ইঞ্জিল ১৩: ১-থিষল: 3:5 - Siloṭi Asmani Kitab (Latin lipi)

⁵ Te ami zebla ar shoijjo ḳortam farlam na, ou shomoy tumrar imanor halot deḳar lagi Timoti baire faṭailam. Amar mono ḍor asil, kizanu Shoytane tumrare lalos deḳaise ar amrar hoḳol menot beḳama gesegi.

Siloṭi Asmani Kitab (Nagri lipi)

⁵ ꠔꠦ ꠀꠝꠤ ꠎꠦꠛꠟꠣ ꠀꠞ ꠡꠁꠎ꠆ꠎ ꠇꠞꠔꠣꠝ ꠙꠣꠞꠟꠣꠝ ꠘꠣ, ꠅꠃ ꠡꠝꠄ ꠔꠥꠝꠞꠣꠞ ꠁꠝꠣꠘꠞ ꠢꠣꠟꠔ ꠖꠦꠈꠣꠞ ꠟꠣꠉꠤ ꠔꠤꠝꠕꠤ ꠜꠣꠁꠞꠦ ꠙꠣꠑꠣꠁꠟꠣꠝ। ꠀꠝꠣꠞ ꠝꠘꠅ ꠒꠞ ꠀꠍꠤꠟ, ꠇꠤꠎꠣꠘꠥ ꠡꠄꠔꠣꠘꠦ ꠔꠥꠝꠞꠣꠞꠦ ꠟꠣꠟꠌ ꠖꠦꠈꠣꠁꠍꠦ ꠀꠞ ꠀꠝꠞꠣꠞ ꠢꠇꠟ ꠝꠦꠘꠔ ꠛꠦꠇꠣꠝꠣ ꠉꠦꠍꠦꠉꠤ।

ছিলটি আছমানি কিতাব (বাংলা লিপি)

⁵ তে আমি যেবলা আর সইয্য করতাম পারলাম না, অউ সময় তুমরার ইমানর হালত দেখার লাগি তিমথি ভাইরে পাঠাইলাম। আমার মনো ডর আছিল, কিযানু শয়তানে তুমরারে লালছ দেখাইছে আর আমরার হকল মেনত বেকামা গেছেগি।

ইঞ্জিল ১৩: ১-থিষল: 3:5 Iomraidhean Croise

ꠁꠘ꠆ꠎꠤꠟ ১: ꠝꠕꠤ 4:3

Ou shomoy Iblise aia tanre ḳoilo, “Tumi zudi Ibnulla, Allar ḳas mayar zon o, te ota fattorre ḳo na ruṭi oizito.”

Injil 5: Sahabi Nama 15:36

Ḳoydin bade Pauluse Barnabasre ḳoila, “Amra zeta zagainto age malikor kalam toblig korslam, ao, hou zagainto hirbar gia deḳa ḳori. Dekia ai baiaintor hal-hokikot kita.”

Injil 7: 1-Korintia 7:5

Zamai-boue eḳe-oinnore nirash ḳorio na, ḳali kas kunu dua-munazator lagi duiozone foramish ḳoria kisu shomoy alada roitae faro. Bade hirbar milizio, zate shorilor ḳaishor lagi Shoytane tumrare gunar fote ṭanar shuzug na fae.

Injil 8: 2-Korintia 2:11

zate Shoytane amrare duka dito na fare. Tar ku-motlobor ḳota to amrar ozana nae.

Injil 8: 2-Korintia 6:1

Allar ḳadim hishabe amra ou minot ḳoriar, tumra zebla Allar rohomot faiso, te ikṭare bifol oite dio na.

Injil 9: Galatia 2:2

Allai hukume ami hono gelam. Gia honor baiainre ḳoilam, oinnainno zatir gese ami kun kush-ḳobri toblig kori. Oile zomator murobbi oḳolre ita niralae ḳoilam, amar sinta asil, amar oto douṛor ḳam zate beḳama na zae.

Injil 9: Galatia 4:11

Erdae amar ḍor ḳorer, tumrar tole amar oto menot ni maṭi oizae.

Injil 10: Ifisia 4:14

Teu amra ar huruttar laḳan roitam nae. Manshe shoytani aḳol ḳaṭaia be-fote nibar lagi manshore ze bul talim dey, ou bul talime zanu amrare fanir aula-zaula ḍeur laḳan du-dila na banae.

Injil 11: Filifia 2:19

Ami asha ḳori, Hozrot Isar morzi oile ami Timotire kub zoldi kori tumrar gese faṭaimu, teu tumrar halot zania ami shanti oimu.

ইঞ্জিল ১৩: ১-থিষল: 2:1

Bai oḳol, tumra to nize-u zano, tumrar gese amrar zaoaḳan beḳama gese na.

ইঞ্জিল ১৩: ১-থিষল: 3:6

Oile Timoti bai tumrar ges taki firia aia amrare zanaisoin, tumrar iman ar maya-mohobbotor halot bout bala. Tain ḳoisoin, tumra hamesha maya-mohobbote amrare mono ḳoro, ar amra zela tumrare deḳtam sairam, tumra-o oula amrare deḳar asha ḳorrae.