Zakhariya 14:4 - Siswati 1996 Bible

⁴ Ngalelo langa tinyawo takhe tiyakuma etikweNtsaba Yemincumo, ngasemphumalanga kweJerusalema, bese kutsi leNtsaba Yemincumo ichekeke ekhatsi kusukela ngasemphumalanga kuye ngasenshonalanga, kwakheke sigodzi lesikhulu, incenye yalentsaba iyawukhweshela ngasenyakatfo, kutsi incenye lenye ikhweshele ngaseningizimu.

Zakhariya 14:4 Iomraidhean Croise

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

Hezekeli 11:23

Inkhatimulo yaSimakadze yakhuphukela etulu isuka ngekhatsi kwalelidolobha, yema ngetulu kwentsaba lengasemphumalanga kwalo.

Hezekeli 38:20

Tinhlanti taselwandle, netinyoni tasemoyeni, netilwane tesiganga, nato tonkhe tilwanyakatana letinwabutelako emhlabatsini, nabo bonkhe bantfu labasebusweni bemhlaba, kuyawutfutfumela ebukhoneni bami. Tintsaba tiyawugumbuceleka, emawa ahhihlikele phansi, nato tonkhe tindvonga tiyawudzilikela emhlabatsini.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Habakhuki 3:6

Nakema, kunyikanyika umhlaba, nakabuka, kutfutfumela tive. Tintsaba takudzala tiyahhihlika, nemagcuma akadzenidzeni ayagocana. Tindlela takhe taphakadze naphakadze.

Zakhariya 14:10

Lonkhe live, kusukela eGeba kuye eRimoni, eningizimu neJerusalema, liyawufanana ne-Arabha. Kodvwa iJerusalema iyawuphakanyiswa ihlale isendzaweni yayo, kusukela eSangweni lakaBhenjamini kuye endzaweni yeliSango Lekucala, eSangweni Lasekoneni, nekusukela eMbhoshongweni waHananeli kuye ematjeni enkhosi ekuhluta liwayini.

Zakhariya 14:7

Kuyakuba lilanga leliyincophamlandvo, leliyawubate imini nebusuku, lilanga lelatiwa nguSimakadze. Kuyawutsi nakutakuhlwa, kuvele kukhanya.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Zakhariya 4:7

“Uyini wena, wena ntsaba lenemandla? EmbikwaZerubhabheli uyawuba litsafa lelibekile. Yena-ke uyawubeka litje lekwephetsa lithempeli, kumenyetwe kutsiwe: ‘Nkulunkulu akalibusise! Nkulunkulu akalibusise!’ ”

Makho 11:23

Ngicinisile, ngitsi kini: Nome ngubani loyawutsi kulentsaba: ‘Cukuleka uyewuphonseka le elwandle,’ angangabati enhlitiyweni yakhe, kodvwa akholwa kutsi loko lasakushito kutakwenteka, uyakwentelwa kona.