ꠁꠘ꠆ꠎꠤꠟ ২১: ১-ꠙꠤꠔꠞ 1:8 - Siloṭi Asmani Kitab (Latin lipi)

⁸ Zudio al-Mosire tumra deḳso na, tebou tumra tanre mohobbot ḳorrae. Ar oḳono tanre souke na deḳle-o, kushi oia tanre ekin ḳorrae, i kushi to bashae ḳoa zae na, ita ḳali behesti kushi.

Siloṭi Asmani Kitab (Nagri lipi)

⁸ ꠎꠥꠖꠤꠅ ꠀꠟ-ꠝꠍꠤꠞꠦ ꠔꠥꠝꠞꠣ ꠖꠦꠈꠍ ꠘꠣ, ꠔꠦꠛꠃ ꠔꠥꠝꠞꠣ ꠔꠣꠘꠞꠦ ꠝꠢꠛ꠆ꠛꠔ ꠇꠞꠞꠣꠄ। ꠀꠞ ꠅꠈꠘꠅ ꠔꠣꠘꠞꠦ ꠌꠃꠈꠦ ꠘꠣ ꠖꠦꠈꠟꠦꠅ, ꠈꠥꠡꠤ ꠅꠁꠀ ꠔꠣꠘꠞꠦ ꠄꠇꠤꠘ ꠇꠞꠞꠣꠄ, ꠁ ꠈꠥꠡꠤ ꠔ ꠜꠣꠡꠣꠄ ꠇꠅꠀ ꠎꠣꠄ ꠘꠣ, ꠁꠔꠣ ꠈꠣꠟꠤ ꠛꠦꠢꠦꠡ꠆ꠔꠤ ꠈꠥꠡꠤ।

ছিলটি আছমানি কিতাব (বাংলা লিপি)

⁸ যুদিও আল-মসীরে তুমরা দেখছো না, তেবউ তুমরা তানরে মহব্বত কররায়। আর অখনও তানরে চউখে না দেখলেও, খুশি অইয়া তানরে একিন কররায়, ই খুশি তো ভাষায় কওয়া যায় না, ইতা খালি বেহেস্তি খুশি।

ꠁꠘ꠆ꠎꠤꠟ ২১: ১-ꠙꠤꠔꠞ 1:8 Iomraidhean Croise

ꠁꠘ꠆ꠎꠤꠟ ১: ꠝꠕꠤ 10:37

“Ze manshe ama taki tar ma-bafre beshi maya ḳore, he amar ummot oito farto nae. Ar ze zone ama taki tar fuare ba tar fuṛire beshi maya ḳore, he-o amar ummotor zuka nae.

Injil 4: Hannan 14:15

“Tumra zudi amare maya ḳoro, te amar hoḳol hukum-ahkam amol ḳorio.

Injil 4: Hannan 14:21

Ze zone amar hukum-ahkam sine ar amol ḳore, he-u amare maya ḳore. Ar ze zone amare maya ḳore, amar gaibi baf Allae-o tare maya ḳorba. Ami-o tare maya ḳormu, ar amar nizore tar gese zair ḳormu.”

Injil 4: Hannan 14:24

Oile ze zone amare maya ḳore na, he kunumonte-u amar ḳotae sole na. Ami tumrare zeta ḳoilam, ita amar mukor ḳota nae, zein amare bezisoin hou bafor ḳota.

Injil 4: Hannan 16:22

Ou laḳan tumra-o oḳon duk-koshṭo ḳorrae, oile hirbar zebla tumrar loge amar deḳa oibo, hou shomoy kushie tumrar dil borizibo, i kushi keu ḳaṛia nito farto nae.

Injil 4: Hannan 20:29

Isae tanre ḳoila, “Tumas, amare deḳso ḳori tumi iman anlae ni? Huno, doinno tara, zera na dekia-o amar ufre iman ane.”

Injil 4: Hannan 8:42

Isae tarare ḳoila, “Ashole-u Alla zudi tumrar gaibi baf oita, te amar bae tumrar maya taḳlo one. Ḳaron ami Allar ges taki aisi ar oḳon tumrar maze asi. Ami nize aisi na, tain-u amare faṭaisoin.

Injil 5: Sahabi Nama 16:34

Ar tarare tan nizor goro nia ḳana ḳaite dila. Baṛir hoḳole mili Allar ufre iman ania bout kushi oila.

Injil 6: Ruman 14:17

Allar bashshai to ḳali kana-finar lagi nae, borong Allai Pak Ruhe deoa forezgari, shanti ar kushi-bashir befar.

