ꠁꠘ꠆ꠎꠤꠟ ২১: ১-ꠙꠤꠔꠞ 3:21 - Siloṭi Asmani Kitab (Latin lipi)

²¹ I fani oilo al-Mosir name torikabondir eḳṭa nishana, zetae oḳon tumrar zan base. Torikabondie tumrar shorilor moyla saf oy na, ḳali Allar dorbaro saf dilor shae dey. Hozrot Isa al-Mosi mora taki zinda oia uṭae tumrar zan base,

Siloṭi Asmani Kitab (Nagri lipi)

²¹ ꠁ ꠙꠣꠘꠤ ꠅꠁꠟ ꠀꠟ-ꠝꠍꠤꠞ ꠘꠣꠝꠦ ꠔꠞꠤꠇꠣꠛꠘ꠆ꠖꠤꠞ ꠄꠇꠐꠣ ꠘꠤꠡꠣꠘꠣ, ꠎꠦꠔꠣꠄ ꠅꠈꠘ ꠔꠥꠝꠞꠣꠞ ꠎꠣꠘ ꠛꠣꠌꠦ। ꠔꠞꠤꠇꠣꠛꠘ꠆ꠖꠤꠄ ꠔꠥꠝꠞꠣꠞ ꠡꠞꠤꠟꠞ ꠝꠄꠟꠣ ꠍꠣꠚ ꠅꠄ ꠘꠣ, ꠈꠣꠟꠤ ꠀꠟ꠆ꠟꠣꠞ ꠖꠞꠛꠣꠞꠅ ꠍꠣꠚ ꠖꠤꠟꠞ ꠡꠣꠄ ꠖꠦꠄ। ꠢꠎꠞꠔ ꠁꠍꠣ ꠀꠟ-ꠝꠍꠤ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠃꠑꠣꠄ ꠔꠥꠝꠞꠣꠞ ꠎꠣꠘ ꠛꠣꠌꠦ,

ছিলটি আছমানি কিতাব (বাংলা লিপি)

²¹ ই পানি অইলো আল-মসীর নামে তরিকাবন্দির একটা নিশানা, যেতায় অখন তুমরার জান বাচে। তরিকাবন্দিয়ে তুমরার শরিলর ময়লা ছাফ অয় না, খালি আল্লার দরবারো ছাফ দিলর সায় দেয়। হজরত ইছা আল-মসী মরা থাকি জিন্দা অইয়া উঠায় তুমরার জান বাচে,

ꠁꠘ꠆ꠎꠤꠟ ২১: ১-ꠙꠤꠔꠞ 3:21 Iomraidhean Croise

ꠁꠘ꠆ꠎꠤꠟ ১: ꠝꠕꠤ 28:19

Erlagi tumra gia tamam zatir manshore amar ummot banao. Behesti baba Alla Pak, tan ḳas mayar zon Ibnulla, ar Pak Ruhur name manshore torikar gusol ḳorao.

Injil 2: Markus 16:16

Ze manshe iman ania toubar gusol ḳore, he-u rehai faibo. Ze manshe iman anto nae, he Allar dorbaro dushi bonia shaza faibo.

Injil 4: Hannan 13:9

Teu Saimon-Fitore ḳoila, “Huzur, te ḳali fao nae, amar mata ar at-o doaia deukka”.

Injil 5: Sahabi Nama 16:33

Ar hou rait-u tain Paulus ar Silasre loia gia tarar shorilor ḳaṭa-sira doia dila, bade tain ar tan baṛir hoḳole loge loge toubar gusol ḳorla.

Injil 5: Sahabi Nama 2:38

Fitore zuaf dila, “Mon firaukka, afnara hoḳole gunar mafir lagi Isa al-Mosir name toubar gusol ḳoroukka, teu afnara dan hishabe Pak Ruhu faiba.

Injil 5: Sahabi Nama 22:16

Oḳon ar deri korrae ḳene? Uṭo, tane ḍaḳo, ar toubar gusol ḳoria tumar hoḳol guna doia falao.’

Injil 5: Sahabi Nama 8:36

Foto zaite zaite tara faniala eḳ zagat aia fosla, teu hi kazanchie ḳoila, “Ou deḳoukka ono fani ase, te ami toubar gusol ḳorte kunu bada ase ni?”

Injil 6: Ruman 5:14

Ta-o Baba Adom taki Musa nobir amol forzonto zera Adomor laḳan shorashori Allar hukumre bangise na, tarar ufre-o moute beṭagiri korse. Te kunu kunu ḳarone Baba Adomor loge, bade toshrif ana ou al-Mosir-o mil asil.

