ইঞ্জিল ১৩: ১-থিষল: 2:2 - Siloṭi Asmani Kitab (Latin lipi)

² Tumra eoḳan-o zano, er age amra Filifi ṭauno zulum-mosiboto foṛslam ar beijjot oislam. Bade tumrar ono-o bout bada-nished ḳaṭaia amra Allai shaoshe shaoshi oia dile-zane tan kush-ḳobri kula-mela toblig korsilam.

Siloṭi Asmani Kitab (Nagri lipi)

² ꠔꠥꠝꠞꠣ ꠄꠅꠈꠣꠘꠅ ꠎꠣꠘ, ꠄꠞ ꠀꠉꠦ ꠀꠝꠞꠣ ꠚꠤꠟꠤꠙꠤ ꠐꠣꠃꠘꠅ ꠎꠥꠟꠥꠝ-ꠝꠍꠤꠛꠔꠅ ꠙꠠꠍꠟꠣꠝ ꠀꠞ ꠛꠦꠁꠎ꠆ꠎꠔ ꠅꠁꠍꠟꠣꠝ। ꠛꠣꠖꠦ ꠔꠥꠝꠞꠣꠞ ꠅꠘꠅ-ꠅ ꠛꠃꠔ ꠛꠣꠗꠣ-ꠘꠤꠡꠦꠗ ꠇꠣꠐꠣꠁꠀ ꠀꠝꠞꠣ ꠀꠟ꠆ꠟꠣꠁ ꠡꠣꠅꠡꠦ ꠡꠣꠅꠡꠤ ꠅꠁꠀ ꠖꠤꠟꠦ-ꠎꠣꠘꠦ ꠔꠣꠘ ꠈꠥꠡ-ꠈꠛꠞꠤ ꠈꠥꠟꠣ-ꠝꠦꠟꠣ ꠔꠛꠟꠤꠉ ꠇꠞꠍꠤꠟꠣꠝ।

ছিলটি আছমানি কিতাব (বাংলা লিপি)

² তুমরা এওখানও জানো, এর আগে আমরা ফিলিপি টাউনো জুলুম-মছিবতো পড়ছলাম আর বেইজ্জত অইছলাম। বাদে তুমরার অনোও বউত বাধা-নিষেধ কাটাইয়া আমরা আল্লাই সাওসে সাওসি অইয়া দিলে-জানে তান খুশ-খবরি খুলা-মেলা তবলিগ করছিলাম।

ইঞ্জিল ১৩: ১-থিষল: 2:2 Iomraidhean Croise

Injil 5: Sahabi Nama 14:3

Paulus ar Barnabas hi ṭauno bout din roila, tara shaosh ḳoria malikor befare toblig korla. Ar malike-o tan rohomotor kalamor fokke Paulus ar Barnabasor mazdi, bout muzeza ar keramoti oḳol zair ḳoraila.

Injil 5: Sahabi Nama 14:5

Oile Ihudi ar o-Ihudi kisu manshe tarar neta oḳlor loge milia, Barnabas ar Paulusre mair-doir ar fattor marar fondi korla.

Injil 5: Sahabi Nama 16:12

Niafoli taki amra Filifi ṭauno gelam. Iṭa oilo Makidoniar hoḳol taki boṛo ṭaun, ino Ruman razar manush boshot ḳorta. Amra ḳoydin ono roilam.

Injil 5: Sahabi Nama 16:19

Oile tair munib oḳole tarar lab fuṛaigelo dekia, Paulus ar Silasre doria ṭania shodoro loia gela.

Injil 5: Sahabi Nama 16:37

Pauluse tarare ḳoila, “Amra Ruman manush, amrar kunu bisar na ḳoria hoḳlor samne singladi marsoin ar zelo haraisoin. Oḳon hakim oḳole amrare lukaia saṛi dita saira? Ita oito nae, tara nize aia amrare bar ḳori neukka.”

Injil 5: Sahabi Nama 17:1

Hozrot Paulus ar Silas Amfipuli ar Apollunia ṭaunor mazedi gia Tisholonikit aila. Hino Ihudi oḳlor ekkan mosid asil;

Injil 5: Sahabi Nama 17:17

Ou tain Ihudi mosido gia Ihudi ar Allaraia Iunani oḳolre, ar fortidin bazaro gia-o zerar loge deḳa oito, tarar loge-o Hozrot Isar befare batchit ḳorta.

Injil 5: Sahabi Nama 19:8

Bade tain Ihudir mosido gia eḳlagare tin mash himmot ḳoria toblig korla, Allar bashshair befare zukti-torko deḳaia tarare buzaila.

Injil 5: Sahabi Nama 4:13

Fitor ar Hannanor shaosh dekia, era zen oshikkito shamainno manush ita zania tara taijjub oigela, ar era Isar loge asla ḳorio sinla.

Injil 5: Sahabi Nama 4:20

Amra zeta deḳsi ar hunchi, ita na ḳoia to taḳtam fari na.”

Injil 5: Sahabi Nama 4:31

Tarar dua ḳorar bade ze zagat tara dola oisla, hi zaga ḳafia uṭlo. Ar tara hoḳole Pak Ruhe kamil oia shaosh ḳoria Allar kalam toblig korat roila.

Injil 5: Sahabi Nama 5:41

Teu sahabi oḳole, Isar namor lagi beijjoti kamanir zuka oisoin gotike kushi oia furti kori kori mozlis taki bar oia gela.

Injil 6: Ruman 1:1

Ami Paulus to Hozrot Isa al-Mosir gulam. Ruman bashshair razdani Rum ṭaunor mumin oḳlor gese ou sohifaḳan leḳram. Alla Pake amare fosond ḳoria anchoin al-Mosir sahabi oar lagi ar tan batail kush-ḳobri toblig korar lagi.

Injil 8: 2-Korintia 3:12

Amrar mono olaḳan asha ase gotike-u amra kula-kuli mati.

Injil 12: Kolosia 2:1

Ami tumrare zanaitam sairam, ami to tumrar lagi, Laodikea ṭaunor zomator lagi, ar zera amare deḳse na tarar lagi-o ḳoto menot ḳorram.

ইঞ্জিল ১৩: ১-থিষল: 1:5

Amrar kush-ḳobrir toblig kam to tumrar gese ḳali mukor ḳota-u roise na, borong Allai bol, Pak Ruhu, ar nichchit boroshar ufre salu oise. Tumrar balair lagi amra zebla tumrar loge roitam, ou shomoy kilan solchi, ita to tumra zano-u.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

Erlagi-u ami ola duk-koshṭo faiar, ta-o ami shorminda nae. Ḳaron ami zani, ami kar ufre borosha ḳorsi. Amar furafur ekin ase, ami tan dorbaro zeta zoma ḳorsi, itare hefazote raḳar ḳemota tan ase, al-Mosie dusrabar toshrif anar din forzonto ita roibo.

Injil 26: Ehuda 1:3

O mayar dust oḳol, amra hoḳole mili ze nazator bagi oisi, ou nazator befare ami kub kiali oia tumrar gese leḳtam saisi. Ermaze buzlam, aro dorḳar ase imanor lagi laṛair befare lekia tumrare utshaho deoa. Allae tan pak bonda oḳolre siroḳalor lagi ze imani don disoin, ou Isayi imanor fokke dile-zane laṛai kora to zorur.