ইঞ্জিল ১৩: ১-থিষল: 3:13 - Siloṭi Asmani Kitab (Latin lipi)

¹³ Ou laḳan tain tumrar dil furafur mozbut ḳoroukka, zate amrar Hozrot Isae zebla tan nizor pak bonda oḳol loia toshrif anba, ou shomoy amrar gaibi baf Allar nozoro tumra fobitro ar nikut ro.

Siloṭi Asmani Kitab (Nagri lipi)

¹³ ꠅꠃ ꠟꠣꠈꠣꠘ ꠔꠣꠁꠘ ꠔꠥꠝꠞꠣꠞ ꠖꠤꠟ ꠙꠥꠞꠣꠙꠥꠞ ꠝꠎꠛꠥꠔ ꠇꠞꠃꠇ꠆ꠇꠣ, ꠎꠣꠔꠦ ꠀꠝꠞꠣꠞ ꠢꠎꠞꠔ ꠁꠍꠣꠄ ꠎꠦꠛꠟꠣ ꠔꠣꠘ ꠘꠤꠎꠞ ꠙꠣꠇ ꠛꠘ꠆ꠖꠣ ꠅꠇꠟ ꠟꠁꠀ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠘꠎꠞꠅ ꠔꠥꠝꠞꠣ ꠙꠛꠤꠔ꠆ꠞ ꠀꠞ ꠘꠤꠈꠥꠔ ꠞꠅ।

ছিলটি আছমানি কিতাব (বাংলা লিপি)

¹³ অউ লাখান তাইন তুমরার দিল পুরাপুর মজবুত করউক্কা, যাতে আমরার হজরত ইছায় যেবলা তান নিজর পাক বন্দা অকল লইয়া তশরিফ আনবা, অউ সময় আমরার গাইবি বাফ আল্লার নজরো তুমরা পবিত্র আর নিখুত রও।

ইঞ্জিল ১৩: ১-থিষল: 3:13 Iomraidhean Croise

ꠁꠘ꠆ꠎꠤꠟ ১: ꠝꠕꠤ 25:31

“Bin-Adome zebla firista oḳolre loia nizor mohimae hirbar aiba, aia nizor bashshair godit boiba.

Injil 2: Markus 8:38

Hunoukka, i zomanar beiman ar gunagar oḳlor maze, ḳeu zudi amar lagi ba amar talimor lagia muk lukae, te ami bin-Adom zebla fobitro firista oḳolre loge loia, amar gaibi bafor shan-tozollie zogoto hirbar aimu, ou shomoy ami-o erare deḳle muk lukaimu.”

Injil 3: Luk 1:6

Era duiozon-u Allar nozoro kamil dindar asla. Mabudor hoḳol hukum-ahkam shullo-ana adae ḳorta.

Injil 6: Ruman 14:4

Ar tumare ḳegie ḳemota dilo, aroḳ beṭar gulamor bisar ḳortae? He ṭik fote ase, na bul fote ase ikan to tar munibe buzba. Ashole to he ṭik fote-u roibo, malike-u tare ṭik fote raḳta farba.

Injil 6: Ruman 16:25

Alhamdulilla, ami Pauluse Isa al-Mosir befare ze kush-ḳobri toblig kori, Alla Pakor ḳemota ase ou kush-ḳobrir usillae tumrare imane tir raḳa. Mono rakio, bout zomana dori Allae tan i batuni munshar ḳota lukai raḳsila,

Injil 7: 1-Korintia 15:23

Oile ermaze ḳota ase, Allae tan morzi mafik dafe dafe hoḳolta ḳoraiba. Ḳeto taki foyla tula fosholor laḳan foyla dafo al-Mosire zinda ḳora oise, bade tain dusrabar toshrif anar ḳalo tan ummot oḳolre-o zinda ḳora oibo.

Injil 9: Galatia 1:4

Amrar gaibi baf Alla Pakor munshae, hou Isae amrar gunar mafir lagi nizor fobitro zan kurbani disoin, zate ou ḳaraf zomanar at taki amrare basaita faroin.

Injil 10: Ifisia 5:27

nuror mohimae nizor samne azir ḳora. Ou shomoy zomator maze kunu ḳolonkor dag, kut ba ila kunta-u roito nae, ita fak-fobitro ar nikut oibo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:2

Toshrif anla Mabud Allae Tur faṛ taki, amra hoḳole deḳa failam nure elahi. Seir ar Faran faṛ taki deḳain nuror tez, laḳo laḳo firista kiba aro besh. Didar dila Mabude erar maz tone, ḍain ato bora asil nuror aguine.

