ইঞ্জিল ১৩: ১-থিষল: 1:5 - Siloṭi Asmani Kitab (Latin lipi)

⁵ Amrar kush-ḳobrir toblig kam to tumrar gese ḳali mukor ḳota-u roise na, borong Allai bol, Pak Ruhu, ar nichchit boroshar ufre salu oise. Tumrar balair lagi amra zebla tumrar loge roitam, ou shomoy kilan solchi, ita to tumra zano-u.

Siloṭi Asmani Kitab (Nagri lipi)

⁵ ꠀꠝꠞꠣꠞ ꠈꠥꠡ-ꠈꠛꠞꠤꠞ ꠔꠛꠟꠤꠉ ꠇꠣꠝ ꠔ ꠔꠥꠝꠞꠣꠞ ꠉꠦꠍꠦ ꠈꠣꠟꠤ ꠝꠥꠈꠞ ꠇꠕꠣꠃ ꠞꠁꠍꠦ ꠘꠣ, ꠛꠞꠋ ꠀꠟ꠆ꠟꠣꠁ ꠛꠟ, ꠙꠣꠇ ꠞꠥꠢꠥ, ꠀꠞ ꠘꠤꠌ꠆ꠌꠤꠔ ꠜꠞꠡꠣꠞ ꠃꠙꠞꠦ ꠌꠣꠟꠥ ꠅꠁꠍꠦ। ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠀꠝꠞꠣ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁꠔꠣꠝ, ꠅꠃ ꠡꠝꠄ ꠇꠤꠟꠣꠘ ꠌꠟꠍꠤ, ꠁꠔꠣ ꠔ ꠔꠥꠝꠞꠣ ꠎꠣꠘꠃ।

ছিলটি আছমানি কিতাব (বাংলা লিপি)

⁵ আমরার খুশ-খবরির তবলিগ কাম তো তুমরার গেছে খালি মুখর কথাউ রইছে না, বরং আল্লাই বল, পাক রুহ, আর নিচ্চিত ভরসার উপরে চালু অইছে। তুমরার ভালাইর লাগি আমরা যেবলা তুমরার লগে রইতাম, অউ সময় কিলান চলছি, ইতা তো তুমরা জানোউ।

ইঞ্জিল ১৩: ১-থিষল: 1:5 Iomraidhean Croise

Injil 2: Markus 16:20

Bade sahabi oḳole hoḳol zagat gia toblig korla. Hozrot Isae erar mazdi kam ḳorla, ar erare keramoti kamor takkot dia forman deḳaila, era zeta toblig korra, ita hasa. Amin.

Injil 3: Luk 1:1

Mohamainno Tiofilas, Afnar to zana ase, amrar maze zeta zeta goṭise, ita zera foyla taki-u nizor souke deḳsoin ar toblig-o ḳorsoin, erar mukor ḳota hunia balamonte shomzia hari, bout mumine leḳat lagsoin.

Injil 5: Sahabi Nama 11:21

Ar Allae tan kudroti bole tarare shaijjo ḳorla, teu bout manush iman ania tan muki oila.

Injil 5: Sahabi Nama 16:14

Ar erar maze Tuatira ṭaunor Ludia namor o-Ihudi Allaraia eḳ beṭi manush asla, ein baingoni rongor ḳandani kafoṛor ḳarbar ḳorta. Tain amrar boyan hunat asla, ar Mabude tan dilor duar kulia dilaila, zate tain Paulusor boyan dil dia hunoin.

Injil 5: Sahabi Nama 2:33

Allar ḍainor toḳto boibar takkot tanre-u deoa oise, gaibi bafor oada ḳora Pak Ruhu tain-u faisla, ar oḳon afnara zeta deḳra ar hunra ita tain-u ḳorsoin.

Injil 6: Ruman 1:16

Ḳaron Hozrot Isa al-Mosir befare kush-ḳobri toblig korte ami kunu shorom mono ḳori na, ou kush-ḳobri hunia zera iman ane, tarar zan basanir lagi iṭa oilo Allai bol. Foyla Boni Israilor lagi zera eḳ Alla manoin, bade be-din bin zati oḳlor lagi.

