ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:3 - ছিলটি আছমানি কিতাব (বাংলা লিপি)

³ ও তিমথি, আমি মাকিদনিয়া দেশো যাওয়ার বালা তুমারে কইছলাম, অখন হিরবার মিনতি করি কইরাম, হুনো, তুমি ইফিছ টাউনোউ রও, রইয়া অনর অলা কিছু মোল্লাইন্তরে হুকুম দেও, তারা যানু মানষরে আর ভুল তালিম না দেয়।

Siloṭi Asmani Kitab (Nagri lipi)

³ ꠅ ꠔꠤꠝꠕꠤ, ꠀꠝꠤ ꠝꠣꠇꠤꠖꠘꠤꠀ ꠖꠦꠡꠅ ꠎꠣꠅꠀꠞ ꠛꠣꠟꠣ ꠔꠥꠝꠣꠞꠦ ꠇꠁꠍꠟꠣꠝ, ꠅꠈꠘ ꠢꠤꠞꠛꠣꠞ ꠝꠤꠘꠔꠤ ꠇꠞꠤ ꠇꠁꠞꠣꠝ, ꠢꠥꠘꠅ, ꠔꠥꠝꠤ ꠁꠚꠤꠍ ꠐꠣꠃꠘꠅꠃ ꠞꠅ, ꠞꠁꠀ ꠅꠘꠞ ꠅꠟꠣ ꠇꠤꠍꠥ ꠝꠥꠟ꠆ꠟꠣꠁꠘ꠆ꠔꠞꠦ ꠢꠥꠇꠥꠝ ꠖꠦꠅ, ꠔꠣꠞꠣ ꠎꠣꠘꠥ ꠝꠣꠘꠡꠞꠦ ꠀꠞ ꠜꠥꠟ ꠔꠣꠟꠤꠝ ꠘꠣ ꠖꠦꠄ।

Siloṭi Asmani Kitab (Latin lipi)

³ O Timoti, ami Makidonia desho zaoar bala tumare ḳoislam, oḳon hirbar minoti kori koiram, huno, tumi Ifis ṭauno-u ro, roia onor ola kisu mullaintore hukum deo, tara zanu manshore ar bul talim na dey.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:3 Iomraidhean Croise

Injil 5: Sahabi Nama 18:19

বাদে ইফিছ টাউনো আইয়া পাউলুছে হি দুইও জনরে অনো থইয়া, তাইন মছিদো হামাইয়া ইহুদি অকলর লগে হজরত ইছার বেয়াপারে বাতচিত করলা।

Injil 5: Sahabi Nama 18:21

তাইন এরার গেছ থাকি বিদায় লইয়া কইলা, “ইনশাল্লা, আমি হিরবার আইমু।” কইয়া তাইন ইফিছ থাকি জাজো করি রওয়ানা অইগেলা।

Injil 6: Ruman 15:26

হিনো অভাব-অনটনর মাজে আল্লার যে বন্দা অকল আছইন, তারার গেছে বাটিয়া দিবার লাগি মাকিদনিয়া আর গ্রীস দেশর জমাত অকলে কিছু সাইয্য তুলছইন।

Injil 6: Ruman 16:17

ও ভাই অকল, তুমরারে মিনত করি কইরাম, আগে যেতা তালিম পাইছো, অউ তালিমর উল্টা তালিম দিয়া যেগুইন্তে দলাদলি আর বাধা-বিঘ্নর জনম দেইন, অতার বায় নজর রাখিও, তুমরা ইতার গেছ থাকি হরিয়া রইও।

Injil 8: 2-Korintia 11:4

কারন আমরা যে ইছার বেয়াপারে তবলিগ করছি, অইন্য জনে যেবলা তানরে ছাড়া দুছরা কুনু ইছার কথা তবলিগ করে, তুমরা ইতা মানরায়। আর তুমরা যে পাক রুহ পাইছো, অউ পাক রুহ ছাড়া দুছরা কুনু রুহ পাইলে, বা যে খুশ-খবরি তুমরা মানরায়, ই খুশ-খবরি ছাড়া দুছরা কুনু খুশ-খবরি হুনলে, খুব খুশি অইয়াউ মানিলিরায়।

