ইঞ্জিল ১৩: ১-থিষল: 2:13 - Siloṭi Asmani Kitab (Latin lipi)

¹³ Mono rakio, amra hamesha Allar shukria adae ḳorram, ḳaron amrar ges taki Allar kalam hunia tumra zebla iman anchilae, hou shomoy kunu manshor mukor ḳota nae, borong Allar kalam hishabe-u tumra ita kobul ḳorsilae, ar hasau ita Allar kalam. Tumra zera iman ancho, hou kalame-u tumrar dilo ḳam ḳorer.

Siloṭi Asmani Kitab (Nagri lipi)

¹³ ꠝꠘꠅ ꠞꠣꠈꠤꠅ, ꠀꠝꠞꠣ ꠢꠣꠝꠦꠡꠣ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠞꠣꠝ, ꠇꠣꠞꠘ ꠀꠝꠞꠣꠞ ꠉꠦꠍ ꠕꠣꠇꠤ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠤꠀ ꠔꠥꠝꠞꠣ ꠎꠦꠛꠟꠣ ꠁꠝꠣꠘ ꠀꠘꠍꠤꠟꠣꠄ, ꠢꠃ ꠡꠝꠄ ꠇꠥꠘꠥ ꠝꠣꠘꠡꠞ ꠝꠥꠈꠞ ꠇꠕꠣ ꠘꠣꠄ, ꠛꠞꠋ ꠀꠟ꠆ꠟꠣꠞ ꠇꠣꠟꠣꠝ ꠢꠤꠡꠣꠛꠦꠃ ꠔꠥꠝꠞꠣ ꠁꠔꠣ ꠇꠛꠥꠟ ꠇꠞꠍꠤꠟꠣꠄ, ꠀꠞ ꠢꠣꠍꠣꠃ ꠁꠔꠣ ꠀꠟ꠆ꠟꠣꠞ ꠇꠣꠟꠣꠝ। ꠔꠥꠝꠞꠣ ꠎꠦꠞꠣ ꠁꠝꠣꠘ ꠀꠘꠍ, ꠢꠃ ꠇꠣꠟꠣꠝꠦꠃ ꠔꠥꠝꠞꠣꠞ ꠖꠤꠟꠅ ꠇꠣꠝ ꠇꠞꠦꠞ।

ছিলটি আছমানি কিতাব (বাংলা লিপি)

¹³ মনো রাখিও, আমরা হামেশা আল্লার শুকরিয়া আদায় কররাম, কারন আমরার গেছ থাকি আল্লার কালাম হুনিয়া তুমরা যেবলা ইমান আনছিলায়, হউ সময় কুনু মানষর মুখর কথা নায়, বরং আল্লার কালাম হিসাবেউ তুমরা ইতা কবুল করছিলায়, আর হাছাউ ইতা আল্লার কালাম। তুমরা যেরা ইমান আনছো, হউ কালামেউ তুমরার দিলো কাম করের।

ইঞ্জিল ১৩: ১-থিষল: 2:13 Iomraidhean Croise

ꠁꠘ꠆ꠎꠤꠟ ১: ꠝꠕꠤ 10:20

Ashole tumrar mukdi zen tumra nize matbae, ikan nae, tumrar batuni bafor ze ruhu tumrar bitre ase, hou ruhe-u itar zuaf diba.

ꠁꠘ꠆ꠎꠤꠟ ১: ꠝꠕꠤ 10:40

“Ze zone tumrare kobul ḳore, he amare-u kobul ḳore, ar ze amare kobul ḳore, he ashole hou Allare-u kobul ḳore, zein amare faṭaisoin.

Injil 3: Luk 11:28

Isae ḳoila, “Ikan hasa ḳota, oile er saite-o boṛo ḳofali tara, zara Allar kalam hune, hunia ola amol ḳore.”

Injil 3: Luk 5:1

Eḳ din Isa Galil aoror faro uba asla, ou shomoy bout manush Allar kalam hunar lagi tan ḳandat aia ṭelaṭeli lagaila.

Injil 3: Luk 8:11

“Te i kichchar mani oilo, i danor zala oilo Allar kalam.

Injil 3: Luk 8:21

Isae zuaf dila, “Amar ma-bai to era-u, zera Allar kalam hunoin ar amol ḳoroin.”

Injil 4: Hannan 15:3

Te ami tumrare ze kalam talim disi, erlagi to tumra ag taki-u saṭa oia saf-sutra oiso.

Injil 4: Hannan 17:17

Tumi tarare tumar hok dia ḳas hishabe raḳo. Tumar kalam-u oilo ou hok.

Injil 4: Hannan 17:19

Ami tarar lagi nizore ḳas ḳori raḳsi, zate tarare-o hok dia ḳas hishabe raḳa oy.

Injil 5: Sahabi Nama 10:33

Erlagi ami zoldi kori afnare anat manush faṭailam. Afne toshrif anchoin dekia kub kushi oilam. Oḳon amra hoḳol Allar samne azir asi, Allae afnare zeta hukum ḳorsoin, amra hokkolta zanmu.”

