ꠁꠘ꠆ꠎꠤꠟ ২১: ১-ꠙꠤꠔꠞ 1:3 - Siloṭi Asmani Kitab (Latin lipi)

³ Hou Alla Pakor tarif ouk, zein amrar Malik Isa al-Mosir Mabud ar gaibi baf. Tain Isa al-Mosire mora taki zinda ḳoria, tan moha doyae amrare noya zonom dan ḳorsoin, ete amra eḳ zinda asha faisi.

Siloṭi Asmani Kitab (Nagri lipi)

³ ꠢꠃ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ, ꠎꠦꠁꠘ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠣꠛꠥꠖ ꠀꠞ ꠉꠣꠁꠛꠤ ꠛꠣꠚ। ꠔꠣꠁꠘ ꠁꠍꠣ ꠀꠟ-ꠝꠍꠤꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤꠀ, ꠔꠣꠘ ꠝꠢꠣ ꠖꠄꠀꠄ ꠀꠝꠞꠣꠞꠦ ꠘꠄꠀ ꠎꠘꠝ ꠖꠣꠘ ꠇꠞꠍꠂꠘ, ꠄꠔꠦ ꠀꠝꠞꠣ ꠄꠇ ꠎꠤꠘ꠆ꠖꠣ ꠀꠡꠣ ꠙꠣꠁꠍꠤ।

ছিলটি আছমানি কিতাব (বাংলা লিপি)

³ হউ আল্লা পাকর তারিফ অউক, যেইন আমরার মালিক ইছা আল-মসীর মাবুদ আর গাইবি বাফ। তাইন ইছা আল-মসীরে মরা থাকি জিন্দা করিয়া, তান মহা দয়ায় আমরারে নয়া জনম দান করছইন, এতে আমরা এক জিন্দা আশা পাইছি।

ꠁꠘ꠆ꠎꠤꠟ ২১: ১-ꠙꠤꠔꠞ 1:3 Iomraidhean Croise

ꠎꠛꠥꠞ ꠡꠞꠤꠚ 41:13

Hokkol proshongsha Boni Israilor Mabud Allar ouk, shuru taki aḳer forzonto siroḳal zari rouk. Amin Summa-Amin.

ꠔꠃꠞꠣꠔ ২: ꠢꠤꠎꠞꠔ 34:6

Tain Musar samna dia toshrif nila, ar ou kalam elan ḳori kori gela, “Mabud, zein asoin, rohman ar rohim Alla, tain gusa ḳoroin dir gotie, tan obiram maya-mohobbot ar hok-halalir kunu shima nai.

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4:2

Tain Mabudor dorbaro foriad ḳorla, “O Mabud, ami desho taḳte-u to zantam ilaḳan oibo. Erdae ami age-u Spen desho horia zaitamgi saislam. Ami to zani, tumi doya-momotae bora Alla, gusa ḳoro dir gotie, rohom ḳoro behishab, ar gozob nazilor befare tumar morzi bodlailao.

Injil 4: Hannan 1:13

Ashole ou zon oḳlor zonom to manshor lou taki oise na, shorilor ḳaish ba manshor ichchae-o oise na, iṭa ḳali Alla taki-u oise.

Injil 6: Ruman 12:12

Samnor furuskaror ashae hamesha kushi-bashi koro, duḳ-mosiboto sobor ḳoro, hor-hamesha munazat ḳorat ro.

Injil 6: Ruman 15:13

Te dilor maze asha deora Allae imanor bole, tumrare hoḳol laḳan kushi-bashi ar shantir maze habuḍubu ḳaoaukka. Teu Allai Pak Ruhur kudrotie tumrar asha-borosha baia foṛbo.

Injil 6: Ruman 4:25

Amrar gunar kofora hishabe ou Isare moutor ato tuli deoa oisil, ar amrare be-ḳosur ḳalas ḳoia goinno ḳorar lagi tanre murda taki zinda ḳora oisil.

Injil 6: Ruman 5:10

Amra age Allar dushmon aslam, hou shomoy tan ḳas mayar zon Ibnullar moutor usillae, tan loge amrar milon oise. Te to al-Mosir zinda oia uṭar mazdi oḳon aro beshi nichchit, amra nazat faimu.

Injil 6: Ruman 8:11

Ar hou Isare zein murda taki zinda ḳorsoin, ou Allar ruhu zebla tumrar dilo boshot ḳoroin, te tan ou ruhur bole moutor aotae taḳa tumrar shorilre-o zindegi dan ḳorba.