Injil 7: 1-Korintia 12:13

Amra Boni Israil oi ba bin zati oi, azad ba gulam oi, ou eḳoi Pak Ruhe hoḳlor torikabondi oise eḳ shoril oar lagi. Hoḳole-u to ou eḳoi Pak Ruhu faisi.

Injil 7: 1-Korintia 4:6

Bai oḳol, tumrar balair lagi ami amar nizor ar Apollosor udahoron dia tumrare ḳoilam, zate tumra amrar ges taki ou talim neo, Asmani Kitabo zeta leḳa ase, itar bare zaoa ṭik nae. Te tumra eḳzonre toia areḳzonre loia boṛai korio na.

Injil 8: 2-Korintia 1:12

Amra zeta loia gourob ḳoriar, amrar bibeḳe-o ola ḳoy, Allar deoa fobitro ar shorol mon loia hoḳol manshor maze zindegi kaṭaisi, ḳas ḳori tumrar maze-u ḳaṭaisi. I zindegi amra duniabi aḳol-hekmote nae, ḳali Allar rohomotor bole ḳaṭaisi.

Injil 8: 2-Korintia 7:1

O mayar bai oḳol, ou oada oḳol to amrar lagi-u ḳora oise, te ao amra shorilor ar dilor nafaki dur ḳoria nizore fak-saf ḳori, ar Allar ḍor-ḳofe furafur fak-fobitro zindegir fote soli.

Injil 9: Galatia 3:27

Tumra zara al-Mosir torika kobul ḳorso, tumra to finnor noya ḳafoṛor laḳan al-Mosir bitre hamaigeso.

Injil 10: Ifisia 5:26

Tan kial oilo, tain zomatre fobitro ḳorar lagi, tan kalamor mazdi manshore torikar gusol ḳoraia,

Injil 12: Kolosia 2:12

Toubar gusolor mazdi al-Mosir loge tumrare-o maṭi deoa oisil, ar zein al-Mosire murda taki zinda ḳorsoin, hou Allar kudroti bole imanor mazdi tumrare-o al-Mosir loge zinda ḳora oise.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5

Borong shoṭik talimor fol oilo, maya-mohobbot, ita to ḳaṭi dil, forishkar bibeḳ ar hasaror iman taki foyda oy.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:12

Imani laṛai korat ro. Aḳerator ze zindegir lagi Alla Pake tumare daot disoin, hou zindegire tumi mozbut ḳori doro. Tumi to imani shakki dislae bout manshor samne.

Injil 19: Ibrani 10:22

Erlagi ao, imanor mazdi amra furafur nichchit bonia ḳaṭi dile Allar dorbaro azir oi; ḳaron dushi bibeḳor at taki amrar dilre al-Mosir loue fak-saf banaise, ar forishkar fani dia amrare naoail oise.

Injil 19: Ibrani 11:19

Ibrahimor dilor ou ekine tain kurbani dite razi oisla zen, Allae to murdare-o zinda ḳorta faroin. Ar hasau moutor tol taki Isʼhakre firot faila.

Injil 19: Ibrani 13:18

Amrar lagi dua ḳorio. Amra to zani, amrar bibeḳ saf-sofa ase, hokkol befare hok fote soltam sai.

Injil 19: Ibrani 9:14

Te zein hor-hameshakur zinda ruhur mazdia, be-guna kurbani oia tan nizor zanre Allar name shofia dilaisoin, hi al-Mosir loue amrar dilre nafaki kam-ḳaz taki aro ḳoto beshi forimane fak-saf ḳorbo, zate amra zinda Allar ebadot-bondegi kortam fari.

Injil 19: Ibrani 9:24

Ar al-Mosi to hou nishanar zinishor laḳan, manshor ator banail kunu Herem Shorifo hamaisoin na, tain ḳali asol behesto hamaisoin, zate amrar nazator lagi Allar samne oḳon azir oita faroin.

ꠁꠘ꠆ꠎꠤꠟ ২১: ১-ꠙꠤꠔꠞ 1:3

Hou Alla Pakor tarif ouk, zein amrar Malik Isa al-Mosir Mabud ar gaibi baf. Tain Isa al-Mosire mora taki zinda ḳoria, tan moha doyae amrare noya zonom dan ḳorsoin, ete amra eḳ zinda asha faisi.

ꠁꠘ꠆ꠎꠤꠟ ২১: ১-ꠙꠤꠔꠞ 3:16

Oile i zuaf norom shure dio. Tumrar dil saf rakio, Isayi ummot hishabe zera tumrar bala sal-cholonor ninda ḳore, tara zanu shorminda oy.