞꠣꠡ ꠅꠁꠎꠣꠄ, ꠔꠥꠝꠞꠣꠞ ꠝꠘ ꠎꠣꠘꠥ ꠁꠟꠣꠈꠣꠘ ꠘꠣ ꠅꠄ।

ছিলটি আছমানি কিতাব (বাংলা লিপি)

¹³ ও ভাই অকল, হুনো, মুর্দা অকলর কুন হালত অইবো, আমরা চাইরাম ইতা তুমরা জানো, যাতে মরন বাদে কিতা অইবো ইখান না জানায় যেরা নিরাশ অইযায়, তুমরার মন যানু ইলাখান না অয়।

ইঞ্জিল ১৩: ১-থিষল: 4:13 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 37:35

Tan hoḳol fua-fuṛie tane buzaita saila, oile kunu buze-u tan buk ṭanḍa oilo na. Tain ḳoila, “Ami mattom ḳori kori amar fuar gese ḳoyboro hamaimu.” Fuar lagi tain ou laḳan ḳanda-ḳaṭit roila.

ꠔꠃꠞꠣꠔ ৩: ꠟꠦꠛꠤꠀꠘ 19:28

Murdar lagi ahazari korat gia nizor shorilo zoḳom ḳorio na. Gotror maze kunuzat saf-sobi akio na. Ami-u to Mabud.

ꠔꠃꠞꠣꠔ ৩: ꠟꠦꠛꠤꠀꠘ 21:2

Ḳali tarar nizor ma-baf, fua-fuṛi ba afon bai mara gele tara nizore nafak banani zaiz ase.

ꠁꠘ꠆ꠎꠤꠟ ১: ꠝꠕꠤ 27:52

Bout ḳoyboror muk kuligelo, ar Allar mayar ze bonda oḳol mara gesla, era bout zon zinda oia uṭla.

Injil 4: Hannan 11:24

Teu Martae ḳoila, “Ji oy, ami zani kiamotor din zebla murda oḳol zinda oiba, ou shomoy he-o zinda oia uṭbo.”

Injil 5: Sahabi Nama 13:36

Daud to hi amolor manshor maze Allar kial-kushi fura ḳorar bade inteḳal ḳorla, ar tan moy-murobbi oḳlor gese tanre dafon ḳorar bade koy oigela,

Injil 5: Sahabi Nama 7:60

Ḳoia-u tain aṭu gala dia zure sillaia ḳoila, “Malik, erar i gunare amolo dorio na.” Oḳan ḳoia-u tain aḳeri dom saṛi dila. Ar Shoule hono Stifanor kunor hukumor loge shae dila.

Injil 5: Sahabi Nama 8:2

Ḳoyzone milia Allaraia manush Stifanre dafon ḳorla ar tan lagi bout ahazari korla.

Injil 6: Ruman 1:13

O baiain huno, ami bout bar tumrar gese aitam saisi, oile bar bar bada aise. Nanan zagat gia bin zatir gese toblig koria zela fol faisi, tumrar gese-o ola fol deḳar ashae aitam sairam.

Injil 7: 1-Korintia 10:1

Bai oḳol, ami sairam, morubumir maze amrar moy-murobbi oḳlor goṭona tumrar mono rouk. Era hoḳol to gaibi megor kuṭir tole roita, hoḳole faoe aṭia Nil doria faroia gesla.

Injil 7: 1-Korintia 12:1

O bai oḳol, ami sairam Allai Pak Ruhur dan-niamotor befare tumrar kunta-u ozana na rouk.

Injil 7: 1-Korintia 15:6

Erbade tain eḳloge fas-shor-o beshi mumin baire deḳa disoin. Erar maze ḳeu ḳeu mara gele-o, oḳono beshir bag zinda asoin.

Injil 8: 2-Korintia 1:8

Turoshkor Asiya desho amra ze mosiboto foṛslam, ota tumrare zanaitam sai. Hino taḳte amrar ufre ze azab aisil, ou azab ola marattoḳ asil, erlagi amra zanor maya saṛi dislam.

Injil 10: Ifisia 2:12

Te mono rakio, age to tumra al-Mosir ges taki horail aslae; tumra aslae Allar fosond ḳora Boni Israilor bairor manush. Allae Boni Israilor loge milonor zoto laḳan usillar oada ḳorsoin, itar loge tumrar to kunu shomporko asil na. Tumrar kunu asha-o asil na; tumra aslae i duniat Alla saṛa zati.

Injil 10: Ifisia 2:3

Amra hoḳole-u eḳ shomoy gunar shobabor gulam bonia, ota naforman manshor laḳan zindegi kaṭaitam. Ou bod shobab taki ze bod ḳaish amrar dilo aito, amra ola ḳam ḳortam. Ar ou ḳam-ḳazor lagi hota manshor laḳan amra-o Allar gozobor laḳ aslam.

ইঞ্জিল ১৩: ১-থিষল: 4:14

Huno, amra zebla ekin ḳori, Hozrot Isar mout oisil oile tain zinda oia uṭsoin, te eoḳan-o ekin ḳori, Hozrot Isae dusrabar toshrif anle Isar ufre iman ania zerar mout oise, Allae tarare-o Isar loge milon ḳoria tan loge niba.

ইঞ্জিল ১৩: ১-থিষল: 4:15

Erlagi malikor kalam mafik tumrare ḳoiram, amra zera zinda asi ar malike toshrif anar ag forzonto zinda roimu, amra kunumonte-u hi murda oḳlor age zaitam fartam nae.

ইঞ্জিল ১৩: ১-থিষল: 5:10

Ar al-Mosir mout oise to amrar lagi-u, zate amra basi ba mori, tan loge-u hamesha zinda roi.

ইঞ্জিল ১৩: ১-থিষল: 5:6

Erlagi ao, oinno manshor laḳan amra na gumaia borong hozag roi ar nizore shamlaia raki.

ꠁꠘ꠆ꠎꠤꠟ ২২: ২-ꠙꠤꠔꠞ 3:4

Tara ḳoiba, “Kita ba, hein aibar lagi ze oada asil, itar kita oilo? Duniar shuru taki zelaḳan solchil, amrar baf-dadar moronor bad taki oḳono to olaḳan-u soler.”

ꠁꠘ꠆ꠎꠤꠟ ২২: ২-ꠙꠤꠔꠞ 3:8

Ta-o bai oḳol, tumra ikan faurio na, malikor gese eḳ din eḳ azar bosoror homan ar eḳ azar bosor eḳ dinor homan.