ꠔꠃꠞꠣꠔ ৪: ꠡꠥꠝꠣꠞꠤ 1:1 - ছিলটি আছমানি কিতাব (বাংলা লিপি)

¹ বনি ইছরাইল জাতি মিসর দেশ থাকি বার অইয়া আওয়ার দুই নম্বর বছরর সময়, দুই নম্বর চান্দর পয়লা দিন, মাবুদে সিনাই মরুভুমিত মিলন-তাম্বুর ভিতরে হজরত মুছার লগে বাতচিত করলা। তাইন মুছারে কইলা,

Siloṭi Asmani Kitab (Nagri lipi)

¹ ꠛꠘꠤ ꠁꠍꠞꠣꠁꠟ ꠎꠣꠔꠤ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠅꠀꠞ ꠖꠥꠁ ꠘꠝ꠆ꠛꠞ ꠛꠍꠞꠞ ꠡꠝꠄ, ꠖꠥꠁ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘ, ꠝꠣꠛꠥꠖꠦ ꠍꠤꠘꠣꠁ ꠝꠞꠥꠜꠥꠝꠤꠔ ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠢꠎꠞꠔ ꠝꠥꠍꠣꠞ ꠟꠉꠦ ꠛꠣꠔꠌꠤꠔ ꠇꠞꠟꠣ। ꠔꠣꠁꠘ ꠝꠥꠍꠣꠞꠦ ꠇꠁꠟꠣ,

Siloṭi Asmani Kitab (Latin lipi)

¹ Boni Israil zati Mishor desh taki bar oia aoar dui nombor bosoror shomoy, dui nombor sandor foyla din, Mabude Sinai morubumit Milon-tambur bitre Hozrot Musar loge batchit ḳorla. Tain Musare ḳoila,

ꠔꠃꠞꠣꠔ ৪: ꠡꠥꠝꠣꠞꠤ 1:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:1

মিসর দেশ থাকি বনি ইছরাইল অকল বারনির বাদে, তিন নম্বর চান্দর পয়লা দিনউ তারা রফিদিম অইয়া সিনাই মরুভুমিত পৌছিলা। অনো আইয়া তারা মরুভুমির তুর পাহাড়র ছামনে তাম্বু গাড়িলা।

ꠔꠃꠞꠣꠔ ২: ꠢꠤꠎꠞꠔ 25:22

ই শাহাদত সন্দুকর ঢাকনার উপরে দুইও কারুবীর মাজখানো, আমি তুমারে দিদার দিমু। অউ দিদারর সময় বনি ইছরাইলর লাগি আমার হকল আইন-কানুন জানাইমু।

ꠔꠃꠞꠣꠔ ২: ꠢꠤꠎꠞꠔ 40:17

দুছরা বছরর পয়লা চান্দর পয়লা তারিখো আল্লার ঘর খাড়া করা অইলো।

ꠔꠃꠞꠣꠔ ২: ꠢꠤꠎꠞꠔ 40:2

“তুমি বছরর পয়লা চান্দর পয়লা তারিখো মিলন-তাম্বু সহ আমার ঘররে খাড়া করিও।

ꠔꠃꠞꠣꠔ ৩: ꠟꠦꠛꠤꠀꠘ 1:1

অউ পবিত্র কাবা ঘর মানি মিলন-তাম্বু বানানির বাদে, মাবুদে মুছা নবীরে অনো আনাইয়া কইলা,

ꠔꠃꠞꠣꠔ ৩: ꠟꠦꠛꠤꠀꠘ 27:34

মাবুদে তুর পাহাড়র উপরে মুছা নবীর গেছে, বনি ইছরাইলর লাগি অউ হুকুম-আহকাম অকল দান করছিলা॥

ꠔꠃꠞꠣꠔ ৪: ꠡꠥꠝꠣꠞꠤ 1:18

আর অউ বছরর দুছরা চান্দর পয়লা দিন হকল বনি ইছরাইলরে একখানো দলা করলা। তারা যারযির গুষ্টি আর পরিবার মাফিক তারার নাম লেখাইলো। বিশ বছর বা এর বেশি বয়সর বেটাইন্তর নাম এক এক করি লেখা অইলো।

ꠔꠃꠞꠣꠔ ৪: ꠡꠥꠝꠣꠞꠤ 12:4

মুছার বিরুদ্ধে হারুন আর মরিয়মর মাত-কথা হুনিয়াউ মাবুদে মুছা, হারুন আর মরিয়মরে কইলা, “তুমরা তিনোজন বার অইয়া মিলন-তাম্বুর গেছে আও।” তেউ এরা তিনোজন অনো আইলা।

ꠔꠃꠞꠣꠔ ৪: ꠡꠥꠝꠣꠞꠤ 9:1

বনি ইছরাইল জাতি মিসর দেশ থাকি বারনির দুছরা বছরর পয়লা চান্দো, সিনাই মরুভুমিত মাবুদে মুছা নবীরে বাতাইলা,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:3

অইলে বনি ইছরাইল মিসর থাকি বার অইয়া উনচাল্লিশ বছর এগারো মাস পর্যন্ত, অর্থাত ছফরর চাল্লিশ বরছ চলার কালো, অনো ঘুরিলা। বাদে অউ মাসর পয়লা তারিখো মুছা নবীয়ে তারারে জানাইলা মাবুদে তানরে যেতা কইছলা।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 2:14

আর কাদেশ-বর্নেয়া থাকি বার অইয়া হারি জেরেদ গুল্লা পার অইয়া আইতে আমরার আটতিশ বছর লাগছিল। এরমাজে অউলা অইলো, মাবুদে আগে কছম খাইয়া যেলা কইছলা, অউলা কাদেশ-বর্নেয়া থাকি বারনির কালো আমরার যত সিপাই আছলা, এরা হকলউ অউ আটতিশ বছরে মরিগেলা।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 2:7

“তুমরার মাবুদ আল্লায় হকল কামর মাজেউ তুমরারে রহম-বরকত দিছইন। অউ অতো বড় মরুভুমি পারনির বালা তাইন তুমরারে হেফাজত করছইন। অউ চাল্লিশ বছর ধরি তুমরার মাবুদ আল্লা তুমরার লগে লগে আছইন, এরলাগি কুনু লাখান অভাব অইছে না।