ইঞ্জিল ১৩: ১-থিষল: 1:3 - Siloṭi Asmani Kitab (Latin lipi)

³ Imanor lagi tumra ze ḳam ḳorrae, mohobbotor lagi tumra ze menot ḳorrae ar Hozrot Isa al-Mosir ufre asha-borosha ḳoria tumra ze sobor ḳorrae, ita amrar gaibi baf Allar dorbaro dua ḳorar shomoy hamesha mono ḳori.

Siloṭi Asmani Kitab (Nagri lipi)

³ ꠁꠝꠣꠘꠞ ꠟꠣꠉꠤ ꠔꠥꠝꠞꠣ ꠎꠦ ꠇꠣꠝ ꠇꠞꠞꠣꠄ, ꠝꠢꠛ꠆ꠛꠔꠞ ꠟꠣꠉꠤ ꠔꠥꠝꠞꠣ ꠎꠦ ꠝꠦꠘꠔ ꠇꠞꠞꠣꠄ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠀꠡꠣ-ꠜꠞꠡꠣ ꠇꠞꠤꠀ ꠔꠥꠝꠞꠣ ꠎꠦ ꠍꠛꠞ ꠇꠞꠞꠣꠄ, ꠁꠔꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠣꠞ ꠡꠝꠄ ꠢꠣꠝꠦꠡꠣ ꠝꠘꠅ ꠇꠞꠤ।

ছিলটি আছমানি কিতাব (বাংলা লিপি)

³ ইমানর লাগি তুমরা যে কাম কররায়, মহব্বতর লাগি তুমরা যে মেনত কররায় আর হজরত ইছা আল-মসীর উপরে আশা-ভরসা করিয়া তুমরা যে ছবর কররায়, ইতা আমরার গাইবি বাফ আল্লার দরবারো দোয়া করার সময় হামেশা মনো করি।

ইঞ্জিল ১৩: ১-থিষল: 1:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 29:20

Teu Iakube Rahelar lagi shat boros gulami korla. Rahelare mohobbot ḳorta ḳori, ita eḳo boros tan gese eḳ dinor homan mono oilo.

Injil 4: Hannan 14:15

“Tumra zudi amare maya ḳoro, te amar hoḳol hukum-ahkam amol ḳorio.

Injil 4: Hannan 15:10

Ami amar bafor hoḳol hukum-ahkam mania zela tan mayar maze roisi, tumra-o oula amar hukum-ahkam manle amar mayar maze roibae.

Injil 5: Sahabi Nama 10:31

tain ḳoila, ‘Kornilus, Allae tumar dua kobul ḳorsoin. Ar tumar dan-ḳoyrat-o kobul ḳorsoin.

Injil 5: Sahabi Nama 3:19

Erlagi afnara mon firaukka ar Allar muki oukka, zate afnaintor guna oḳol fusia saf ḳora oy.

Injil 6: Ruman 12:12

Samnor furuskaror ashae hamesha kushi-bashi koro, duḳ-mosiboto sobor ḳoro, hor-hamesha munazat ḳorat ro.

Injil 6: Ruman 15:13

Te dilor maze asha deora Allae imanor bole, tumrare hoḳol laḳan kushi-bashi ar shantir maze habuḍubu ḳaoaukka. Teu Allai Pak Ruhur kudrotie tumrar asha-borosha baia foṛbo.

Injil 6: Ruman 15:4

Te agor Asmani Kitabo zotota leḳa oise, ita to amrare-u talim dibar lagi leḳa oise, zate ota dekia amrar sobor ar shantona ae, ar asha-borosha fai.

Injil 6: Ruman 16:26

oile oḳon ita duniar hoḳol zatir gese zair or. Siroḳalin zinda Allar hukume, agor zomanar nobi oḳole zeta lekia raḳsila, ota zair or, zate tara al-Mosir ufre iman ania Alla Pakor baiddo oin. Erlagi ou kush-ḳobri oḳon toblig kora or.

Injil 6: Ruman 16:6

Ar hou Moriom Bibire-o salam zanaio, zein tumrar lagi bout menot ḳorsoin.

Injil 6: Ruman 2:7

Zera doijjo doria nek kamor mazdi Allai tarif, ijjot, ar koyhin zindegi tallash ḳore, Allae tarare-u aḳeri zindegi dan ḳorba.

Injil 7: 1-Korintia 13:13

Buzrae ni, iman, asha, ar mohobbot, ou tino don hor-hamesha roibo, itar maze mohobbot-u hoḳol taki boṛo.

Injil 7: 1-Korintia 15:58

Te, O amar mayar baiain, tumra imane mozbut o, zate kuntae tumrare alaito na fare. Malikor kezmotor lagi nizore hor-hamesha furafur bilai deo, tumra to zano, tan lagi menot ḳorle i menot kunumonte-u beḳama zae na.

Injil 8: 2-Korintia 2:17

Nizor labor lagi zela bout zone Allar kalam loia bebsha ḳore, amra to itar laḳan nae. Amra borong Allar faṭail zon hishabe shorol mone al-Mosir name Allare azir-nazir rakia toblig koriar.