Injil 6: Ruman 8:24

Amra ḳalas oar ou asha faisi, iman anar ḳalo. Te zeta zinish manshe dekilae, ita deḳar lagi he ar asha ḳore na, zeta deḳa oigese, itare deḳar asha ar ḳene ḳorto?

Injil 7: 1-Korintia 13:13

Buzrae ni, iman, asha, ar mohobbot, ou tino don hor-hamesha roibo, itar maze mohobbot-u hoḳol taki boṛo.

Injil 7: 1-Korintia 15:20

Oile asol ḳota oilo, al-Mosire to hasau murda taki zinda ḳora oise. Tain-u foyla foshol, murda taki zoto zonre zinda ḳora oibo, erar maze tanre-u foyla zinda ḳora oise.

Injil 8: 2-Korintia 1:3

Amrar Malik Isa al-Mosir gaibi baf Alla Pakor tarif ouk. Tain-u rohmanur rohim Alla, hokkolor dilor buz deora Alla.

Injil 9: Galatia 6:16

Ar ou imane zera zindegi kaṭae, mani kaṭi Allar bondare, tain rohom ar shanti dan ḳoroukka.

Injil 10: Ifisia 1:17

Ami Allar dorbaro aroz ḳori, amrar Malik Isa al-Mosir Allae, zalal ar shan-ala gaibi bafe afnaintore ruhani aḳol ar buzar ḳemota deukka. Teu afnara aro balamonte tanre sinba.

Injil 10: Ifisia 1:3

Alla Pakor tarif ouk, tain-u Isa al-Mosir Alla ar tan gaibi baf, ar ou Hozrot Isa-u amrar malik. Alla Pake to al-Mosir usillae asmanor forteḳ nomunar ruhani rohomot amrare dan ḳorsoin.

Injil 10: Ifisia 1:7

Al-Mosir fobitro kurbanir usillae tan lour bodla amra gunar shaza taki kalas faisi, amra ou mafi faisi, ita to Alla Pakor ḳas rohomot.

Injil 10: Ifisia 2:4

Oile Alla Pak to rohomotor banḍar; tain amrare kub beshi maya-mohobbot ḳoroin.

Injil 10: Ifisia 3:20

Ashole Allar ze kudroti bole amrar dilor maze ḳam ḳore, hou bolor usillae amrar sinta-babna ba saoa-faoa taki aro bout beshi kam tain ḳorta faroin.

Injil 12: Kolosia 1:23

Te al-Mosir befare kush-ḳobri taki ze nichchit asha tumra faiso, ḳali ou ashar ufre imane tir roio, in taki loṛio na. Tumra to zano, i kush-ḳobri hara duniat toblig kora oise, ami Paulus-o ou kush-ḳobri tobligor ḳadim oisi.

Injil 12: Kolosia 1:27

Allae saisoin, bin zati oḳlor gese-o tan batuni munshar gourob ze kita, ita zenu tan hoḳol bonda oḳole zanta faroin. Ashole al-Mosi tumrar dilo asoin, gotike tumra gourob faoar asha faiso.

ইঞ্জিল ১৩: ১-থিষল: 1:3

Imanor lagi tumra ze ḳam ḳorrae, mohobbotor lagi tumra ze menot ḳorrae ar Hozrot Isa al-Mosir ufre asha-borosha ḳoria tumra ze sobor ḳorrae, ita amrar gaibi baf Allar dorbaro dua ḳorar shomoy hamesha mono ḳori.

ইঞ্জিল ১৩: ১-থিষল: 4:13

O bai oḳol, huno, murda oḳlor kun halot oibo, amra sairam ita tumra zano, zate moron bade kita oibo ikan na zanae zera nirash oizae, tumrar mon zanu ilaḳan na oy.

ইঞ্জিল ১৪: ২-থিষল: 2:16

Amrar gaibi baf Alla Pake ar shoyong Isa al-Mosie tumrar dilo nek utshaho dan ḳoroukka, hoḳol nomunar nek kam ar mat-ḳotar maze tir raḳoukka. Tain-u amrare mohobbot ḳorsoin, tain rohom ḳoria siroḳalin utshaho ar kushi-bashir asha dan ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14

Amrar munibe amare ḳoto boṛo meherbani korsoin, Isa al-Mosir torika kobul ḳorle ze iman ar mohobbot foyda oy, ita to amare furafur dan ḳorsoin.

Injil 17: Titas 2:13

Erloge amrar dilor forom asha furonor lagi bar sai, Allatala ar toraneala Isa al-Mosir shan-mohima zair oar kushi-bashi furonor lagi bar sai.

