ꠁꠘ꠆ꠎꠤꠟ ২১: ১-ꠙꠤꠔꠞ 1:5 - Siloṭi Asmani Kitab (Latin lipi)

⁵ Tumra furafur nazat na faoa forzonto, Allai shoktie imanor mazdi tumrare hefazote raḳa oise. Ou nazat ṭik kora oise, aḳerator shomoy zair oar lagi.

Siloṭi Asmani Kitab (Nagri lipi)

⁵ ꠔꠥꠝꠞꠣ ꠙꠥꠞꠣꠙꠥꠞ ꠘꠣꠎꠣꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠀꠟ꠆ꠟꠣꠁ ꠡꠇ꠆ꠔꠤꠄ ꠁꠝꠣꠘꠞ ꠝꠣꠎꠖꠤ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠞꠣꠈꠣ ꠅꠁꠍꠦ। ꠅꠃ ꠘꠣꠎꠣꠔ ꠑꠤꠇ ꠇꠞꠣ ꠅꠁꠍꠦ, ꠀꠈꠦꠞꠣꠔꠞ ꠡꠝꠄ ꠎꠣꠁꠞ ꠅꠀꠞ ꠟꠣꠉꠤ।

ছিলটি আছমানি কিতাব (বাংলা লিপি)

⁵ তুমরা পুরাপুর নাজাত না পাওয়া পর্যন্ত, আল্লাই শক্তিয়ে ইমানর মাজদি তুমরারে হেফাজতে রাখা অইছে। অউ নাজাত ঠিক করা অইছে, আখেরাতর সময় জাইর অওয়ার লাগি।

ꠁꠘ꠆ꠎꠤꠟ ২১: ১-ꠙꠤꠔꠞ 1:5 Iomraidhean Croise

ꠎꠛꠥꠞ ꠡꠞꠤꠚ 37:28

Mabude to bala fain hok insaf, tain nizor ashikanre ḳoroin na to tiag. Naformanor binash oibo siroḳalor lagi, tarar bongsho-buniad miṭizibo dunia taki.

Injil 4: Hannan 12:48

Ze zone amare mane na ar amar ḳota hune na, tar bisaror lagi to eḳzon asoin. Ami tare ze ḳota ḳoisi, ou ḳotae-u kiamotor din tare dushi shaibosto ḳorbo.

Injil 4: Hannan 17:15

Ami tumar gese abdar ḳorram na, tumi tarare dunia taki nitaegi, borong ou abdar ḳorram, tumi tarare Iblisor at taki hefazot ḳoro.

Injil 4: Hannan 4:14

Oile amar deoa fani ze ḳaibo, tar kunu shomoy-u fias lagto nae. Borong i fani tar dilor maze zornar laḳan utlia uṭbo ar aḳeri zindegi dan ḳorbo.”

Injil 4: Hannan 5:24

“Ami afnarare hasa ḳota ḳoiram, ze zone amar kalam hune ar zein amare faṭaisoin tan ufre iman ane, he to aḳeri zindegi failise. Tare ar dushi shaibosto ḳora oito nae. He to mout taki zindegit faṛi dilaise.

Injil 6: Ruman 11:20

Ikan ṭik ase, oile iman na anar ḳarone-u to tarare ḳaṭia falail oise, ar iman anae tumare hono lagail oise. Te tumi-o beṭagiri na deḳaia Allare ḍorao.

Injil 6: Ruman 8:18

Baiainre, amra bade ze mohima faimu, itar tulonae oḳonkur i duk-koshṭo kunta-u nae, ita to ami zani.

Injil 7: 1-Korintia 1:21

Allae tan nizor aḳol dia foysala ḳorsoin, zate duniae zanu tar aḳol dia tanre sinto na fare. Erlagi be-aḳolir ou kush-ḳobri tobligor mazdi Allae mumin oḳlor zan basaita saila.

Injil 8: 2-Korintia 1:24

Amra nizore tumrar imanor malik mono ḳorram na, borong tumrare kushi-bashie raḳar lagi tumrar loge roia ḳam ḳorram. Ḳaron tumra imane mozbut aso.

Injil 9: Galatia 2:20

Te dorilao, amare al-Mosir loge gaso loṭḳaia zane mara oise. Ami ar zinda nae, amar ḳayar maze al-Mosi-u zinda asoin. Ou ḳayae oḳon ze zindegi kaṭairam, iṭa Allar ḳas mayar zonor ufre imanor bole ḳaṭairam. Tain amare mohobbot ḳoria, amare toranir lagi nizor zan kurbani disoin.