Injil 9: Galatia 1:4

Amrar gaibi baf Alla Pakor munshae, hou Isae amrar gunar mafir lagi nizor fobitro zan kurbani disoin, zate ou ḳaraf zomanar at taki amrare basaita faroin.

Injil 9: Galatia 5:13

O bai oḳol, Allae tumrare fosond ḳoria anchoin azad oar lagi. Oile azad bonia tumrar dilor gunar ḳaish furanit lagio na, borong dilor mohobbote eḳe-oinnor kezmot ḳoro.

Injil 9: Galatia 5:6

Isa al-Mosir ummot bonia harle mosolmani kam ḳoraile-o zeta, na ḳoraile-o ota. Borong mohobbotor mazdi ze iman zair oy, ou iman-u oilo asol.

Injil 9: Galatia 6:9

Nek kam ḳorat lagia amra zanu nirash na oi. Hamesha lagia roile ṭik shomoye er foshol faimu.

ইঞ্জিল ১৩: ১-থিষল: 3:6

Oile Timoti bai tumrar ges taki firia aia amrare zanaisoin, tumrar iman ar maya-mohobbotor halot bout bala. Tain ḳoisoin, tumra hamesha maya-mohobbote amrare mono ḳoro, ar amra zela tumrare deḳtam sairam, tumra-o oula amrare deḳar asha ḳorrae.

ইঞ্জিল ১৪: ২-থিষল: 1:11

Erlagi amra hamesha tumrar lagi dua ḳori, amrar Allae zanu tumrare tan daotor zuka mono ḳoroin, tan ḳemotar bole tumrar hoḳol nek kamor asha furon ḳoroin, ar iman ania hari tumra zeta ḳam ḳorrae, i kam-o zanu tain fura ḳoroin.

ইঞ্জিল ১৪: ২-থিষল: 1:3

Bai oḳol, amra hamesha tumrar lagi Allar shukria adae ḳora zorur. Tumrar imani bol bout baṛer ar eḳe-oinne maya-mohobbot-o baia foṛer, erlagi amra shukria adae ḳora dorḳar.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14

Amrar munibe amare ḳoto boṛo meherbani korsoin, Isa al-Mosir torika kobul ḳorle ze iman ar mohobbot foyda oy, ita to amare furafur dan ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:3

Ita to amrar toraneala Allar nozoro nek kam, itae tain kushi oin.

Injil 19: Ibrani 10:36

Tumra mozbut roa dorḳar, zate Allae ze furuskar diba ḳori oada ḳorsoin, tan morzi mafik solia tumra-o hou furuskar fao.

Injil 19: Ibrani 11:17

Ibrahim nobi forikkat foṛia hari imanor bole-u tan fua Isʼhakre kurbani disla. Ze Ibrahimor loge Allae nize oada ḳorsoin, hou zone tan ḳas mayar futre kurbani dilaita saisoin.

Injil 19: Ibrani 13:21

Hoḳol nek kamor tofik deukka, tan morzi zugaia solar, ar tain zeta fosond ḳoroin, dilo otar eshki deukka, Isa al-Mosir zoriae, en mohima hor-hamesha rouk, Amin.

Injil 19: Ibrani 4:11

Te ao, amra-o hi aramor maze hamanir lagi kas dile aguai, zate hou naforman Boni Israilor laḳan Allar hukumor birudde gia, i aram taki bad na foṛi.

Injil 19: Ibrani 6:15

Ibrahime oula bout lamba shomoy sobor ḳoria Allar oadar fol faila.

ꠁꠘ꠆ꠎꠤꠟ ২১: ১-ꠙꠤꠔꠞ 3:4

Borong ze shundor kunudin nosṭo oito nae, hou nomunae sola-fira ar shantir ḳaislot dia nizor dilre hazao. Allar nozoro ota-u to moha dami.

Injil 23: 1-Hannan 3:18

Baba oḳolre, amra ḳali mukor maya na deḳaia, ḳamor mazdi zanu asol mohobbot deḳai.

Injil 23: 1-Hannan 3:21

Erlagi koiram, O shuna oḳol, amrar afon dile zudi amrare dushi shaibosto na ḳore, te shaosh ḳoria Allar dorbaro azira ditam farmu.

Injil 23: 1-Hannan 3:3

Ar zoto manshe al-Mosir ufre ila asha ḳore, tara nizore al-Mosir laḳan ḳaṭi bananit roy.

Injil 23: 1-Hannan 5:3

Allar hukum-ahkam mania sola-u oilo Allare mohobbot ḳora. Ar tan hukum-ahkam mana to kub ḳoṭin kunu ḳam nae.

Injil 27: Zaira Kalam 2:19

Ami to tumrar ḳam-ḳaz, tumrar maya-mohobbot, iman, kezmot ar tumrar soboror ḳota zani. Ar eoḳan-o zani, tumra age zeta ḳam ḳorso, oḳon er taki aro beshi kam ḳorrae.

Injil 27: Zaira Kalam 3:10

Tumrare sobor ḳorar lagi ami ze hukum dislam ita tumra mancho; erlagi i duniar ufre mosibotor ze shomoy aia azer, hou shomoy taki ami tumrare hefazot ḳormu. Duniar manshore forikka ḳorar lagi ou mosibotor shomoy aibo.