Zakhariya 9:10 - Siswati 1996 Bible

¹⁰ Ngiyawutisusa tincola temphi ka-Efrayimu, nemahhashi emphi ngiwesuse eJerusalema, nebutjoki bemphi buyakwephulwa. Inkhosi iyawumemetela kuthula etiveni. Kubusa kwayo kuyakwandza, kusuke elwandle kuyewugcina ngelwandle, kusuke eMfuleni kuyewugcina emikhawulweni yemhlaba.

Zakhariya 9:10 Iomraidhean Croise

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Tihlabelelo 72:3

Tintsaba tiyawuletsa kuthula kubantfu, kanjalo nemagcuma kuchuma kwekulunga.

Tihlabelelo 85:8

Ase ngilalele loko lokutawukhulunywa nguNkulunkulu Simakadze, ngobe ukhuluma kuthula esiveni sakhe nakulabangcwele bakhe, nabangancandzeki babuyele ebubini.

Tihlabelelo 89:26

Uyawukhala kimi atsi: ‘Wena unguBabe, unguNkulunkulu wami, nelidvwala lensindziso yami.’

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 2:4

Uyakwehlulela emkhatsini wetive, acatulule imibango yetive letinyenti. Tona-ke tiyawukhandza tinkemba tato, titente tibe ngemakhuba, tikhali tato tibe tikelo tekutsena tihlahla. Sive singeke sihlasele lesinye ngenkemba, futsi tive tingeke tisaceceshelwa kulwa imphi.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 60:12

Ngobe sive nome umbuso longayiwuhlehla kuwe, uyakufa wona, uyawubhubha uphele.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Hoseya 2:18

Ngalelo langa baka-Israyeli ngiyawubentela sivumelwane netilwane tesiganga netinyoni temoya kanye netidalwa letinwabutela phansi emhlabatsini. Butjoki, nenkemba, nemphi ngiyawukususa eveni, kuze kutsi bonkhe batewulala phansi baphephile.

Hoseya 2:20

Ngiyawukwendzisa ngekwetsembeka, uyakumhlonipha Simakadze.

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.

Mikha 5:4

Nakefika lowo mbusi, uyawubelusa ngemandla aSimakadze, yebo, uyawubaphatsa ngebukhosi baSimakadze longuNkulunkulu wakhe. Sive sakhe siyawuphila ngekuphepha, ngobe bantfu bemhlaba bayawumatisa badvumise bukhulu bakhe.

Mikha 5:9

Israyeli, titsa takho uyakutiphakamisela sandla utincobe, bonkhe labakutondzako bayawubhujiswa.

Hagayi 2:22

Ngitawuketula tihlalo tebukhosi ngibhidlite emandla emibuso yebetive. Ngitawuketula tincola temphi kanye nebashayeli bato, emahhashi kanye nebagibeli bawo bayawuwela phansi, ngulowo ngenkemba yemnakabo.

Imisebenti yebaPhostoli 10:36

Niyalati livi lalitfumela kubantfu baka-Israyeli, ashumayela liVangeli lekuthula ngaJesu Khristu, loyiNkhosi yabo bonkhe bantfu.

2 kubaseKorinthe 5:18

Konkhe kuphuma kuNkulunkulu, lowabuyisana natsi ngaKhristu, wase usinika umsebenti wekutsi natsi sibuyisane nalabanye;

2 kubaseKorinthe 5:20

Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”

Dutheronomi 11:24

Yonkhe indzawo lapho niyawunyatsela khona iyawuba live lenu: Kusukela ehlane kuze kube nguseLebanoni, nekusuka emfuleni iYufrathe kuze kube nguseLwandle Lwasenshonalanga.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”