ইঞ্জিল ১৩: ১-থিষল: 2:9 - Siloṭi Asmani Kitab (Latin lipi)

⁹ Baiainre, ashole to amrar menot ar aṭni-ḳaṭnir ḳota, nichchoy tumrar mono ase. Allai kush-ḳobri tobligor faḳe faḳe amra dine-raite ruzi-ruzgar ḳorsi, zate amrar ḳorsa-fati tumra ḳeuror lagi buza na oy.

Siloṭi Asmani Kitab (Nagri lipi)

⁹ ꠜꠣꠁꠀꠁꠘꠞꠦ, ꠀꠍꠟꠦ ꠔ ꠀꠝꠞꠣꠞ ꠝꠦꠘꠔ ꠀꠞ ꠀꠐꠘꠤ-ꠈꠣꠐꠘꠤꠞ ꠇꠕꠣ, ꠘꠤꠌ꠆ꠌꠄ ꠔꠥꠝꠞꠣꠞ ꠝꠘꠅ ꠀꠍꠦ। ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠚꠣꠇꠦ ꠚꠣꠇꠦ ꠀꠝꠞꠣ ꠖꠤꠘꠦ-ꠞꠣꠁꠔꠦ ꠞꠥꠎꠤ-ꠞꠥꠎꠉꠣꠞ ꠇꠞꠍꠤ, ꠎꠣꠔꠦ ꠀꠝꠞꠣꠞ ꠈꠞꠌꠣ-ꠙꠣꠔꠤ ꠔꠥꠝꠞꠣ ꠇꠦꠃꠞꠞ ꠟꠣꠉꠤ ꠛꠥꠏꠣ ꠘꠣ ꠅꠄ।

ছিলটি আছমানি কিতাব (বাংলা লিপি)

⁹ ভাইয়াইনরে, আসলে তো আমরার মেনত আর আটনি-খাটনির কথা, নিচ্চয় তুমরার মনো আছে। আল্লাই খুশ-খবরি তবলিগর ফাকে ফাকে আমরা দিনে-রাইতে রুজি-রুজগার করছি, যাতে আমরার খরচা-পাতি তুমরা কেউরর লাগি বোঝা না অয়।

ইঞ্জিল ১৩: ১-থিষল: 2:9 Iomraidhean Croise

ꠎꠛꠥꠞ ꠡꠞꠤꠚ 32:4

Tumar ate zatia dorsil din-rait amare, ḳomi gesil mor ḳayar shokti Soit-maia gorome. (Sela)

Injil 3: Luk 18:7

Te zera hamesha dine-raite Allar gese ḳande, Allae kita tan i mayar bonda oḳlor hok foriad hunta nae ni? Tain hunte kunu ar deri korba ni?

Injil 3: Luk 2:37

sourashi bosor forzonto ṛaṛi halote asla. Tain Baytul-Mukaddosor bitre ruza raḳta ar dua ḳorta. Ebadot-bondegir maze rait-din ḳaṭaita, bare bar oita na.

Injil 5: Sahabi Nama 18:3

Tain-o tarar laḳan tambu bananir ḳam ḳorta gotike tain tarar loge roia ou ḳamo lagla.

Injil 5: Sahabi Nama 20:24

Oile-o amar nizor zanor forua ḳori na, amar zanre oto mulloban mono ḳori na. Ami irada ḳora fotor hesh ṭikana forzonto douṛaitam sairam. Allar rohomotor kush-ḳobrir toblig ar kezmotor ou ze bar Hozrot Isar ges taki faisi, er injam ditam sairam.

Injil 5: Sahabi Nama 20:31

Erlagi afnara hozag roukka, ar mono raḳba, ami tin boros doria rait-din souḳor fani falaia afnarare hushiar ḳorte dom loisi na.

Injil 6: Ruman 1:1

Ami Paulus to Hozrot Isa al-Mosir gulam. Ruman bashshair razdani Rum ṭaunor mumin oḳlor gese ou sohifaḳan leḳram. Alla Pake amare fosond ḳoria anchoin al-Mosir sahabi oar lagi ar tan batail kush-ḳobri toblig korar lagi.

Injil 6: Ruman 15:16

Isa al-Mosir ḳadim hishabe Allae amare tumrar laḳan bin zati oḳlor gese faṭaisoin. Erlagi-u tan deoa kush-ḳobri tobligor mazdi ami imamotir ḳam ḳoriar, zate ou bin zati oḳol Allar Pak Ruhe fobitro oia tan dorbaro kobul oar zuka kurbani oin.

