ꠁꠘ꠆ꠎꠤꠟ ২১: ১-ꠙꠤꠔꠞ 2:23 - Siloṭi Asmani Kitab (Latin lipi)

²³ Manshe tanre gali dile-o, tain firia gali disoin na. Ḳoshṭor shomoy er bodla loiba ḳoia ḍor-boy-o deḳaisoin na, borong zein hok bisar ḳoroin tan ato nizore shofi disoin.

Siloṭi Asmani Kitab (Nagri lipi)

²³ ꠝꠣꠘꠡꠦ ꠔꠣꠘꠞꠦ ꠉꠣꠟꠤ ꠖꠤꠟꠦꠅ, ꠔꠣꠁꠘ ꠚꠤꠞꠤꠀ ꠉꠣꠟꠤ ꠖꠤꠍꠂꠘ ꠘꠣ। ꠇꠡ꠆ꠐꠞ ꠡꠝꠄ ꠄꠞ ꠛꠖꠟꠣ ꠟꠁꠛꠣ ꠇꠁꠀ ꠒꠞ-ꠜꠄꠅ ꠖꠦꠈꠣꠁꠍꠂꠘ ꠘꠣ, ꠛꠞꠋ ꠎꠦꠁꠘ ꠢꠇ ꠛꠤꠌꠣꠞ ꠇꠞꠂꠘ ꠔꠣꠘ ꠀꠔꠅ ꠘꠤꠎꠞꠦ ꠡꠙꠤ ꠖꠤꠍꠂꠘ।

ছিলটি আছমানি কিতাব (বাংলা লিপি)

²³ মানষে তানরে গালি দিলেও, তাইন ফিরিয়া গালি দিছইন না। কষ্টর সময় এর বদলা লইবা কইয়া ডর-ভয়ও দেখাইছইন না, বরং যেইন হক বিচার করইন তান আতো নিজরে সপি দিছইন।

ꠁꠘ꠆ꠎꠤꠟ ২১: ১-ꠙꠤꠔꠞ 2:23 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:25

Te afnar ḳam to oula nae, hok ar gunagarre eḳloge marilaoa, eḳ homan shaza deoa, afnar lagi to ṭik nae. Zein hara duniar bisar ḳoroin, tain kunu hok insaf ḳorta nae ni?”

ꠎꠛꠥꠞ ꠡꠞꠤꠚ 10:14

Otoso tumi to duḳ-mosibot deḳrae, erar zimmadari tumar ator ḳobzae. Oshohae zone to tumar ato-u nizore shofe, tumar gese-u asroy fae etim-miskine.

ꠎꠛꠥꠞ ꠡꠞꠤꠚ 31:5

Amar ruhu tumar ato shofia dilailam, O Mabud, hok Alla, basaiso to amar zan.

ꠎꠛꠥꠞ ꠡꠞꠤꠚ 37:5

Tumar zindegir hoḳol bar Mabudor ato saṛo, tain-u salaiba hoḳolta, nichchit borosha raḳo.

ꠎꠛꠥꠞ ꠡꠞꠤꠚ 7:11

Alla pake ḳoroin hok bisar, naformanor ufre gusa ḳoroin borabor,

ꠎꠛꠥꠞ ꠡꠞꠤꠚ 96:13

Mabudor samne ola-u ḳorouk ita hoḳolta, tain to aira duniar bisar ḳorta. Zogotor bisar-foysala ḳorba hok-insafe, tamam zatir bisar-foysala ḳorba hok-halalie.

Injil 3: Luk 23:41

Ar amra to fairam amrar usit shaza, amra zelan ḳam ḳorsi oulan fairam. Oile ein to kunu dush-u ḳorsoin na.”

Injil 3: Luk 23:46

Heshe Isae zure aoaz ḳoria ḳoila, “Baba, amar ruhu tumar ato shofia dilailam.” Oḳan ḳoia-u aḳeri dom falaia inteḳal ḳorla.

Injil 3: Luk 23:9

Tain Isare bout nomunar prosno ḳorla, oile Isae itar kunu zuaf dila na.