Injil 10: Ifisia 2:8

Allar rohomote iman anae tumra nazat faiso. Ita tumrar nizor kunu amolor fol nae, ḳali Allar deoa dan.

Injil 10: Ifisia 3:17

ar imanor usillae al-Mosie tumrar dil furafur doḳol ḳoroin. Ami dua ḳori, tumra zanu Isa al-Mosir mohobbotor maze furafur ḍub dia tir ro.

Injil 11: Filifia 1:6

Ami ekin ḳori, ze Allae tumrar dilor maze ou nek kam shuru ḳorsoin, al-Mosie dusrabar toshrif ana forzonto, ou Allae i kam fura ḳorba.

Injil 11: Filifia 4:7

Teu Allar deoa ze shantir ḳota manshe sinta-o ḳorto fare na, Isa al-Mosir mazdi ou shanti aia tumrar dil ar monre roikka ḳorbo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:15

Tumi to huruman tone-u Allar kalamor talim faiso, ar ou kalame-u tumare Isa al-Mosir ufre iman anar usillae, nazat hasilor fot batai dibo.

Injil 17: Titas 2:13

Erloge amrar dilor forom asha furonor lagi bar sai, Allatala ar toraneala Isa al-Mosir shan-mohima zair oar kushi-bashi furonor lagi bar sai.

Injil 19: Ibrani 6:12

Ou laḳan ḳamo aguaite tumrar alshi na ae; borong imane ar sobre zera Allar oada ḳora borkot hasil ḳorsoin, tumra-o tarar laḳan oizao.

Injil 19: Ibrani 9:28

Ṭik ou laḳan, bout manshor gunar buza boibar lagi al-Mosire-o ḳali eḳbar-u kurbani deoa oise. Tain dusrabar toshrif anba, oile gunar kofora bonar lagi aita nae. Ḳali zera ashik oia tan lagi bar sar, tarare furafur nazat ḳorar lagi dusrabar aiba.

ꠁꠘ꠆ꠎꠤꠟ ২১: ১-ꠙꠤꠔꠞ 1:13

Erlagi tumrar monre hozag koro ar nizore shamlaia raḳo. Al-Mosi zair oar bade ze rohomot tumra faibae, ou rohomoti nazat faoar lagi furafur asha loia tumra bar sao.

ꠁꠘ꠆ꠎꠤꠟ ২১: ১-ꠙꠤꠔꠞ 4:13

Borong tumra al-Mosir ḳoshṭor bagi oirae ḳori kushi koro, zate tan mohima zair oar shomoy-o tumra amud-furtie kushi-bashi kortae faro.

ꠁꠘ꠆ꠎꠤꠟ ২১: ১-ꠙꠤꠔꠞ 5:1

Oḳon zomator murobbi oḳolre ḳoiram, ami-o to eḳzon murobbi, ami nizor souke al-Mosir duk-koshṭo deḳsi, ar tan ze mohima zair oibo, ou mohimat-o shorik oimu. Ami minot ḳori koiram,

ꠁꠘ꠆ꠎꠤꠟ ২২: ২-ꠙꠤꠔꠞ 1:3

Zein tan nizor mohima ar gune amrare daot disoin, tanre furafur sinar mazdi tan kudrote amra ola niamot faisi, zate amra forezgar bonia zindegi kaṭai.

Injil 23: 1-Hannan 3:2

O shuna oḳol, oḳon to amra Allar aolad bonchi, erbade kita bonmu, ikan oḳono zani na. Ḳali zani, al-Mosi zebla dusrabar zair oiba, hou shomoy amra-o tan laḳan oimu. Amra to tanre tan asol surote deḳar shuzug faimu.

Injil 26: Ehuda 1:1

Ami Ehuda to sahabi Iakubor bai ar Hozrot Isa al-Mosir gulam. Amrar gaibi baf Alla Pake zerare mohobbot ḳoroin, zera Allai daot faisoin, ar Isa al-Mosie zerar hefazot ḳoroin, ou sohifaḳan ami erar gese leḳram.

Injil 26: Ehuda 1:24

Ar ze Allae tumrare usṭa ḳaoa taki basain, zein nikut halote tumrare kushi-bashie tan shan-tozollir samne azir ḳorta faroin,