ইঞ্জিল ১৩: ১-থিষল: 1:1 - Siloṭi Asmani Kitab (Latin lipi)

¹ Ami Paulus, bai Silas ar Timotie Tisholoniki ṭaunor zomator gese leḳram. Tumra amrar gaibi baf Alla Pak ar Hozrot Isa al-Mosir afon zon oiso. Tumrar ufre rohomot ar shanti nazil ouk.

Siloṭi Asmani Kitab (Nagri lipi)

¹ ꠀꠝꠤ ꠙꠣꠃꠟꠥꠍ, ꠜꠣꠁ ꠍꠤꠟꠣꠍ ꠀꠞ ꠔꠤꠝꠕꠤꠄ ꠕꠤꠡꠟꠘꠤꠇꠤ ꠐꠣꠃꠘꠞ ꠎꠝꠣꠔꠞ ꠉꠦꠍꠦ ꠟꠦꠈꠞꠣꠝ। ꠔꠥꠝꠞꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠀꠙꠘ ꠎꠘ ꠅꠁꠍ। ꠔꠥꠝꠞꠣꠞ ꠃꠙꠞꠦ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠅꠃꠇ।

ছিলটি আছমানি কিতাব (বাংলা লিপি)

¹ আমি পাউলুছ, ভাই সিলাছ আর তিমথিয়ে থিষলনিকি টাউনর জমাতর গেছে লেখরাম। তুমরা আমরার গাইবি বাফ আল্লা পাক আর হজরত ইছা আল-মসীর আপন জন অইছো। তুমরার উপরে রহমত আর শান্তি নাজিল অউক।

ইঞ্জিল ১৩: ১-থিষল: 1:1 Iomraidhean Croise

Injil 5: Sahabi Nama 15:22

Teu sahabi oḳol, zomator murobbi oḳol, ar zomator hoḳol am manshe eḳmot oila, tarar nizor maz taki koyzonre fosond ḳoria Paulus ar Barnabasor loge Antiokiat faṭai diba. Ou tara Silas ar Ehuda urfe Barshabba namor ou dui murobbire fosond ḳorla.

Injil 5: Sahabi Nama 15:27

Amra Ehuda ar Silasre-o faṭailam, tara ita muke muke-o zanaiba.

Injil 5: Sahabi Nama 15:40

ar Pauluse Silasre fosond ḳoria, Antiokiar mumin oḳlor zoriae Mabudor rohomotor ato shofa oia roana dila.

Injil 5: Sahabi Nama 16:19

Oile tair munib oḳole tarar lab fuṛaigelo dekia, Paulus ar Silasre doria ṭania shodoro loia gela.

Injil 5: Sahabi Nama 16:25

Ada raitkur bala Paulus ar Silase Allar hamd-gozol gaite gaite dua ḳorat asla, zelor ḳoydi oḳole ḳan fatia tarar gozol hunla.

Injil 5: Sahabi Nama 16:29

Teu ofisare eḳzonre batti anar hukum dia, tain douṛaia gia bitre hamaila, ar ḍoror suṭe ḳafi kafi Paulus ar Silasor faot foṛla;

Injil 5: Sahabi Nama 17:11

Tisholonikir Ihudi oḳol taki Biroya ṭaunor Ihudi oḳol bout kula-mela asla. Tara Allar kalam hunia kub gorzi oia kobul ḳorla, ar Pauluse zeta talim dira ita hasa ki na deḳar lagi tara forteḳ din Asmani Kitab kulia milaita.

Injil 5: Sahabi Nama 18:5

Hozrot Silas ar Timoti Makidonia taki aia harle, Pauluse ḳali Allar kalamor toblig korta. Tain Ihudi oḳolre buzaita, Hozrot Isa-u oila al-Mosi mani Allar ḳas fosond ḳora zon.

Injil 5: Sahabi Nama 19:22

Bade tain Timoti ar Irastas namor tan duio ḳadimre Makidoniat faṭaia, nize aro ḳoydin Asiya desho roila.

Injil 5: Sahabi Nama 20:4

Ar Biroya ṭaunor Furosor fua Sufatos, Tisholonikir Aristakus ar Sikundos, Dorbi shohoror Gous, Timoti, ar Asiya deshor Tukik ar Tofim, era hokkol Paulusor loge gela.

Injil 6: Ruman 1:7

Te ou Rum ṭauno Allar zoto mayar bonda oḳol asoin, Allae tan pak bonda oar lagi zerare daot ḳoria anchoin, tumra hoḳlor gese ami ou siṭikan leḳram. Amrar gaibi baf Alla Pak ar Hozrot Isa al-Mosie tumrare rohomot ar shanti dan ḳoroukka.

