ইঞ্জিল ১৩: ১-থিষল: 2:14 - Siloṭi Asmani Kitab (Latin lipi)

¹⁴ Bai oḳol, Hozrot Isar torikae solra Allar zoto zomat oḳol Ehudia zilat ase, tumrar hal-hokikot to tarar laḳan-u. Ḳaron tara zela nizor Ihudi zatir ato duḳ-mosibot faisoin, tumra-o oula nizor zatir manshor ges taki duḳ-mosibot faiso.

Siloṭi Asmani Kitab (Nagri lipi)

¹⁴ ꠜꠣꠁ ꠅꠇꠟ, ꠢꠎꠞꠔ ꠁꠍꠣꠞ ꠔꠞꠤꠇꠣꠄ ꠌꠟꠞꠣ ꠀꠟ꠆ꠟꠣꠞ ꠎꠔ ꠎꠝꠣꠔ ꠅꠇꠟ ꠄꠢꠥꠖꠤꠀ ꠎꠤꠟꠣꠔ ꠀꠍꠦ, ꠔꠥꠝꠞꠣꠞ ꠢꠣꠟ-ꠢꠇꠤꠇꠔ ꠔ ꠔꠣꠞꠣꠞ ꠟꠣꠈꠣꠘꠃ। ꠇꠣꠞꠘ ꠔꠣꠞꠣ ꠎꠦꠟꠣ ꠘꠤꠎꠞ ꠁꠢꠥꠖꠤ ꠎꠣꠔꠤꠞ ꠀꠔꠅ ꠖꠥꠈ-ꠝꠍꠤꠛꠔ ꠙꠣꠁꠍꠂꠘ, ꠔꠥꠝꠞꠣꠅ ꠅꠃꠟꠣ ꠘꠤꠎꠞ ꠎꠣꠔꠤꠞ ꠝꠣꠘꠡꠞ ꠉꠦꠍ ꠕꠣꠇꠤ ꠖꠥꠈ-ꠝꠍꠤꠛꠔ ꠙꠣꠁꠍ।

ছিলটি আছমানি কিতাব (বাংলা লিপি)

¹⁴ ভাই অকল, হজরত ইছার তরিকায় চলরা আল্লার যত জমাত অকল এহুদিয়া জিলাত আছে, তুমরার হাল-হকিকত তো তারার লাখানউ। কারন তারা যেলা নিজর ইহুদি জাতির আতো দুখ-মছিবত পাইছইন, তুমরাও অউলা নিজর জাতির মানষর গেছ থাকি দুখ-মছিবত পাইছো।

ইঞ্জিল ১৩: ১-থিষল: 2:14 Iomraidhean Croise

Injil 5: Sahabi Nama 11:19

Stifanor moutor goṭonar bade zeta imandar oḳol zulumor lagi sitri gesla, tara Foinikia, Saipras ar Antiokia forzonto gia ḳali Ihudi oḳlor gese Allar kalam toblig korla.

Injil 5: Sahabi Nama 13:50

Oile Ihudi oḳole tarar forezgar ḳandani beṭintore ar ṭaunor boṛo boṛo murobbi oḳolre uskaia dilo tara Paulus ar Barnabasor ufre zulum ḳoraia, tarar shimana taki kedaia bar ḳori dilo.

Injil 5: Sahabi Nama 14:19

Bade Antiokia ar Ikonia taki koyzon Ihudi aia, Paulusor birudde manshore uskaia dia tanre fattor marlo, ar tain morigesoin mone ḳoria, ṭaunor bare sesraia loia gelo.

Injil 5: Sahabi Nama 14:2

Oile zeta Ihudie iman anla na, tara o-Ihudi oḳolre uskai dia, mumin oḳlor bae bigṛaila.

Injil 5: Sahabi Nama 14:4

Bade asta ṭaunor manush dui dol oigelo, eḳ dol Ihudi oḳlor fokke, aroḳ dol sahabi oḳlor fokke.

