ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:2 - ছিলটি আছমানি কিতাব (বাংলা লিপি)

² আমি আমার মায়ার আওলাদ তিমথির গেছে লেখরাম। গাইবি বাফ আল্লায় আর আমরার মালিক ইছা আল-মসীয়ে তুমারে রহমত, মেহেরবানি আর শান্তি দান করউক্কা।

Siloṭi Asmani Kitab (Nagri lipi)

² ꠀꠝꠤ ꠀꠝꠣꠞ ꠝꠣꠄꠀꠞ ꠀꠅꠟꠣꠖ ꠔꠤꠝꠕꠤꠞ ꠉꠦꠍꠦ ꠟꠦꠈꠞꠣꠝ। ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠥꠝꠣꠞꠦ ꠞꠢꠝꠔ, ꠝꠦꠢꠦꠞꠛꠣꠘꠤ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

Siloṭi Asmani Kitab (Latin lipi)

² Ami amar mayar aolad Timotir gese leḳram. Gaibi baf Allae ar amrar Malik Isa al-Mosie tumare rohomot, meherbani ar shanti dan ḳoroukka.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:2 Iomraidhean Croise

Injil 5: Sahabi Nama 16:1

হজরত পাউলুছ পয়লা দর্বী আর বাদে লুশ্রা টাউনো গিয়া আজিলা। লুশ্রাত তিমথি নামে একজন উম্মত আছলা, তান মা ইমানদার, মা তো ইহুদি জাতর, অইলে বাফ ইউনানি জাতর।

Injil 6: Ruman 1:7

তে অউ রোম টাউনো আল্লার যত মায়ার বন্দা অকল আছইন, আল্লায় তান পাক বন্দা অওয়ার লাগি যেরারে দাওত করিয়া আনছইন, তুমরা হকলর গেছে আমি অউ চিঠি খান লেখরাম। আমরার গাইবি বাফ আল্লা পাক আর হজরত ইছা আল-মসীয়ে তুমরারে রহমত আর শান্তি দান করউক্কা।

Injil 6: Ruman 12:19

ও মায়ার ভাই অকল, তুমরা কেউরর বদলা লইও না, ইতা আল্লার আতো ছাড়ি দেও, বদলা দেওয়া তান কাম। আল্লার কালামো আছে, “নাফরমানির সাজা দিবার এখতিয়ার খালি আমারউ আছে, যার যেলা পাওনা আমি তারে অলা বদলা দিমু, ইখান আমি মাবুদে কইরাম।”

Injil 7: 1-Korintia 4:17

অউ নিয়তে আমি তিমথিরে তুমরার গেছে পাঠাইলাম, মালিকর নামে এইন তো আমার মায়ার হক-হালাল পুত। মালিক ইছা আল-মসীরে আমি কিলা মানিয়া চলিয়ার, আর হকল জাগার হকল জমাতো কিলা তালিম দিয়ার, ইতা তাইন মনো করাই দিবা।

Injil 11: Filifia 4:1

ও আমার মায়ার ভাই অকল, আমি তুমরারে দেখতাম চাই। তুমরাউ আমার খুশি, আমার জয়র মালা। আমরার মালিকর লগে তুমরা মজবুত অইয়া লাগিয়া রও।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:2

মুমিন হিসাবে আমার খাছ আওলাদ, তিমথির গেছে লেখরাম। গাইবি বাফ আল্লা পাকে আর আমরার মালিক ইছা আল-মসীয়ে তুমারে রহমত, মেহেরবানি আর শান্তি দান করউক্কা।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:1

ও আমার আওলাদ তিমথি, ইছা আল-মসীর উছিলায় পাওয়া রহমতে তুমি বলবান অও।

Injil 17: Titas 1:4

আমার হউ খাছ আওলাদ তীতাছর গেছে লেখরাম, আমরা দুইওজনউ একই ইমানে আল-মসীর উম্মত অইছি। আমরার গাইবি বাফ আল্লায় আর তরানেআলা ইছা আল-মসীয়ে রহমত আর শান্তি দান করউক্কা।

Injil 17: Titas 2:13

এরলগে আমরার দিলর পরম আশা পুরনর লাগি বার চাই, আল্লাতালা আর তরানেআলা ইছা আল-মসীর শান-মহিমা জাইর অওয়ার খুশি-বাসি পুরনর লাগি বার চাই।

Injil 25: 3-Hannan 1:4

আমার আওলাদ অকল আল্লাই হকর পথে চলরা হুনিয়া খুশি লাগের, ইখান থাকি বড় আর কুনু খুশির খবর অয় নি?