Injil 7: 1-Korintia 1:2

Korint ṭaunor Allar zomator manshor gese, mani tumrar gese leḳram. Hozrot Isa al-Mosir torika kobul ḳorae Allae tumrare fak-fobitro ḳorsoin ar tan afon bonda oibar lagi daot disoin. Tumrar gese ar oinnainno zagar zoto manshe amrar Hozrot Isa al-Mosire malik koia manoin, tara hoḳlor gese amra ou siṭikan leḳram. Tain tarar-o malik, amrar-o malik.

Injil 8: 2-Korintia 1:1

Ami Paulus, Alla Pakor morzi mafik Hozrot Isa al-Mosir eḳzon sahabi. Korint ṭaunor Isayi zomat ar asta Gris deshor maze Allar zoto pak bonda oḳol boshot ḳoroin, erar gese ami ar amrar mumin bai Timotie ou sohifaḳan leḳram.

Injil 8: 2-Korintia 1:19

Ami, Silas, ar bai Timotie tumrar gese zar ḳota toblig korsi, hou Isa al-Mosi-u oila Allar ḳas mayar zon Ibnulla, tain eḳbar “Oy” ar eḳbar “Na” nae, tain to hoḳol shomoy-u “Oy.”

Injil 9: Galatia 1:2

Ami ar amar logor hoḳol mumin baiainte milia, Galatia deshor Isayi zomat oḳlor gese ou sohifaḳan leḳram.

Injil 9: Galatia 1:22

Ou shomoy Ehudia zilar Isayi zomat oḳole-o amare sinta na.

Injil 10: Ifisia 1:2

Amrar gaibi baf Alla Pake ar Hozrot Isa al-Mosie afnara hoḳlor ufre rohomot ar shanti nazil ḳoroukka.

Injil 11: Filifia 1:1

Ami Paulus ar Timoti oilam Hozrot Isa al-Mosir gulam. Ou Filifi ṭauno boshot ḳorra, ze pak bonda oḳole Hozrot Isa al-Mosir ufre iman anchoin erare, erar ustad oḳolre ar ḳadimdar oḳlor gese leḳram.

Injil 12: Kolosia 1:1

Ami Paulus, Alla Pakor morzie Hozrot Isa al-Mosir eḳzon sahabi. Kolosi ṭaunor maze al-Mosir torikar pak bonda ar mumin oḳlor gese ami ar bai Timotie ou sohifaḳan leḳram. Amrar gaibi baf Alla Pake tumrar ufre rohomot ar shanti nazil ḳoroukka.

ইঞ্জিল ১৪: ২-থিষল: 1:1

Amrar gaibi baf Alla Pak ar Hozrot Isa al-Mosir loge shorik, Tisholoniki ṭaunor zomator gese ami Paulus, bai Silas ar Timotie ou sohifaḳan leḳram.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:2

Mumin hishabe amar ḳas aolad, Timotir gese leḳram. Gaibi baf Alla Pake ar amrar Malik Isa al-Mosie tumare rohomot, meherbani ar shanti dan ḳoroukka.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:2

Ami amar mayar aolad Timotir gese leḳram. Gaibi baf Allae ar amrar Malik Isa al-Mosie tumare rohomot, meherbani ar shanti dan ḳoroukka.

Injil 19: Ibrani 13:23

Huno, amrar bai Timotie ḳalas faisoin, tain zudi shomoy moto amar ono ain, te ami tumrar gese aoar shomoy tane loge loia aimu.

ꠁꠘ꠆ꠎꠤꠟ ২১: ১-ꠙꠤꠔꠞ 5:12

Ou siṭikan ami Silas mohrir sabredi kub ḳom ḳotae tumrar gese leḳaisi, ami tanre hok-halal bai mono ḳori. Ami sairam Allar ḳas rohomotor ou shakki hunia tumrar shaosh baṛouk, ar tumra ono tir oia ro.

Injil 23: 1-Hannan 1:3

Ou ze zonre amra deḳsi, zan mukor buli hunchi, tan befare-u tumrare ḳoiram. Zate ota hunar bade amrar loge tumrar-o ḳatir-dusti oy. Amrar ou ḳatir oilogi, gaibi baf Alla Pak ar tan ḳas mayar zon Ibnulla Isa al-Mosir loge.

Injil 26: Ehuda 1:1

Ami Ehuda to sahabi Iakubor bai ar Hozrot Isa al-Mosir gulam. Amrar gaibi baf Alla Pake zerare mohobbot ḳoroin, zera Allai daot faisoin, ar Isa al-Mosie zerar hefazot ḳoroin, ou sohifaḳan ami erar gese leḳram.