ꠁꠘ꠆ꠎꠤꠟ ২১: ১-ꠙꠤꠔꠞ 1:4 - Siloṭi Asmani Kitab (Latin lipi)

⁴ Mani amra ola eḳ donor asha faisi, ze don kunudin nosṭo oito nae, hara zibon noya taḳbo, ermaze ḳaraf kunta taḳto nae. Nazator i don tumrar lagi behesto raḳa oise.

Siloṭi Asmani Kitab (Nagri lipi)

⁴ ꠝꠣꠘꠤ ꠀꠝꠞꠣ ꠅꠟꠣ ꠄꠇ ꠗꠘꠞ ꠀꠡꠣ ꠙꠣꠁꠍꠤ, ꠎꠦ ꠗꠘ ꠇꠥꠘꠥꠖꠤꠘ ꠘꠡ꠆ꠐ ꠅꠁꠔ ꠘꠣꠄ, ꠢꠣꠞꠣ ꠎꠤꠛꠘ ꠘꠄꠀ ꠕꠣꠇꠛ, ꠄꠞ ꠝꠣꠎꠦ ꠈꠣꠞꠣꠙ ꠇꠥꠘ꠆ꠔꠣ ꠕꠣꠇꠔ ꠘꠣꠄ। ꠘꠣꠎꠣꠔꠞ ꠁ ꠗꠘ ꠔꠥꠝꠞꠣꠞ ꠟꠣꠉꠤ ꠛꠦꠢꠦꠡ꠆ꠔꠅ ꠞꠣꠈꠣ ꠅꠁꠍꠦ।

ছিলটি আছমানি কিতাব (বাংলা লিপি)

⁴ মানি আমরা অলা এক ধনর আশা পাইছি, যে ধন কুনুদিন নষ্ট অইতো নায়, হারা জীবন নয়া থাকবো, এর মাজে খারাপ কুন্তা থাকতো নায়। নাজাতর ই ধন তুমরার লাগি বেহেস্তো রাখা অইছে।

ꠁꠘ꠆ꠎꠤꠟ ২১: ১-ꠙꠤꠔꠞ 1:4 Iomraidhean Croise

ꠎꠛꠥꠞ ꠡꠞꠤꠚ 31:19

Tumar ashik bondar lagi zoma ase ḳoto doya, asroy loise zara tumar sayat aia, hoḳlor samne tarare deḳaiso tumar oto maya.

ꠁꠘ꠆ꠎꠤꠟ ১: ꠝꠕꠤ 25:34

“Erbade bashshae tan ḍain galar manshore ḳoiba, ‘Tumra zara amar batuni bafor rohom faiso, tumra ao. Ar duniar foyla taki tumrar lagi ze bashshai tiar ḳori raḳa oise, ou bashshair doḳol shomzia neo.

Injil 2: Markus 10:17

Hozrot Isa zebla bar oia roana oila, ou shomoy eḳ beṭa douṛaia aia aṭu gaṛia tan samne boia ḳoilo, “Ustad, afne to meherban. Te amare batai deukka, aḳer faoar lagi ami kita ḳortam?”

Injil 5: Sahabi Nama 20:32

Oḳon Alla ar tan rohomotor kalamor zimmae ami afnarare shofilam. Allar i kalame afnarare goṛia tulbo ar tan pak bonda oḳlor lagi oada ḳora behesti monjilo fosai dibo.

Injil 5: Sahabi Nama 26:18

Tumi tarar souk kulia dibae, tara zanu andair taki nuror bae, Shoytanor doḳol taki Allar bae firia ain, amar ufre iman ania gunar mafi faia, forezgar bonda oḳlor maze tara-o dakil oin.

Injil 6: Ruman 8:17

Amra zebla aolad, te amra mouroshi baṭ faimu. Al-Mosie Allar ges taki mouroshi baṭ faiba, ar tan loge amra-o faimu. Ḳali amra tan loge duk-koshṭo shoijjo ḳorle, tan loge gourob-mohimar-o bag faimu.

Injil 7: 1-Korintia 9:25

Douṛor ḳelat douṛaia hari manshe ola eḳ mala fae, ze mala bade nosṭo oizae, ar ou mala faoar lagi era bout ḳoṭin niom-ḳanun-o mane. Oile amra to asol okkoy mala faoar lagi ita ḳorram.