Injil 5: Sahabi Nama 13:48

O-Ihudi oḳole ita hunia kushi oila ar malikor kalamor tarif ḳorla; ar zoto manshore Allae aḳeri zindegi hasilor lagi fosond ḳori raḳsila, tara iman anla.

Injil 5: Sahabi Nama 16:14

Ar erar maze Tuatira ṭaunor Ludia namor o-Ihudi Allaraia eḳ beṭi manush asla, ein baingoni rongor ḳandani kafoṛor ḳarbar ḳorta. Tain amrar boyan hunat asla, ar Mabude tan dilor duar kulia dilaila, zate tain Paulusor boyan dil dia hunoin.

Injil 5: Sahabi Nama 17:11

Tisholonikir Ihudi oḳol taki Biroya ṭaunor Ihudi oḳol bout kula-mela asla. Tara Allar kalam hunia kub gorzi oia kobul ḳorla, ar Pauluse zeta talim dira ita hasa ki na deḳar lagi tara forteḳ din Asmani Kitab kulia milaita.

Injil 5: Sahabi Nama 17:32

Murda oḳol hirbar zinda oia uṭba ikan hunia ḳeu ḳeu asha-ashi korlo, ar ḳeu ḳeu ḳoilo, “Afnar i befarḳan amra aroḳbar hunmu.”

Injil 5: Sahabi Nama 2:41

Tan boyan hunia zera iman anla tara toubar gusol ḳorla, onuman tin azar manush i din ummot oḳlor loge shorik oila.

Injil 5: Sahabi Nama 8:14

Zeruzalemor sahabi oḳole zebla hunla, Shomoriar manush oḳole Allar kalamor ufre iman anchoin, teu tara Fitor ar Hannanre erar gese faṭaila.

Injil 6: Ruman 10:17

Te deḳa zar, Allar kalam hunle iman ae, ou kalam oilo, al-Mosir befare toblig.

Injil 8: 2-Korintia 3:18

Aynar samne zela forda saṛa muk shorashori deḳa zae, oula amra hoḳol-u al-Mosir nurani mohima deki deki aro beshi mohima-ala bonia tan laḳan mohima-ala oiram. Amrar Malik Isa, mani Pak Ruhur kudroti bole-u ila or.

Injil 9: Galatia 4:14

Amar bemaror dae tumrar ḳoshṭo oile-o, tumra to gin ba ela ḳoria amare falaiso na. Borong Allar kunu firista ba Isa al-Mosire zelaḳan kobul ḳortae, ou laḳan amare-o kobul ḳorso.

Injil 12: Kolosia 1:6

I kush-ḳobri duniar hoḳolbae sitria bala folala oia din din baṛer. Ze din tone tumra ou kush-ḳobri ar Allar rohomotor befare furafur huncho, ou din tone-u itae tumrar bitre-o furafur ḳam ḳorer.

Injil 19: Ibrani 4:12

Allar kalam to zinda ar bolala ḳamla, duio gala darail toluaror saite-o beshi darala. I kalame fuṛ ḳoria manshor bitre hamaia dil-ruh, aḍḍi-gustre algae, ar dilor bitoror niot-sinta hokkoltare forikka ḳoria deḳe.

Injil 19: Ibrani 4:2

Amrar gese zela kush-ḳobri toblig kora oise, Boni Israilor gese-o oula toblig kora oisil, i kush-ḳobri hunia tarar kunu fayda oise na, ḳaron tara ita hunle-o iman anche na.

Injil 20: Iakub 1:18

Tain nizor kushie amrare hok kalam dia tan bonda banaisoin, amra zanu ashraful moḳlukat, shrisṭir shera manush oi.

ꠁꠘ꠆ꠎꠤꠟ ২১: ১-ꠙꠤꠔꠞ 1:23

Ze bis nosṭo oizae, tumrar zonom to ila bisor nae. Borong zeta nosṭo oy na, ota taki-u tumrar noya zonom oise. Ou bis oilo Allar siroḳalin zinda kalam.

ꠁꠘ꠆ꠎꠤꠟ ২১: ১-ꠙꠤꠔꠞ 1:25

ḳali Allar kalam roy siroḳal. Ar ou kalam-u oilo kush-ḳobri, zeta tumrar gese toblig kora oise.

ꠁꠘ꠆ꠎꠤꠟ ২১: ১-ꠙꠤꠔꠞ 2:2

Geda huruttaintor dudor fiasor laḳan tumra ḳaṭi ruhani dudor kiali o, ar ou dud ḳaia ḳaia zanu tumra boṛo oia nazat fao.

ꠁꠘ꠆ꠎꠤꠟ ২২: ২-ꠙꠤꠔꠞ 3:2

Ami sairam, fobitro nobi oḳole age zotota bataisoin, ar amrar toraneala malike tumrar gesor sahabi oḳlor mazdi ze hukum disoin, ota mono raḳo.

Injil 23: 1-Hannan 3:3

Ar zoto manshe al-Mosir ufre ila asha ḳore, tara nizore al-Mosir laḳan ḳaṭi bananit roy.