Injil 19: Ibrani 3:6

Oile al-Mosi to Allar gor-shongsharor zimmadar hishabe nirbor ḳorar zuka futor laḳan asla. Oḳon amra-o zudi zarzir dilor asha ar himmot rakia mout forzonto ḳaim roi, te deḳa zaibo zen, amra-o Allar gor-shongsharor bagi oisi.

Injil 20: Iakub 1:18

Tain nizor kushie amrare hok kalam dia tan bonda banaisoin, amra zanu ashraful moḳlukat, shrisṭir shera manush oi.

ꠁꠘ꠆ꠎꠤꠟ ২১: ১-ꠙꠤꠔꠞ 1:13

Erlagi tumrar monre hozag koro ar nizore shamlaia raḳo. Al-Mosi zair oar bade ze rohomot tumra faibae, ou rohomoti nazat faoar lagi furafur asha loia tumra bar sao.

ꠁꠘ꠆ꠎꠤꠟ ২১: ১-ꠙꠤꠔꠞ 1:21

Allae enre mora taki zinda ḳori tulia mohima dan ḳorsoin ar tan mazdi tumra Allar ufre iman ancho. Erlagi-u tumrar iman ar asha Allar ufre-u ase.

ꠁꠘ꠆ꠎꠤꠟ ২১: ১-ꠙꠤꠔꠞ 1:23

Ze bis nosṭo oizae, tumrar zonom to ila bisor nae. Borong zeta nosṭo oy na, ota taki-u tumrar noya zonom oise. Ou bis oilo Allar siroḳalin zinda kalam.

ꠁꠘ꠆ꠎꠤꠟ ২১: ১-ꠙꠤꠔꠞ 2:2

Geda huruttaintor dudor fiasor laḳan tumra ḳaṭi ruhani dudor kiali o, ar ou dud ḳaia ḳaia zanu tumra boṛo oia nazat fao.

ꠁꠘ꠆ꠎꠤꠟ ২১: ১-ꠙꠤꠔꠞ 3:15

borong al-Mosire nizor dilo malik hishabe kobul ḳoro. Tumrar asha-borosha zudi keu zanto sae, te tar zuaf dibar lagi hamesha zuit roio.

ꠁꠘ꠆ꠎꠤꠟ ২১: ১-ꠙꠤꠔꠞ 3:21

I fani oilo al-Mosir name torikabondir eḳṭa nishana, zetae oḳon tumrar zan base. Torikabondie tumrar shorilor moyla saf oy na, ḳali Allar dorbaro saf dilor shae dey. Hozrot Isa al-Mosi mora taki zinda oia uṭae tumrar zan base,

ꠁꠘ꠆ꠎꠤꠟ ২১: ১-ꠙꠤꠔꠞ 3:5

Ṭik olaḳan agor zomanar allaoala beṭinte, Allar ufre borosha ḳoria zamair baiddo roia nizore hazaita.

Injil 23: 1-Hannan 2:29

Ar tumra zebla ekin ḳoro tain shullo-ana fak-forezgar, te eoḳan-o ekin ḳorio, ze bonda nek kamor ashik, tar zonom to shoyong Allar nur taki.

Injil 23: 1-Hannan 3:3

Ar zoto manshe al-Mosir ufre ila asha ḳore, tara nizore al-Mosir laḳan ḳaṭi bananit roy.

Injil 23: 1-Hannan 3:9

Te ze bondar zonom oise Allar nur taki, tar bitre Allar nuror bis boshot ḳore, erlagi he gunar gato foṛi roy na. Allai nur taki zonom oise ḳori, he gunar ḳamo foṛi roito fare na.

Injil 23: 1-Hannan 4:7

O shuna oḳol, Allar deoa dan oilo mohobbot, erlagi amra zanu eḳe-oinne mohobbot ḳori. Ze bondar dilo mohobbot ase, tar zonom oise Allar nur taki, he Alla Pakre sine.

Injil 23: 1-Hannan 5:1

Hozrot Isa-u oila Allar oada ḳora hou al-Mosi, ikan zera ekin ḳore, tarar zonom oise Allar nur taki. Zano ni, ze manshe kunu ma-bafre mohobbot ḳore, he erar aoladre-o mohobbot ḳorbo.

Injil 23: 1-Hannan 5:18

Amra zani, Allar nur taki ze bonda oḳlor zonom oise, era gunar ḳamo bondi roy na. Borong Allar nure zonom loa hou ḳas mayar zone tarar zanor hefazot ḳoroin, Iblise tarare ḳobza ḳorto fare na.

Injil 23: 1-Hannan 5:4

Ḳaron Allar nuror aolad oḳol i zogotor ufre joyi oin, ar zogotor laṛait ze zinishor bole joyi oisi, ikṭa oilo amrar iman.