Injil 9: Galatia 3:18

Ar Allar borkot faoa zudi shoriot amolor ufre nirbor ḳorto, te oadar ufre nirbor roilo na one. Oile Allae oadar mazdi-u Ibrahimre borkot dan ḳorsla.

Injil 10: Ifisia 1:11

Allae tan nizor aḳol-insaf dia nizor morzi mafik hoḳol ḳam ḳoroin. Tan munsha mafik tain age-u zeta ṭik koria raḳsila, hou munsha mafik tain amrare-o fosond ḳorsoin al-Mosir usillae tan ḳas bonda oar lagi.

Injil 10: Ifisia 1:14

Te zeta manshore Alla Pake tan nizor shompod ḳoia ḍakisoin, erare tain eḳṭa odikar dibar oada ḳorsoin. Erlagi zotodin forzonto era furafur ḳalas na oisoin, otodin forzonto ou odikaror foyla kishti hishabe erare Pak Ruhu dan ḳorsoin. Ar ou hokkoltar mazdi Allar gourob-mohimar tarif oibo.

Injil 10: Ifisia 1:18

Ami aro munazat ḳoriar, afnarar dilor souk kuli zauk, teu Allai daot faia afnarar dilor maze ze eshki foyda oise ota aro balamonte buzba. Erloge eoḳan-o buzta farba, Allar dorbaro tan pak bonda oḳol ḳoto boṛo shompotti.

Injil 12: Kolosia 1:12

Ar hoḳol shomoy behesti baf Alla Pakor shukria zanao. Allar pak bonda oḳole nuror bashshait ze odikar faiba, itar bagi oar lagi to tain-u tumrare ufozukto banaisoin.

Injil 12: Kolosia 1:5

Tumra age ze kush-ḳobri mani Allar hok kalam faiso, ou kalam hunia-u tumrar mono eḳ asha zonmise. Ou asha taki-u tumrar iman ar maya foyda oise. Ar tumra asha ḳorrae ze saman faitae, ita to behesto raḳa ase.

Injil 12: Kolosia 3:24

Mono rakio, malike tan bonda oḳlor lagi zeta raḳsoin, ita to furuskar hishabe tan ges taki-u tumra faibae. Tumra to ḳali Hozrot Isa al-Mosir kezmot ḳorrae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8

Te amar forezgarir furuskar to zoma ase, hou hok-insafḳari malike Ruz Hashoror din amare joyor mala furuskar diba. Ita ḳali amare nae, zoto manush ashik oia tan lagi bar saira, tara hoḳolre-u diba.

Injil 19: Ibrani 10:34

Tumrar mazor zera zel ḳaṭisla, tarar duke tumra-o duki oislae. Tumrar don-samana luṭ-faṭ ḳora oile-o kushi aslae, ashole buztae farslae, tumrar lagi aro bout bala bala samana zoma ase, ze samana siroḳal roibo.

Injil 19: Ibrani 9:15

Ar foyla usilla salu taḳte manshe zeta guna ḳorsla, ou gunar at taki kalas ḳorar niote, kofora hishabe al-Mosir mout oise. Allae zerare daotdi ania siroḳalin mouroshi shompod dibar oada ḳorsoin, al-Mosi to erar lagi-u noya usillar zimmadar oisoin. Ou mouroshi shompod oḳon manshe faibar shuzug oise,

Injil 20: Iakub 1:11

Shuruz zebla uṭe, i shomoy tar teze gash hukai zae, ful zoria foṛizae, ar tar shundor nosṭo oizae. Doni manush-o olaḳan tar bestotar maze zoria foṛizibo.

ꠁꠘ꠆ꠎꠤꠟ ২১: ১-ꠙꠤꠔꠞ 3:9

Oinnayor bodla oinnae ḳorio na, ḳeu gali dile firia gali dio na. Borong tarar lagi dua saio, ola solar lagi-u Allae tumrare daot disoin, ila ḳorle tumra rohomot faibae.

ꠁꠘ꠆ꠎꠤꠟ ২১: ১-ꠙꠤꠔꠞ 5:4

Teu hou fordan raḳal Isae zebla duniat hirbar toshrif anba, ou shomoy tumra furuskar hishabe ola eḳ joyor mala faibae zeta kunudin binash oito nae.

Injil 27: Zaira Kalam 21:27

Nafak kunu siz, haramkur ba misa matra kunu manush, kunudin-o ino hamaito farto nae. Ḳali meṛa-baichchar zindegi kaṭar maze zerar nam leḳa ase, tara-u hamaiba.