ꠁꠘ꠆ꠎꠤꠟ ২১: ১-ꠙꠤꠔꠞ 1:11 - Siloṭi Asmani Kitab (Latin lipi)

¹¹ Tarar dilo al-Mosir ruhe age-u shakki dia ḳoisoin, tanre ḳoshṭo ḳorte oibo ar bade tain mohima faiba. Nobi oḳole zanta saisla, al-Mosir ou ruhe kun shomoykur ar kun halotor ḳota tarare zanaira.

Siloṭi Asmani Kitab (Nagri lipi)

¹¹ ꠔꠣꠞꠣꠞ ꠖꠤꠟꠅ ꠀꠟ-ꠝꠍꠤꠞ ꠞꠥꠢꠦ ꠀꠉꠦꠃ ꠡꠣꠇ꠆ꠇꠤ ꠖꠤꠀ ꠇꠁꠍꠂꠘ, ꠔꠣꠘꠞꠦ ꠇꠡ꠆ꠐ ꠇꠞꠔꠦ ꠅꠁꠛ ꠀꠞ ꠛꠣꠖꠦ ꠔꠣꠁꠘ ꠝꠢꠤꠝꠣ ꠙꠣꠁꠛꠣ। ꠘꠛꠤ ꠅꠇꠟꠦ ꠎꠣꠘꠔꠣ ꠌꠣꠁꠍꠟꠣ, ꠀꠟ-ꠝꠍꠤꠞ ꠅꠃ ꠞꠥꠢꠦ ꠇꠥꠘ ꠡꠝꠄꠇꠥꠞ ꠀꠞ ꠇꠥꠘ ꠢꠣꠟꠔꠞ ꠇꠕꠣ ꠔꠣꠞꠣꠞꠦ ꠎꠣꠘꠣꠁꠞꠣ।

ছিলটি আছমানি কিতাব (বাংলা লিপি)

¹¹ তারার দিলো আল-মসীর রুহে আগেউ সাক্ষি দিয়া কইছইন, তানরে কষ্ট করতে অইবো আর বাদে তাইন মহিমা পাইবা। নবী অকলে জানতা চাইছলা, আল-মসীর অউ রুহে কুন সময়কুর আর কুন হালতর কথা তারারে জানাইরা।

ꠁꠘ꠆ꠎꠤꠟ ২১: ১-ꠙꠤꠔꠞ 1:11 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:15

Ami tumar ar beṭir maze, tumar bongsho ar beṭi manshor bongshor maze dushmoni foyda ḳormu. Hi bongshe tumar ḳolla guṛa ḳorbo, ar tumi tar faor murat ḳamṛaibae.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 49:10

Ehudar at tone to raz-laṭi horto nae; tar duio faor maz tone bisaror goda zaito nae; zotodin Shilo na aiba, ar hoḳol zati tan hukume solba.

ꠁꠘ꠆ꠎꠤꠟ ১: ꠝꠕꠤ 26:24

Ami bin-Adomor moutor befare Asmani Kitabo zela leḳa ase, amar mout to oula-u oibo. Oile afsus hou zonor lagi, zegie amare doraia dibo. Duniat tar zonom na oa-u, tar lagi bout bala asil.”

Injil 3: Luk 24:44

Ḳaia erare ḳoila, “Ami zebla tumrar loge aslam, hou shomoy tumrare ḳoislam na ni, Musa nobir Tourat Shorif, nobi oḳlor sohifa, ar Zobur Shorifor maze zeta leḳa ase, ita hoḳolta nichchit folibo.”

Injil 4: Hannan 12:41

Ishaya nobie Isar mohima deḳsla gotike, tan befare ou ḳota ḳoisla.

Injil 5: Sahabi Nama 16:7

Gia Mushiar shimanat aia harle Bitunia desho zaita saila, oile Isar ruhe tarare hikano zaite dila na,

Injil 6: Ruman 8:9

Oile tumrar dilo zebla Allar ruhu boshot ḳoroin, te tumra to shorilor bod ḳaishor aotae nae, borong Pak Ruhur aotae. Asol ḳota oilo, al-Mosir ruhu zar maze nai, he al-Mosir nae.

Injil 9: Galatia 4:6

Erdae tumra Allar aolad bonizaoae tumrar dilo boshot ḳorar lagi, Allae tan ḳas mayar zonor ruhre bezisoin. Tumrar dilor ou ruhe to Alla Pakre abba ḳoia ḍaḳoin.

ꠁꠘ꠆ꠎꠤꠟ ২২: ২-ꠙꠤꠔꠞ 1:21

Ḳaron nobi oḳole tarar ichchamoto kunu ḳota ḳoisoin na, ḳali Pak Ruhur bole Allar deoa buli bataisoin.

Injil 27: Zaira Kalam 19:10

Teu ami ou firistare soizda ḳorar niote tan fao-o foṛlam, oile tain amare ḳoila, “Hae, hae! Ita kita ḳorrae, ami-o to tumar laḳan gulam, ar tumar ze mumin bai oḳole Hozrot Isar fokke zobanbondi deoat roy, ami tarar laḳan-o gulam. Te ḳali Allare soizda ḳoro. Ou Isar zobanbondi-u oilo, nobi-rosul oḳlor zobanbondir mul kuṭi.”