Injil 5: Sahabi Nama 17:31

Tain to oula eḳ dino ṭik korsoin, zedin tan fosondor hokkani manshor atane din-duniar hok bisar ḳoraiba. Iṭare ekin ḳorar lagi tain hou manshore murda taki zinda ḳoria er forman-o deḳaisoin.”

Injil 5: Sahabi Nama 4:29

Oḳon O malik, tara amrare kila ḍor deḳaira, tumi kial ḳoro, tumar gulam oḳolre oula takkot deo zate, furafur shaosh ḳoria tumar kalam toblig kortam fari.

Injil 5: Sahabi Nama 7:59

Manshe zebla Stifanre fattor marra, ou shomoy tain dua ḳoria ḳoila, “O Malik Isa, amar ruhre kobul ḳoroukka.”

Injil 5: Sahabi Nama 9:1

I shomoy-o Shoule al-Mosir ummot oḳolre zane marta ḳori ḍor deḳanit roisoin. Ar Damesk shohoror Ihudir mosidainto deoar lagi tain fordan imamor ges taki siṭi saila, zoto beṭain-beṭin Isar fote soloin, tarare bandia Zeruzalemo anta ou ḳemota faoar lagi siṭi saila.

Injil 6: Ruman 2:5

Oile tumar fashan dil ar touba na ḳorar monobabor lagi, tumar ufre Allar gozob dola ḳori toirae, Allae zedin gozob zair ḳorba, hok bisar ḳorba, hou dinor lagi shaza dola ḳorrae.

Injil 10: Ifisia 6:9

Tumra zera munib, tumra-o tumrar gulam oḳlor loge oula bala bebohar ḳoro. Tarare ḍor deḳani bad deo, ḳaron tumra to zano, tara ba tumra hoḳlor-u malik eḳzon, tain behesto asoin; tan nozoro hoḳol-u shoman.

ইঞ্জিল ১৪: ২-থিষল: 1:5

Tumrare zate Allar bashshair zoiggo ḳoia gona oy, otar lagi-u tumra oto duḳ-mosibot shoijjo ḳorrae, ita oilo Allar hok-insafor forman,

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

Erlagi-u ami ola duk-koshṭo faiar, ta-o ami shorminda nae. Ḳaron ami zani, ami kar ufre borosha ḳorsi. Amar furafur ekin ase, ami tan dorbaro zeta zoma ḳorsi, itare hefazote raḳar ḳemota tan ase, al-Mosie dusrabar toshrif anar din forzonto ita roibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8

Te amar forezgarir furuskar to zoma ase, hou hok-insafḳari malike Ruz Hashoror din amare joyor mala furuskar diba. Ita ḳali amare nae, zoto manush ashik oia tan lagi bar saira, tara hoḳolre-u diba.

Injil 19: Ibrani 12:3

Te zein gunagar manshor oto boṛo dushmonire shoijjo ḳorla, tan befare sinta ḳoro, zate tumrar dilo kunu ḳomzuri ba nirasha na ae.

ꠁꠘ꠆ꠎꠤꠟ ২১: ১-ꠙꠤꠔꠞ 3:9

Oinnayor bodla oinnae ḳorio na, ḳeu gali dile firia gali dio na. Borong tarar lagi dua saio, ola solar lagi-u Allae tumrare daot disoin, ila ḳorle tumra rohomot faibae.

ꠁꠘ꠆ꠎꠤꠟ ২১: ১-ꠙꠤꠔꠞ 4:19

Oile Allar morzie zera duk-koshṭo ḳorer, tara nek kam ḳori kori nizor zanre hou hok-halal foyda ḳorrar ato shofi deuk.

Injil 27: Zaira Kalam 19:11

Bade ami deḳlam, behestor duar kula, ar hono dola eḳṭa guṛa ase. Hou guṛar ufre zein toshrif raḳsoin, tan nam oilo, hok ar hok-halali. Tain fak-forezgarie bisar-insaf ar zuddo ḳoroin.