ইঞ্জিল ১৩: ১-থিষল: 3:2 - Siloṭi Asmani Kitab (Latin lipi)

² amrar bai Timotire faṭaimu, zate tain gia tumrar iman mozbut ḳoroin ar monor shaosh zugain. Tain to al-Mosir kush-ḳobrir toblig kamo Allar ḳadim, amrar logor bai, tanre faṭailam,

Siloṭi Asmani Kitab (Nagri lipi)

² ꠀꠝꠞꠣꠞ ꠜꠣꠁ ꠔꠤꠝꠕꠤꠞꠦ ꠙꠣꠑꠣꠁꠝꠥ, ꠎꠣꠔꠦ ꠔꠣꠁꠘ ꠉꠤꠀ ꠔꠥꠝꠞꠣꠞ ꠁꠝꠣꠘ ꠝꠎꠛꠥꠔ ꠇꠞꠂꠘ ꠀꠞ ꠝꠘꠞ ꠡꠣꠅꠡ ꠎꠥꠉꠣꠁꠘ। ꠔꠣꠁꠘ ꠔ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠇꠣꠝꠅ ꠀꠟ꠆ꠟꠣꠞ ꠈꠣꠖꠤꠝ, ꠀꠝꠞꠣꠞ ꠟꠉꠞ ꠜꠣꠁ, ꠔꠣꠘꠞꠦ ꠙꠣꠑꠣꠁꠟꠣꠝ,

ছিলটি আছমানি কিতাব (বাংলা লিপি)

² আমরার ভাই তিমথিরে পাঠাইমু, যাতে তাইন গিয়া তুমরার ইমান মজবুত করইন আর মনর সাওস যুগাইন। তাইন তো আল-মসীর খুশ-খবরির তবলিগ কামো আল্লার খাদিম, আমরার লগর ভাই, তানরে পাঠাইলাম,

ইঞ্জিল ১৩: ১-থিষল: 3:2 Iomraidhean Croise

Injil 5: Sahabi Nama 16:1

Hozrot Paulus foyla Dorbi ar bade Lushra ṭauno gia azila. Lushrat Timoti name eḳzon ummot asla, tan ma imandar, ma to Ihudi zator, oile baf Iunani zator.

Injil 5: Sahabi Nama 16:5

Oula zomator mumin oḳlor iman mozbut oilo, ar dine dine tarar foriman aro baṛilo.

Injil 5: Sahabi Nama 18:5

Hozrot Silas ar Timoti Makidonia taki aia harle, Pauluse ḳali Allar kalamor toblig korta. Tain Ihudi oḳolre buzaita, Hozrot Isa-u oila al-Mosi mani Allar ḳas fosond ḳora zon.

Injil 6: Ruman 16:21

Amar loge kush-ḳobri toblig koroin ze Timoti bai, ein tumrare salam zanaira. Amar zati bai Lukias, Zasun ar Sufatose-o tumrare salam ḳoira.

Injil 7: 1-Korintia 3:10

Allar ges taki ze ḳas rohomot ami faisi, ou rohomotor bole-u ami aḳoldar raz mestorir laḳan ian kuṭi gaṛsi. Ar ou kuṭir ufre oinno zone bilḍing banaira. Oile ḳe kila banaira, i befare tara hushiar ouk.

Injil 7: 1-Korintia 4:17

Ou niote ami Timotire tumrar gese faṭailam, malikor name ein to amar mayar hok-halal fut. Malik Isa al-Mosire ami kila mania soliar, ar hoḳol zagar hoḳol zomato kila talim diar, ita tain mono ḳorai diba.

Injil 8: 2-Korintia 1:1

Ami Paulus, Alla Pakor morzi mafik Hozrot Isa al-Mosir eḳzon sahabi. Korint ṭaunor Isayi zomat ar asta Gris deshor maze Allar zoto pak bonda oḳol boshot ḳoroin, erar gese ami ar amrar mumin bai Timotie ou sohifaḳan leḳram.

Injil 8: 2-Korintia 1:19

Ami, Silas, ar bai Timotie tumrar gese zar ḳota toblig korsi, hou Isa al-Mosi-u oila Allar ḳas mayar zon Ibnulla, tain eḳbar “Oy” ar eḳbar “Na” nae, tain to hoḳol shomoy-u “Oy.”

Injil 8: 2-Korintia 2:12

Ami Toruas ṭauno al-Mosir befare kush-ḳobri toblig korat gia deḳlam, hono ḳam ḳorar lagi malike amare eḳṭa shuzug kori disoin.

Injil 8: 2-Korintia 2:13

Oile amar imandar bai Titasre hono na faoae amar mono kub oshanti asil. Erlagi Toruas ṭaunor manshor ges taki bidae loia Makidoniat gelamgi.

Injil 8: 2-Korintia 8:23

Oḳon Titas bair befare ami koiram, ein to amar loge roin, ar tumrar lagi kam ḳoroin. Bad-baki hoḳol baiaintor befare ḳoiram, hoḳol zomator manshe fosond ḳoria tarare faṭaira, tarar mazdi al-Mosir gourob oy.

Injil 11: Filifia 1:25

Ar ou monobole ami bala ḳori zani, ami basmu ar tumrar loge roimu, zate tumrar iman aro mozbut oia tumrar kushi baṛe.

Injil 12: Kolosia 1:1

Ami Paulus, Alla Pakor morzie Hozrot Isa al-Mosir eḳzon sahabi. Kolosi ṭaunor maze al-Mosir torikar pak bonda ar mumin oḳlor gese ami ar bai Timotie ou sohifaḳan leḳram. Amrar gaibi baf Alla Pake tumrar ufre rohomot ar shanti nazil ḳoroukka.

Injil 12: Kolosia 1:7

Ou kush-ḳobrir ḳota tumra amar logor mayar bai Abu-Farasor gese huncho. Tain tumrar torof taki al-Mosir eḳzon hok kezmotḳari.

Injil 12: Kolosia 4:12

Abu-Farase-o tumrare salam disoin, tain to tumrar afon manush ar Isa al-Mosir gulam. Ein hamesha tumrar lagi dile-zane munazat ḳorra, tumra zate kamil o, ar Allar morzi-munsha buzia mozbut oia ubao.

Injil 12: Kolosia 4:9

Tukikor loge amrar mayar imandar bai Onisimre-o faṭailam. Ein to tumrar-u eḳzon. Tara inor hoḳol ḳobor-antor tumrare zanaiba.

ইঞ্জিল ১৩: ১-থিষল: 3:13

Ou laḳan tain tumrar dil furafur mozbut ḳoroukka, zate amrar Hozrot Isae zebla tan nizor pak bonda oḳol loia toshrif anba, ou shomoy amrar gaibi baf Allar nozoro tumra fobitro ar nikut ro.

ইঞ্জিল ১৩: ১-থিষল: 3:5

Te ami zebla ar shoijjo ḳortam farlam na, ou shomoy tumrar imanor halot deḳar lagi Timoti baire faṭailam. Amar mono ḍor asil, kizanu Shoytane tumrare lalos deḳaise ar amrar hoḳol menot beḳama gesegi.