Injil 5: Sahabi Nama 14:5

Oile Ihudi ar o-Ihudi kisu manshe tarar neta oḳlor loge milia, Barnabas ar Paulusre mair-doir ar fattor marar fondi korla.

Injil 5: Sahabi Nama 17:13

Oile Tisholonikir Ihudi oḳole zebla hunlo, Pauluse Biroyat aia-o toblig korra, ou tara-o Biroyat aia hinor manshore uslaia gulmal lagailo.

Injil 5: Sahabi Nama 18:12

Bade Galion zebla Gris deshor hakim asla, ou shomoy Ihudi oḳol eḳloge milia Paulusre doria bisar ḳoranir lagi raz dorbaro nia ḳoila,

Injil 5: Sahabi Nama 8:1

Hidin taki Zeruzalemor zomator ufre kub zulum-mosibot ḳaṛa oilo, erlagi kali sahabi oḳol bade ar hoḳole-u Ehudia ar Shomoria elaḳar zagae zagae sitri gela.

Injil 5: Sahabi Nama 8:3

Oile Shoule zomatre binash ḳorar niote, goro goro hamaia imandar beṭain-beṭinre bondi kori ṭania sesraia zel ḳanat haranit lagla.

Injil 5: Sahabi Nama 9:1

I shomoy-o Shoule al-Mosir ummot oḳolre zane marta ḳori ḍor deḳanit roisoin. Ar Damesk shohoror Ihudir mosidainto deoar lagi tain fordan imamor ges taki siṭi saila, zoto beṭain-beṭin Isar fote soloin, tarare bandia Zeruzalemo anta ou ḳemota faoar lagi siṭi saila.

Injil 5: Sahabi Nama 9:13

Ononioe ḳoila, “Malik, ami bout manshor gese i manushgur ḳaislot hunchi, he Zeruzalemo tumar pak bonda oḳlor ufre bout zulum ḳorse.

Injil 5: Sahabi Nama 9:31

Hi shomoy Ehudia, Galil ar Shomoria elaḳar zomat oḳol shantir maze toiar oilo, i zomat oḳol Mabudor ḍore ar Pak Ruhur isharae soli soli bout forimane baṛlo.

Injil 7: 1-Korintia 10:32

Boni Israil ba bin zati, ba Allar zomator kunu manshor fotor ḳaṭa bonio na.

Injil 7: 1-Korintia 7:17

Zai ouk, Malik Isae zare zela raḳsoin, Allae zare zela daot disoin, he ola solouk. Hoḳol Isayi zomatre ami ou eḳoi hukum diar.

Injil 9: Galatia 1:22

Ou shomoy Ehudia zilar Isayi zomat oḳole-o amare sinta na.

ইঞ্জিল ১৩: ১-থিষল: 1:1

Ami Paulus, bai Silas ar Timotie Tisholoniki ṭaunor zomator gese leḳram. Tumra amrar gaibi baf Alla Pak ar Hozrot Isa al-Mosir afon zon oiso. Tumrar ufre rohomot ar shanti nazil ouk.

ইঞ্জিল ১৩: ১-থিষল: 1:6

Tumra bout zulum-mosibotor maze-o Pak Ruhur deoa kushie amrar toblig kobul ḳoria, amrar ar malikor fote solrae.

ইঞ্জিল ১৩: ১-থিষল: 3:4

Ami age zebla tumrar loge aslam, hou shomoy tumrare ḳoisi, duḳ-mosibot amrar ufre aibo-u, ar ṭik-u olaḳan aise.

ইঞ্জিল ১৪: ২-থিষল: 1:1

Amrar gaibi baf Alla Pak ar Hozrot Isa al-Mosir loge shorik, Tisholoniki ṭaunor zomator gese ami Paulus, bai Silas ar Timotie ou sohifaḳan leḳram.

ইঞ্জিল ১৪: ২-থিষল: 1:4

Amra to Allar zomat oḳlor samne tumrare loia boṛai koriar, ḳaron oto zulum-mosibot ar duk-koshṭo faia-o tumra sobor ḳorso ar imane ṭikia roiso.