ꠁꠘ꠆ꠎꠤꠟ ২১: ১-ꠙꠤꠔꠞ 3:15 - Siloṭi Asmani Kitab (Latin lipi)

¹⁵ borong al-Mosire nizor dilo malik hishabe kobul ḳoro. Tumrar asha-borosha zudi keu zanto sae, te tar zuaf dibar lagi hamesha zuit roio.

Siloṭi Asmani Kitab (Nagri lipi)

¹⁵ ꠛꠞꠋ ꠀꠟ-ꠝꠍꠤꠞꠦ ꠘꠤꠎꠞ ꠖꠤꠟꠅ ꠝꠣꠟꠤꠇ ꠢꠤꠡꠣꠛꠦ ꠇꠛꠥꠟ ꠇꠞꠅ। ꠔꠥꠝꠞꠣꠞ ꠀꠡꠣ-ꠜꠞꠡꠣ ꠎꠥꠖꠤ ꠇꠦꠃ ꠎꠣꠘꠔ ꠌꠣꠄ, ꠔꠦ ꠔꠣꠞ ꠎꠥꠀꠙ ꠖꠤꠛꠣꠞ ꠟꠣꠉꠤ ꠢꠣꠝꠦꠡꠣ ꠎꠥꠁꠔ ꠞꠁꠅ।

ছিলটি আছমানি কিতাব (বাংলা লিপি)

¹⁵ বরং আল-মসীরে নিজর দিলো মালিক হিসাবে কবুল করো। তুমরার আশা-ভরসা যুদি কেউ জানতো চায়, তে তার জুয়াপ দিবার লাগি হামেশা জুইত রইও।

ꠁꠘ꠆ꠎꠤꠟ ২১: ১-ꠙꠤꠔꠞ 3:15 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 20:12

Oile Mabude Musa ar Harunre ḳoila, “Tumra to Boni Israilor samne amare fak-fobitro ḳoia manlae na, amar zobanor ufre borosha ḳorlae na. Erlagi ami ze deshḳan Boni Israilre dan ḳormu, tumra tarare loia hino zaitae fartae nae.”

ꠔꠃꠞꠣꠔ ৪: ꠡꠥꠝꠣꠞꠤ 27:14

Mono ase ni, Zin morubumir Kadesh elaḳar Meriba namor zagar hou fanir ḳota? Morubumit Boni Israile zebla fanir lagi amar birudita ḳorsil, tarar samne tumra-o amare fak-fobitro ḳoia na mania amar hukumor ulṭa geslae.”

Injil 5: Sahabi Nama 21:39

Pauluse zuaf dila, “Sab, ami eḳzon Ihudi, Kilikiar Tarsho shohoror manush, ami zeta mone ḳoy ita ṭaunor manush nae. Ami afnare minot ḳorram, doya ḳori manshor gese amare matar shuzugkan deukka.”

Injil 5: Sahabi Nama 24:25

Pauluse zebla hok fote sola, nizore domaia raḳa, ar Hashoror bisaror ḳota boyan ḳorla, Filikse ita hunia ḍoraigela. Ḍoraia ḳoila, “Tumi oḳon zaogi, shomoy shuzug oile ami tumare ḳobordi anaimu.”

Injil 12: Kolosia 1:23

Te al-Mosir befare kush-ḳobri taki ze nichchit asha tumra faiso, ḳali ou ashar ufre imane tir roio, in taki loṛio na. Tumra to zano, i kush-ḳobri hara duniat toblig kora oise, ami Paulus-o ou kush-ḳobri tobligor ḳadim oisi.

Injil 12: Kolosia 1:27

Allae saisoin, bin zati oḳlor gese-o tan batuni munshar gourob ze kita, ita zenu tan hoḳol bonda oḳole zanta faroin. Ashole al-Mosi tumrar dilo asoin, gotike tumra gourob faoar asha faiso.

Injil 12: Kolosia 1:5

Tumra age ze kush-ḳobri mani Allar hok kalam faiso, ou kalam hunia-u tumrar mono eḳ asha zonmise. Ou asha taki-u tumrar iman ar maya foyda oise. Ar tumra asha ḳorrae ze saman faitae, ita to behesto raḳa ase.

Injil 12: Kolosia 4:6

Tumrar mukor zoban hamesha miṭa ar roshail ouk, zate ḳare kila zuaf ditae, ita tumra buzo.

Injil 17: Titas 1:2

Ami al-Mosir kezmot ḳoriar, aḳeri zindegi faoar ashae. Ze Allae kunu misa matoin na, hou Allae i zindegi deoar oada ḳorsoin, dunia foyda oar age-u.

Injil 19: Ibrani 3:6

Oile al-Mosi to Allar gor-shongsharor zimmadar hishabe nirbor ḳorar zuka futor laḳan asla. Oḳon amra-o zudi zarzir dilor asha ar himmot rakia mout forzonto ḳaim roi, te deḳa zaibo zen, amra-o Allar gor-shongsharor bagi oisi.

Injil 19: Ibrani 6:1

Isar befare amra foyla zeta talim faisi, aukka itare faroia amra aro agedi aguaia kamil oi. Hou foylakur talim hirbar hikar ar goroz nai, zemon naformani kam taki dilre bodlani, Allar ufre iman ana,

ꠁꠘ꠆ꠎꠤꠟ ২১: ১-ꠙꠤꠔꠞ 1:17

Allae forteḳ manshor amol-nama dekia bisar ḳoroin, ḳeur mukor bae saia bisar ḳoroin na. Erlagi tanre zudi tumra gaibi baf ḍaḳo, te zotodin tumra ou duniat musafir halote taḳbae, otodin tumra tanre ḍoraia zindegi kaṭao.

ꠁꠘ꠆ꠎꠤꠟ ২১: ১-ꠙꠤꠔꠞ 3:2

Tumrar fobitro zindegir halot dekia, ar Allar ḍor-ḳofe sola dekia tara nize-u aibo.

ꠁꠘ꠆ꠎꠤꠟ ২১: ১-ꠙꠤꠔꠞ 3:4

Borong ze shundor kunudin nosṭo oito nae, hou nomunae sola-fira ar shantir ḳaislot dia nizor dilre hazao. Allar nozoro ota-u to moha dami.