Injil 6: Ruman 15:13

Te dilor maze asha deora Allae imanor bole, tumrare hoḳol laḳan kushi-bashi ar shantir maze habuḍubu ḳaoaukka. Teu Allai Pak Ruhur kudrotie tumrar asha-borosha baia foṛbo.

Injil 7: 1-Korintia 16:22

Malik Isare zudi keu mohobbot na ḳore, te tar ufre lannot foṛouk. Marana ta! Mani, O amrar malik, toshrif anoukka!

Injil 8: 2-Korintia 1:22

Tan nizor don hishabe amrare sil-sappoṛ maria raḳsoin, ar tain zeta amrare dibar oada ḳorsoin, itar foyla kishti hishabe amrar dilor maze Allai Pak Ruhu dan ḳorsoin.

Injil 8: 2-Korintia 12:4

Meraz Shorifo nia harle tan loge bout batchit ḳora oise, ita batchit manshore hunani ṭik nae.

Injil 8: 2-Korintia 4:18

Soukdi zeta deḳa zae, amra to itar bae sairam na, borong zeta deḳa zae na, otar bae sairam. Souke zeta deḳa zae, ita to tuṛa ḳoydinor, oile zeta deḳa zae na, ita siroḳalor.

Injil 8: 2-Korintia 5:7

Amra to sokur deḳa kuntar boroshae soli na, ḳali imanor bole-u soli.

Injil 8: 2-Korintia 9:15

Allar ze danor ḳota mukdi koia fuṛanir shaiddo nai, hou danor lagi tan tarif ouk.

Injil 9: Galatia 5:22

Oile Pak Ruhe sola zindegir fol oilo mohobbot, kushi-bashi, shanti, sobor ḳora, doyalu bab, bala-manshi kora, hok-halali roa,

Injil 9: Galatia 5:6

Isa al-Mosir ummot bonia harle mosolmani kam ḳoraile-o zeta, na ḳoraile-o ota. Borong mohobbotor mazdi ze iman zair oy, ou iman-u oilo asol.

Injil 10: Ifisia 3:19

Ou ze mohobbot furafur buzar oshaiddo, ami dua ḳoriar, i mohobbotre zanu tumra sino, sinia hari tumra-o Allai hoḳol nomunar gunagun hasil ḳoria furafur kamil o.

Injil 10: Ifisia 6:24

Amrar Hozrot Isa al-Mosir lagi zarar dilo ḳaṭi mohobbot ase, era hoḳlor ufre Allar rohomot nazil ouk. Amin.

Injil 11: Filifia 1:25

Ar ou monobole ami bala ḳori zani, ami basmu ar tumrar loge roimu, zate tumrar iman aro mozbut oia tumrar kushi baṛe.

Injil 11: Filifia 3:3

Ashole amra-u oilam ḳaṭi mosolmani korail manush, amra to Isa al-Mosir name gourob ḳori, Allar ruhur bole tan ebadot ḳori, shorili kunu ebadotor ufre borosha ḳori na.

Injil 11: Filifia 4:4

Malik Isar name tumra hamesha kushi-bashi koro. Ami hirbar ḳoiram, kushi-bashi koro.

Injil 19: Ibrani 11:1

Iman kita? Amra zeta faimu ḳori asha ḳorsi, ita oḳon na faile-o bade faimu-u faimu, ou ekinor nam-u iman. Ou imanor bole-u amra nichchit oia buzi, oḳon zeta amrar souke deḳram na, ita ashole-o ase.

Injil 19: Ibrani 11:27

Imanor bole tain Mishor taki baroi gela, bashshar gusare-o ḍoraila na. Niraḳar Allare dekilaisoin, oula mono ḳoria-u tain sobor ḳori roila.

ꠁꠘ꠆ꠎꠤꠟ ২১: ১-ꠙꠤꠔꠞ 1:6

Zudio ḳoy dinor lagi nanan zat forikkar mazdi tumra oḳon duk-koshṭo ḳorrae, ta-o ou nazator ashae to tumrar mon kushie bora.

ꠁꠘ꠆ꠎꠤꠟ ২১: ১-ꠙꠤꠔꠞ 2:7

Ar tumra iman anae, tumrar gese hou fattor moha dami oigese. Oile zera iman anche na, tarar belae kitabor ou ḳota-u ḳaṭe: Raz mestoir oḳole ze fattorre beḳama ḳoia falai disil, oḳṭa dia-u goror ian kuṭi oilo.

ꠁꠘ꠆ꠎꠤꠟ ২১: ১-ꠙꠤꠔꠞ 5:4

Teu hou fordan raḳal Isae zebla duniat hirbar toshrif anba, ou shomoy tumra furuskar hishabe ola eḳ joyor mala faibae zeta kunudin binash oito nae.