Injil 11: Filifia 1:10

Zate tumra aḳol ḳaṭaia bala bala befar oḳol sinbae, ar al-Mosie dusrabar toshrif anar ag forzonto,

Injil 12: Kolosia 1:22

Oile al-Mosir zan kurbanir mazdi Allae tumrare-o tan loge milon goṭaisoin, zate tumrare fak-fobitro, nikut ar ni-oforadi halote tan samne azir ḳorta faroin.

ইঞ্জিল ১৩: ১-থিষল: 2:19

Hasau amrar Malik Isae zebla toshrif anba, ou shomoy tan samne amrar asha, anondo ar gourobor joyor mala hishabe kita faimu? Ita to tumra-u nae ni?

ইঞ্জিল ১৩: ১-থিষল: 3:11

Te gaibi baf Allae ar Hozrot Isa al-Mosie zanu, tumrar gese zaoar lagi amrare shuzug dein.

ইঞ্জিল ১৩: ১-থিষল: 3:2

amrar bai Timotire faṭaimu, zate tain gia tumrar iman mozbut ḳoroin ar monor shaosh zugain. Tain to al-Mosir kush-ḳobrir toblig kamo Allar ḳadim, amrar logor bai, tanre faṭailam,

ইঞ্জিল ১৩: ১-থিষল: 4:15

Erlagi malikor kalam mafik tumrare ḳoiram, amra zera zinda asi ar malike toshrif anar ag forzonto zinda roimu, amra kunumonte-u hi murda oḳlor age zaitam fartam nae.

ইঞ্জিল ১৩: ১-থিষল: 4:17

Erbade amra zera duniat zinda taḳmu, amrar malikor loge mulaḳat ḳorar lagi amrare-o megor kuṭit ḳori asmano tulia neoa oibo. Olaḳan amra siroḳal malikor loge roimu.

ইঞ্জিল ১৩: ১-থিষল: 5:23

Shanti deora Allae nize tumrare furafur fak-fobitro ḳoroukka, amrar Malik Isa al-Mosie toshrif anar ḳalo tumrar asta shoril, ruhu ar dilre furafur nikut raḳoukka.

ইঞ্জিল ১৪: ২-থিষল: 1:10

Hou din tan nizor pak bonda oḳol, zera tan ufre iman anche tarar mazdi, tan gourob-mohima zair oibo. Erar maze tumra-o aso, ḳaron amrar toblig hunia tumra iman ancho.

ইঞ্জিল ১৪: ২-থিষল: 1:7

Ar tumra zera oḳon ḳoshṭo fairae, Allae amrar loge tumrare-o i koshṭo taki rehai diba. Hozrot Isae zebla tan shoktishali firista oḳol loia, zalail agunir kunḍolit oia behest taki lamia aiba, ou shomoy oula oibo. Zeta manshe Allare sine na ar Hozrot Isar kush-ḳobrir ḳota mane na, Allae itare tarar faona shaza diba.

ইঞ্জিল ১৪: ২-থিষল: 2:1

O bai oḳol huno, amrar Malik Isa al-Mosi to hirbar aiba, aia amra hoḳolre ekḳano dola ḳoria tan gese niba. Te ou befare tumrare minot ḳori koiram,

Injil 20: Iakub 5:8

Tumra-o ola sobor ḳoro, ostir oio na, ḳaron malike kub zoldi-u toshrif anra.

ꠁꠘ꠆ꠎꠤꠟ ২১: ১-ꠙꠤꠔꠞ 5:10

Rohmanur rohim Alla Pake tumrare daot disoin al-Mosir loge oia tan sirostayi mohimar bagi oar lagi. Tuṛa ḳoydin duk-koshṭo ḳoria harle, tain nize-u tumrare ṭik-ṭak korba ar tir raḳba, tumrare boloban ḳoria mozbut kuṭir ufre ḳaṛa ḳoraiba.

Injil 26: Ehuda 1:14

Baba Adomor ḳandanor shat nombor zon Hozrot Idrise-o ota manshor befare ḳoia gesoin, “Huno, manshor bisar ḳorar lagi, Malik Moulae tan azar azar fobitro firista loia aira.

Injil 26: Ehuda 1:24

Ar ze Allae tumrare usṭa ḳaoa taki basain, zein nikut halote tumrare kushi-bashie tan shan-tozollir samne azir ḳorta faroin,