ইঞ্জিল ১৩: ১-থিষল: 1:6 - Siloṭi Asmani Kitab (Latin lipi)

⁶ Tumra bout zulum-mosibotor maze-o Pak Ruhur deoa kushie amrar toblig kobul ḳoria, amrar ar malikor fote solrae.

Siloṭi Asmani Kitab (Nagri lipi)

⁶ ꠔꠥꠝꠞꠣ ꠛꠃꠔ ꠎꠥꠟꠥꠝ-ꠝꠍꠤꠛꠔꠞ ꠝꠣꠎꠦꠅ ꠙꠣꠇ ꠞꠥꠢꠥꠞ ꠖꠦꠅꠀ ꠈꠥꠡꠤꠄ ꠀꠝꠞꠣꠞ ꠔꠛꠟꠤꠉ ꠇꠛꠥꠟ ꠇꠞꠤꠀ, ꠀꠝꠞꠣꠞ ꠀꠞ ꠝꠣꠟꠤꠇꠞ ꠙꠕꠦ ꠌꠟꠞꠣꠄ।

ছিলটি আছমানি কিতাব (বাংলা লিপি)

⁶ তুমরা বউত জুলুম-মছিবতর মাজেও পাক রুহর দেওয়া খুশিয়ে আমরার তবলিগ কবুল করিয়া, আমরার আর মালিকর পথে চলরায়।

ইঞ্জিল ১৩: ১-থিষল: 1:6 Iomraidhean Croise

ꠁꠘ꠆ꠎꠤꠟ ১: ꠝꠕꠤ 16:24

Bade tain erare ḳoila, “Ḳeu zudi amar torikat aito sae, te he tar nizor kushie sola bad deuk, tar afon duk-koshṭor solib boia loia amar ḳore auk.

Injil 4: Hannan 8:12

Bade Hozrot Isae manshore ḳoila, “Ami-u duniar nur. Ze zon amar fote ae, he kunu shomoy andarit fao falaito nae, borong nuror zindegi faibo.”

Injil 5: Sahabi Nama 13:52

Ar hinor ummot oḳol kushie ar Pak Ruhe furafur kamil oila.

Injil 5: Sahabi Nama 5:41

Teu sahabi oḳole, Isar namor lagi beijjoti kamanir zuka oisoin gotike kushi oia furti kori kori mozlis taki bar oia gela.

Injil 5: Sahabi Nama 9:31

Hi shomoy Ehudia, Galil ar Shomoria elaḳar zomat oḳol shantir maze toiar oilo, i zomat oḳol Mabudor ḍore ar Pak Ruhur isharae soli soli bout forimane baṛlo.

Injil 6: Ruman 15:13

Te dilor maze asha deora Allae imanor bole, tumrare hoḳol laḳan kushi-bashi ar shantir maze habuḍubu ḳaoaukka. Teu Allai Pak Ruhur kudrotie tumrar asha-borosha baia foṛbo.

Injil 7: 1-Korintia 11:1

Te ami zela al-Mosir laḳan soliar, tumra-o oula amar laḳan solo.

Injil 7: 1-Korintia 11:2

O bai oḳol, tumra amar deoa talim mono rakia solrae, ar hoḳol befare-u amare iad raḳrae, erlagi ami tumrar tarif ḳoriar.

Injil 7: 1-Korintia 4:16

Oḳon ami tumrare minot ḳoria ḳoiar, ami zela soli, tumra-o ola solo.

Injil 8: 2-Korintia 6:10

Bout dukor maze-o amra hamesha kushi-bashi asi. Amra nize gorib oia-o boutre doni banaisi. Amrar to kunta-u nai, tebou hokkoltar malik. Ou laḳan amra forman ḳorsi, amra Allar kezmotḳari.

Injil 8: 2-Korintia 8:5

Amra zotoḳan asha ḳorslam, tara er saite-o beshi dan ḳorsoin. Ḳali ikan nae, tara foyla nizore Malik Isar ato shofisoin, bade Allar morzie amrar gese-o shofa oisoin.

Injil 9: Galatia 5:22

Oile Pak Ruhe sola zindegir fol oilo mohobbot, kushi-bashi, shanti, sobor ḳora, doyalu bab, bala-manshi kora, hok-halali roa,

Injil 10: Ifisia 5:1

Tumra to Allar mayar aolad, te fut zela bafor laḳan oy, tumra-o ola o.

Injil 11: Filifia 3:17

Bai oḳol, tumra kilan zindegi kaṭaitae, ita to ami hikaisi. Tumra amar laḳan solo, ar ou laḳan zara sole, tarare dekia hiko.

ইঞ্জিল ১৪: ২-থিষল: 1:4

Amra to Allar zomat oḳlor samne tumrare loia boṛai koriar, ḳaron oto zulum-mosibot ar duk-koshṭo faia-o tumra sobor ḳorso ar imane ṭikia roiso.

ইঞ্জিল ১৪: ২-থিষল: 3:7

Huno, amrar laḳan ḳemne soltae, ita to tumra zano-u. Amra zebla tumrar loge roitam, ou shomoy to kunuzat kuṛiami korsi na,

ইঞ্জিল ১৪: ২-থিষল: 3:9

Oile amra zen tumrar ges taki shaijjo nibar odikar nai, ila to nae, ta-o amra ola ḳoria deḳaisi, zate tumra-o amrar laḳan solo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:2

Tumi Allar kalam toblig koro, shomoy-oshomoy kunta nai, hamesha toblig koro, kub beshi doijjo doria talim deo ar manshor oforad deḳai deo, tarare hushiar ḳoro ar buzao.

Injil 19: Ibrani 10:34

Tumrar mazor zera zel ḳaṭisla, tarar duke tumra-o duki oislae. Tumrar don-samana luṭ-faṭ ḳora oile-o kushi aslae, ashole buztae farslae, tumrar lagi aro bout bala bala samana zoma ase, ze samana siroḳal roibo.

ꠁꠘ꠆ꠎꠤꠟ ২১: ১-ꠙꠤꠔꠞ 1:6

Zudio ḳoy dinor lagi nanan zat forikkar mazdi tumra oḳon duk-koshṭo ḳorrae, ta-o ou nazator ashae to tumrar mon kushie bora.

ꠁꠘ꠆ꠎꠤꠟ ২১: ১-ꠙꠤꠔꠞ 1:8

Zudio al-Mosire tumra deḳso na, tebou tumra tanre mohobbot ḳorrae. Ar oḳono tanre souke na deḳle-o, kushi oia tanre ekin ḳorrae, i kushi to bashae ḳoa zae na, ita ḳali behesti kushi.

ꠁꠘ꠆ꠎꠤꠟ ২১: ১-ꠙꠤꠔꠞ 3:13

Tumra zudi bala bala ḳamor ashik o, te ḳe tumrar ḳeti korbo?

Injil 25: 3-Hannan 1:11

O mayar dust, tumi bod ḳamor ḳoredi na douṛaia borong nek kam ḳoro. Ze manshe nek kam ḳore he oilo Allar bonda, ar zegie bod ḳam ḳore, he to Allar doroshon faise na.