Zakhariya 3:9 - Siswati 1996 Bible

⁹ Buka, litje lengilimise embikwaJeshuwa. Kunemehlo lasikhombisa kulelitje linye, mine ngitawucopha umbhalo kulo, nesono salelive ngiyawusisusa ngalanga linye,’ kusho Simakadze longuSomandla.

Zakhariya 3:9 Iomraidhean Croise

1 Emakhosi 1:20

Nkhosi yami, onkhe emehlo aka-Israyeli abuke wena, kutsi atekuva kuwe kutsi ngubani lotawuhlala esihlalweni sebukhosi senkhosi yami, abe yinkhosi emvakwayo.

2 Tikhronike 16:9

Ngobe emehlo aSimakadze abuka emhlabeni wonkhe kucinisa labo labatinhlitiyo tabo titinikele kuye ngalokuphelele. Wena wente intfo lebulima kakhulu, kusukela manje utakulwa timphi siphelane.”

Tihlabelelo 103:12

Njengobe imphumalanga yehlukene nenshonalanga utikhweshise kangako-ke tono tetfu kitsi.

Tihlabelelo 118:22

Litje lekwakha lelaliwa bakhi, ngobe batsi alinamsebenti, seligucuke laba litje lekusimisa indlu.

Eksodusi 28:11

Funa umuntfu lonelikhono lekubhala ngekucopha lamatje lamabili, acophe emabito emadvodzana aka-Israyeli; lamatje abowahlobisa ngegolide lapha emaphetselweni.

Eksodusi 28:21

Kufanele kube nematje lali-12, ngulelo nalelo litje libe nelibito lendvodzana ya-Israyeli; ngulelo nalelo litje libekwe luphawu ngekusikwa kwelibito lesive setive letili-12 taka-Israyeli.

Eksodusi 28:36

“Yenta ngcwengcwe wegolide lecengekile bese ubhala ngekucopha nankha emagama: ‘Kwehlukaniselwe Nkulunkulu’.

Isaya 28:16

Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Jeremiya 50:20

Kulawo malanga, nangaleso sikhatsi, kuyawuphenywa ngelicala laka-Israyeli, kodvwa aliyiwutfolakala, kuphenywe nangetono takaJuda, kodvwa kute nasinye lesiyawutfolakala, ngobe ngiyakuyitsetselela insali lengayishiya,” kusho Simakadze.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Zakhariya 3:4

Lengilosi yakhuluma kulabasiti lababeme embikwayo, yatsi: “Mkhumuleni letimphahla takhe letingcolile.” Yakhuluma kuJeshuwa, yatsi: “Ase ubuke, sono sakho sengisisusile, futsi ngitakwembatsisa imijiva lehlantekile lemihle kakhulu.”

Zakhariya 4:10

“Ngubani lowedzelela lilanga letintfo letincane? Emadvodza ayawujabula nakabona intsambo yekucondzisa isesandleni saZerubhabheli. “Lamehlo lasikhombisa ngewaSimakadze, azulazula emhlabeni wonkhe, jikelele.”

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Imisebenti yebaPhostoli 4:11

“Jesu nguye umBhalo lokhuluma ngaye kutsi: ‘Litje lenaledzelela, nine bakhi, selijike laba litje lesisekelo.’

KubaseRoma 9:33

njengobe kubhaliwe kutsi: “Bheka, ngibeka eSiyoni litje lekukhubekisa nelidvwala lekuwisa; kepha lowo lokholwa kuye, angeke ajabhiswe.”

2 kubaseKorinthe 1:22

wasibeka luphawu lwakhe tsine; wasipha Moya wakhe, etinhlitiyweni tetfu, losibambiso saloko lokutako.

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

KumaHebheru 7:27

Yena akadzingi kunikela imihlatjelo yekushiswa njengalaba labanye baphristi labakhulu lababeyinikela onkhe emalanga, ngekutinikelela bona tono tabo kucala, bese banikelela tono talabanye. Kodvwa yena loko wakwenta kwaba kanye, kwenela, ngesikhatsi anikela ngaye lucobo lwakhe.

1 yaJohane 2:2

nguye loyinhlawulo yetono tetfu, hhayi tetfu sodvwa, kodvwa netemhlaba wonkhe.

Sembulo 5:6

Ngabona liWundlu sengatsi lihlatjiwe. Lalime ngasesihlalweni sebukhosi lesasitungeletwe tidalwa letine nemalunga. LeliWundlu lalinetimphondvo letisikhombisa nemehlo lasikhombisa, lekuyimimoya yaNkulunkulu lesikhombisa leyayitfunyelwe emhlabeni wonkhe.