Injil 6: Ruman 15:13

Te dilor maze asha deora Allae imanor bole, tumrare hoḳol laḳan kushi-bashi ar shantir maze habuḍubu ḳaoaukka. Teu Allai Pak Ruhur kudrotie tumrar asha-borosha baia foṛbo.

Injil 6: Ruman 2:16

Te Allae zedin Isa al-Mosir mazdi hoḳol manshor lukail amolor bisar ḳorba, hou din-u ita zair oibo. Ar ami oḳon ze kush-ḳobri toblig koriar, ou mafik-u bisar oibo.

Injil 7: 1-Korintia 1:24

Oile Boni Israil oukka ba Iunani oukka, Allar daoti bonda oḳlor gese ou al-Mosi-u oila Allai aḳol ar Allai bol.

Injil 7: 1-Korintia 10:33

Ami zela hoḳol nomunar manshore hoḳol befare kush raḳar sesṭa ḳori, tumra-o oula ḳorio. Ami to nizor shartor sinta ḳori na, shob manshor balair sesṭa ḳori, zate tara nazat hasil ḳoroin.

Injil 7: 1-Korintia 3:16

Tumra zano na ni, tumra oilae Allar Kaba gor, tumrar maze tan Pak Ruhu boshot ḳoroin?

Injil 7: 1-Korintia 3:6

Ami bis lagaisi, Apollose fani disoin, ar Allae itare boṛo ḳorsoin.

Injil 7: 1-Korintia 4:20

Allar bashshai to mat-ḳotar befar nae, ita oilo kudroti kemotar befar.

Injil 7: 1-Korintia 9:14

Ṭik olaḳan Malik Isar hukum ase, zara kush-ḳobri toblig koroin, tara zanu ou ḳamor usillae ḳaoa-finda fain.

Injil 8: 2-Korintia 3:6

Allar loge milonor noya usillar ḳota zananir lagi, tain-u amrare i kezmoti gun dan ḳorsoin. I usilla to okkore okkore shoriot manar befar nae, borong Pak Ruhur forisalonae dilor iman-akidar befar. Ḳaron okkore mout, ar ruhe zindegi.

Injil 9: Galatia 2:2

Allai hukume ami hono gelam. Gia honor baiainre ḳoilam, oinnainno zatir gese ami kun kush-ḳobri toblig kori. Oile zomator murobbi oḳolre ita niralae ḳoilam, amar sinta asil, amar oto douṛor ḳam zate beḳama na zae.

Injil 9: Galatia 5:5

Oile amrare dindar ḳoia kobul ḳora oibo, imane ou nichoyota faia Pak Ruhur bole amra bar sairam.

Injil 10: Ifisia 2:10

Amra to Alla Pakor ator foyda. Tain al-Mosir ummot hishabe amrare hirbar noya ḳori foyda ḳorsoin, zate amra nek kam ḳori. Ou nek kam tain age taki-u ṭik koria raḳsila zate amra ola zindegi kaṭai.

Injil 10: Ifisia 3:20

Ashole Allar ze kudroti bole amrar dilor maze ḳam ḳore, hou bolor usillae amrar sinta-babna ba saoa-faoa taki aro bout beshi kam tain ḳorta faroin.

Injil 11: Filifia 2:13

Buzrae ni, Allae tumrar dilor maze ola eḳ bab dan ḳorsoin, ita amol ḳorle tain kushi oin, ou amol ḳorar niot ar takkot-o tain tumrare disoin.

Injil 11: Filifia 4:9

Tumra amar ges taki ze talim faiso, zeta huncho, zeta deḳso, ar zeta kobul ḳorso ota oḳon amol ḳoro. Teu shanti deora Alla-o tumrar loge loge roiba.

