ꠁꠘ꠆ꠎꠤꠟ ২১: ১-ꠙꠤꠔꠞ 3:1 - Siloṭi Asmani Kitab (Latin lipi)

¹ Olaḳan, zamair goror hoḳol bouaintore ḳoiram, tumra zarzir zamair ḳotae solo. Zudio kunu kunu zamaie Allar kalamre dam dey na, ta-o tumrar sal-cholone zanu tarare al-Mosir bae ṭania ane. Teu i befare tumrar ekkan ḳota-o mata lagto nae.

Siloṭi Asmani Kitab (Nagri lipi)

¹ ꠅꠟꠣꠈꠣꠘ, ꠎꠣꠝꠣꠁꠞ ꠊꠞꠞ ꠢꠇꠟ ꠛꠃꠀꠁꠘ꠆ꠔꠞꠦ ꠇꠁꠞꠣꠝ, ꠔꠥꠝꠞꠣ ꠎꠣꠞꠎꠤꠞ ꠎꠣꠝꠣꠁꠞ ꠇꠕꠣꠄ ꠌꠟꠅ। ꠎꠥꠖꠤꠅ ꠇꠥꠘꠥ ꠇꠥꠘꠥ ꠎꠣꠝꠣꠁꠄ ꠀꠟ꠆ꠟꠣꠞ ꠇꠣꠟꠣꠝꠞꠦ ꠖꠣꠝ ꠖꠦꠄ ꠘꠣ, ꠔꠣ-ꠅ ꠔꠥꠝꠞꠣꠞ ꠌꠣꠟ-ꠌꠟꠘꠦ ꠎꠣꠘꠥ ꠔꠣꠞꠣꠞꠦ ꠀꠟ-ꠝꠍꠤꠞ ꠛꠣꠄ ꠐꠣꠘꠤꠀ ꠀꠘꠦ। ꠔꠦꠃ ꠁ ꠛꠦꠙꠣꠞꠦ ꠔꠥꠝꠞꠣꠞ ꠄꠇꠈꠣꠘ ꠇꠕꠣꠅ ꠝꠣꠔꠣ ꠟꠣꠉꠔ ꠘꠣꠄ।

ছিলটি আছমানি কিতাব (বাংলা লিপি)

¹ অলাখান, জামাইর ঘরর হকল বউয়াইন্তরে কইরাম, তুমরা যারযির জামাইর কথায় চলো। যুদিও কুনু কুনু জামাইয়ে আল্লার কালামরে দাম দেয় না, তা-ও তুমরার চাল-চলনে যানু তারারে আল-মসীর বায় টানিয়া আনে। তেউ ই বেয়াপারে তুমরার একখান কথাও মাতা লাগতো নায়।

ꠁꠘ꠆ꠎꠤꠟ ২১: ১-ꠙꠤꠔꠞ 3:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:16

Ar tain beṭire ḳoila, “Tumar hurutta oibar shomoy tumar mosibot kub baṛai dimu, tumi kub ḳoshṭo ḳoria hurutta foyda ḳorbae. Zamair bae tumar kub ḳaish taḳbo, ar he tumar ufre beṭagiri korbo.”

ꠁꠘ꠆ꠎꠤꠟ ১: ꠝꠕꠤ 18:15

“Tumar kunu baie zudi tumar gese dush ḳorilae, te he zebla niralae taḳe, ou shomoy tumi eḳla gia tare buzaio. Tumar buz zudi manilae, te ou bair loge tumar baiali basaililae.

Injil 6: Ruman 10:16

Oile hoḳol manshe to i kush-ḳobrire ḳano ṭai dey na. Hozrot Ishaya nobie ḳoisoin, “O Mabud, amrar toblig hunia ḳe iman anche?”

Injil 6: Ruman 6:17

Alla Pakor shukur, age zudio tumra gunar gulam aslae, ta-o Isayi torikar talim faia hari, dile-zane itar ashik oiso.

Injil 6: Ruman 7:2

Zela, zamai zotodin zita ase, otodin tar bou tar aotae banda roy, ar zamair moutor bade tar bou i bandon taki kalas fae.

Injil 7: 1-Korintia 11:3

Te ami sairam, tumra oḳan buzo, al-Mosi-u oila hoḳol beṭaintor mata, beṭain oila beṭintor mata, ar Alla Pak oila al-Mosir mata.

Injil 7: 1-Korintia 14:34

Allar pak bonda oḳlor hoḳol zomator niom-ḳanun oilo, zomator maze beṭi manush nirai roa usit, gof-shof ḳora tarar lagi ṭik nae. Shoriotor niom mafik tara odinota manouk.

Injil 7: 1-Korintia 7:16

O bou oḳol, tumi kila buzlae, tumar zamair zan tumi basaitae fartae nae? O zamai oḳol, tumi-u ba kila buzlae, tumar bour zan tumi basaitae fartae nae?

Injil 10: Ifisia 5:33

Zai ouk, tumra hoḳole-u zarzir boure nizor laḳan maya ḳorio, ar bou oḳole-o zarzir zamaire ijjot ḳora zorur.

Injil 12: Kolosia 3:18

Tumra zera bou oiso, tumra forteḳe zarzir zamair hukum mania solo, malikor bonda hishabe to ola sola zorur.

Injil 12: Kolosia 4:5

Al-Mosir torikar bairor manshor loge aḳol ḳaṭaia solio, ar toblig korar hokkol shuzug kamo lagaio.

Injil 19: Ibrani 11:8

Imanor bole Ibrahim nobie Allar hukum faia-u nizor biṭa-maṭi saṛia roana dila. Allae tanre ze desh dita ḳori oada ḳorsoin, hi deshḳan kun zagat, ikan na zania-o tain roana oigela.

Injil 19: Ibrani 5:9

ar ou laḳan roia tain zebla furafur kamil bonigela, Allae tanre Malki-Siddikor nomunae fordan imamor ḳetab dila, ou nomunae tan baiddo ummot oḳlor lagi Allai nazator fot kulia disoin.

ꠁꠘ꠆ꠎꠤꠟ ২১: ১-ꠙꠤꠔꠞ 1:22

Oḳon hok-halali mania, tumrar dilre fak-saf ḳorso ar imandar bai oḳol zebla tumrar gese mayar manush oisoin, te ami koiram, tumra eḳe-oinnore dile-zane maya ḳoro.

ꠁꠘ꠆ꠎꠤꠟ ২১: ১-ꠙꠤꠔꠞ 3:2

Tumrar fobitro zindegir halot dekia, ar Allar ḍor-ḳofe sola dekia tara nize-u aibo.

ꠁꠘ꠆ꠎꠤꠟ ২১: ১-ꠙꠤꠔꠞ 3:7

Ar zamai oḳolre-o ḳoiram, tumra bibeḳ-buddi kaṭaia bour loge solo. Tara-o to tumrar logor ḳomzur manush ar Allar rohomotor dan hishabe tara-o tumrar loge zindegi faibo. Erlagi tarare ijjot deo, zate Allar dorbaro tumrar munazat beḳama na zae.

ꠁꠘ꠆ꠎꠤꠟ ২১: ১-ꠙꠤꠔꠞ 4:17

Bisaror shomoy aichche, ar Allar fosond ḳora bonda oḳolredi-u bisar shuru oibo. Ita zudi amrar maz taki-u shuru oy, te zera Allar kush-ḳobri manche na, tarar dosha kilan oibo?