Injil 6: Ruman 15:19

keramoti-muzeza ar Allai Pak Ruhur kudroti bole bin zati oḳolredi Allar gulami koraisoin. Erlagi-u ami al-Mosir kush-ḳobrire Zeruzalem taki Ilurika forzonto hoḳol zagar maze furafur toblig korsi.

Injil 7: 1-Korintia 4:12

Hamesha nizor ate menot ḳori kaiar. Manshor gail-mondo hunia-o, tarar balai saiar, zulum-nirjaton, humki-damkire sobor ḳoriar.

Injil 7: 1-Korintia 9:15

Oile ami to er kunta-u nisi na. Ar oḳon tumrare-o ita lekiar na, amar lagi otar bebosta ḳortae ḳori. Oḳon amar ou boṛaire zudi keu beḳama banailae, te amar mori zaoa-u bala.

Injil 7: 1-Korintia 9:18

Oḳon amar i kamor furuskar kita? I furuskar oilo, kush-ḳobri toblig koria hari faona beton nei na, bina foyshae toblig kora-u amar beton.

Injil 7: 1-Korintia 9:4

Ami ar sahabi Barnabase kita ḳana-finar beton faibar odikar nai ni?

Injil 8: 2-Korintia 11:27

Ou duḳ-mosibotor maze-o zane-forane menot ḳorsi, bout rait uzagori korsi, ḳani-fanir lagi koshṭo faisi, bout ufash-ḳafash roisi, shit ar ḳafoṛ-sufoṛor obabe-o ḳoshṭo faisi.

Injil 8: 2-Korintia 11:9

Tumrar gese roar ḳalo ami zebla obabo foṛlam, hou shomoy-o ami keuror buza oisi na. Ḳaron Makidonia taki zeta baiain aisla, tara amare shaijjo ḳorsoin. Te kunu halote-u ami tumrar buza oisi na, oitam-o nae.

Injil 8: 2-Korintia 6:5

Amrare bout bar mair-doir ḳora oise, bout bar zelo harani oise, bout danga-hangama amrar ufredi gese, bout menot ḳorsi, na gumaia rait ḳaṭaisi ar ufash-ḳafash roisi.

Injil 11: Filifia 4:16

Ami zebla Tisholoniki ṭauno aslam, ou shomoy amar obabor ḳalo tumra ḳoybar shaijjo faṭaiso.

ইঞ্জিল ১৩: ১-থিষল: 1:3

Imanor lagi tumra ze ḳam ḳorrae, mohobbotor lagi tumra ze menot ḳorrae ar Hozrot Isa al-Mosir ufre asha-borosha ḳoria tumra ze sobor ḳorrae, ita amrar gaibi baf Allar dorbaro dua ḳorar shomoy hamesha mono ḳori.

ইঞ্জিল ১৩: ১-থিষল: 2:2

Tumra eoḳan-o zano, er age amra Filifi ṭauno zulum-mosiboto foṛslam ar beijjot oislam. Bade tumrar ono-o bout bada-nished ḳaṭaia amra Allai shaoshe shaoshi oia dile-zane tan kush-ḳobri kula-mela toblig korsilam.

ইঞ্জিল ১৩: ১-থিষল: 2:6

Kunu manshor ges taki ijjot faite asha ḳorsi na, tumrar ges taki-o na, ba baira manshor ges taki-o na.

ইঞ্জিল ১৩: ১-থিষল: 3:10

Amra mon dia dine-raite hamesha dua ḳorram, zate tumrar mukkan hirbar deḳar shuzug fai, ar tumrar imanor bad-baki hoḳolta fura ḳortam fari.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10

Erlagi-u amra zane-forane imanor menot ḳoriar ar kiali oia ḳam ḳoriar. Ḳaron amra to zinda Allar ufre borosha ḳori. Tain-u hoḳol manshor toraneala, ḳas ḳori zera tan ufre iman ane.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:5

Ze ṛaṛi beṭintor ḳeu nai, tara ḳali Allar ufre borosha rakia, dine-raite tan dorbaro munazat ar ḳanda-ḳaṭi korat roin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:3

O Timoti, huno, amar moy-murobbie zela eḳ Allar ebadot ḳorta, ami-o oula forishkar bibeḳe Allar ebadot ḳori. Ami dua ḳorar bala dine-raite hamesha tumar lagi Allar shukria adae ḳori.