Injil 12: Kolosia 2:2

Ami sairam, tarar dilo borosha faia mohobbote eḳ ouk. Ar furafur aḳole aḳoldar bonia nichchit ouk. Teu Allar lukail batuni bed buzbo, mani al-Mosire tara sinbo.

ইঞ্জিল ১৩: ১-থিষল: 2:13

Mono rakio, amra hamesha Allar shukria adae ḳorram, ḳaron amrar ges taki Allar kalam hunia tumra zebla iman anchilae, hou shomoy kunu manshor mukor ḳota nae, borong Allar kalam hishabe-u tumra ita kobul ḳorsilae, ar hasau ita Allar kalam. Tumra zera iman ancho, hou kalame-u tumrar dilo ḳam ḳorer.

ইঞ্জিল ১৪: ২-থিষল: 2:14

Amra ze kush-ḳobri toblig korsi, er usillae nazat faoar lagi Allae tumrare fosond ḳorsoin, zate tumra amrar Malik Isa al-Mosir mohimat shorik o.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:10

Allae zerare fosond ḳoria alog korsoin, tarar lagi ami hokkolta shoijjo ḳoriar, zate al-Mosir usillae tara nazat fain, loge siroḳalin gourob-mohima-o fain.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:8

Isa al-Mosir befare tumi oḳan mono rakio, tanre murda taki zinda ḳora oisil, tain oila Bashsha Daud nobir bongshodor, amar ḳoa kush-ḳobrir maze-o ikan ase.

Injil 19: Ibrani 10:22

Erlagi ao, imanor mazdi amra furafur nichchit bonia ḳaṭi dile Allar dorbaro azir oi; ḳaron dushi bibeḳor at taki amrar dilre al-Mosir loue fak-saf banaise, ar forishkar fani dia amrare naoail oise.

Injil 19: Ibrani 6:11

Amrar kub ichcha oilo, tumra forteḳ zone-u hesh forzonto eḳoi laḳan ḳam ḳorat aguai aibae, zate tumrar asha fura oy.

ꠁꠘ꠆ꠎꠤꠟ ২১: ১-ꠙꠤꠔꠞ 1:12

Oile Allae tarare deḳaia disoin, tara zeta bataira ita dia tarar nizor kezmot na ḳoria, tumrar kezmot ḳorra. Asman taki faṭail Pak Ruhu dia, zera tumrar gese al-Mosir befare kush-ḳobri toblig korsoin, tara tumrare nobi oḳlor ḳota-u zanaisoin. Firista oḳole-o ita befar zanar lagi kiali.

ꠁꠘ꠆ꠎꠤꠟ ২১: ১-ꠙꠤꠔꠞ 1:3

Hou Alla Pakor tarif ouk, zein amrar Malik Isa al-Mosir Mabud ar gaibi baf. Tain Isa al-Mosire mora taki zinda ḳoria, tan moha doyae amrare noya zonom dan ḳorsoin, ete amra eḳ zinda asha faisi.

ꠁꠘ꠆ꠎꠤꠟ ২১: ১-ꠙꠤꠔꠞ 5:3

Tumrar aotae zera ase, erar ufre musoddori korio na, borong falor raḳali koria tarar gese nomuna bono.

ꠁꠘ꠆ꠎꠤꠟ ২২: ২-ꠙꠤꠔꠞ 1:10

Erlagi bai oḳol huno, Allae zen hasau tumrare daot disoin ar fosond ḳorsoin, ita nichchit ḳorar lagi aro beshi kiali o. Ila ḳorle tumra kunu shomoy usṭa ḳaitae nae.

ꠁꠘ꠆ꠎꠤꠟ ২২: ২-ꠙꠤꠔꠞ 1:19

Ar amrar lagi aro boṛo forman oilo, Pak Kitabo nobi oḳole zotota batai gesoin. Andarir maze tumrar souk zelaḳan rushnir bae taḳe, ṭik olaḳan zoto shomoy bian oise na ar tumrar dilo fozoror shuk-tera uṭse na, oto shomoy tumra nobi oḳlor ḳotae kiali o, teu tumrar bala oibo.