Injil 10: Ifisia 4:14

তেউ আমরা আর হুরুতার লাখান রইতাম নায়। মানষে শয়তানি আখল খাটাইয়া বে-পথে নিবার লাগি মানষরে যে ভুল তালিম দেয়, অউ ভুল তালিমে যানু আমরারে পানির আউলা-জাউলা ঢেউর লাখান দু-দিলা না বানায়।

Injil 11: Filifia 2:24

অইলে আমি মালিকর উপরে ভরসা করি কইয়ার, আমি নিজেও খুব জলদি করি আইতাম পারমু।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:11

তে তুমিও অউ বেয়াপারে হুকুম আর তালিম দেও।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ও তিমথি, তুমি যুদি অউ তালিম অকল মুমিন ভাইয়াইনরে বুজাইয়া দেও, তে ইছায়ী ইমানর যে হক আর নির্ভুল তালিম মানিয়া চলরায়, ই বেয়াপারে তুমি পাকা-পুক্ত অইয়া আল-মসীর একজন উপযুক্ত খাদিম অইবায়।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:7

অউ বেয়াপারে হুকুম দেও, যাতে কেউ তারারে দুষি কওয়ার সুযোগ না পায়।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:10

কারন হকল নমুনার বদ কামর জনম অইলো টেকা-পয়সার মায়া। কুনু কুনু জন টেকা-পয়সার লালছে ইছায়ী ইমান থাকি হরিয়া গিয়া, নিজর উপরে বড় দুখ-মছিবত ডাকিয়া আনছে।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:17

হুনো, অউ দুনিয়ার ধনি অকলরে হুকুম দেও, তারা যানু বড়াই না করইন, আর দুনিয়াবি অস্থায়ী ধনর উপরে ভরসা না করিয়া, আল্লার উপরে ভরসা করইন। আমরার ভালাইর লাগি তাইনউ হকলতা খুলা আতে দান করইন।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:3

কেউ যুদি ইতা বাদ দিয়া দুছরা কুনু তালিম দেয়, আর আমরার মালিক ইছা আল-মসীর খাটি তালিম আর আল্লার ডর-খফর তালিমরে না মানে,

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:18

আমি ইফিছ টাউনো থাকতে তাইন কিলা আমার খেজমত করছলা, ইতা তো তুমি ভালামন্তেউ জানো। মালিক ইছায় অলা করউক্কা, যাতে তান তশরিফ আনার দিন এইন মেহেরবানি পাইন।

Injil 24: 2-Hannan 1:7

দুনিয়াত অখন বউত লাখান ধুকাবাজ বার অইছইন। যেতায় কইন, মানুষ ছুরতে হজরত ইছা আল-মসী দুনিয়াত আইছইন না, ইলা মাত যেরা মাতে এরা অইলো হউ ধুকাবাজ আর খানে-দর্জাল।

Injil 27: Zaira Kalam 2:14

তা-ও তুমরার বিরুদ্ধে আমার কিছু মাত আছে। তুমরার অনো অলা কিছু মানুষ আছইন, যেতায় মুছা নবীর আমলর ভন্ড নবী বালামর তালিমে চলইন। অউ বালামে বাদশা বালাকরে হিকাইছিল, যাতে হে দেবতার মুর্তির ছামনর পসাদ খাওয়াইয়া আর জিনা করাইয়া, বনি ইছরাইলরে গুনার পথে নেয়।

Injil 27: Zaira Kalam 2:20

অইলে তুমরা তো ইজাবেল নামর অউ বেটিরে আশ্রয় দিরায়, এরলাগি তুমরার বিরুদ্ধে আমার একখান কথা আছে, তাই নিজরে নবী কইয়া পরিচয় দেয়। আমার বন্দা অকলরে তাই জিনা করা আর দেবতার ছামনর পসাদ খাওয়া হিকাইয়া বে-পথে নেরগি।