Zakhariya 12:10 - Siswati 1996 Bible

¹⁰ “Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Zakhariya 12:10 Iomraidhean Croise

Genesisi 45:1

Josefa wehluleka kutibamba embikwetisebenti takhe, ngako watsi: “Abakhishwe bonkhe la endlini.” Ngako-ke kwakungasekho muntfu ngesikhatsi atjela bomnakabo kutsi ungubani.

Genesisi 45:2

Wakhala kakhulu, kwadzimate kweva nemaGibhithe, kanye nebendlu yakaFaro.

Tihlabelelo 51:12

Buyisela kimi kutfokota kwensindziso yakho, ungisimise ngekungipha umoya lovumako,

Taga 1:23

Ase nilalele kunitsetsisa kwami; imicabango yami ngitayitfululela kini, nginitjele lokusenhlitiyweni yami.

Taga 4:3

Ngisengumfanyana wekuphela, kubabe namake,

Isaya 32:15

aze Moya wasezulwini atfululelwe etikwetfu, bese kutsi lihlane libe yinsimi levundzile, nensimi levundzile ifanane nelihlatsi.

Isaya 45:22

“Buyani kimi, nisindziswe, nonkhe nine mikhawulo yemhlaba; ngobe nginguNkulunkulu, futsi kute lomunye.

Jeremiya 31:19

Emvakwekweduka kwami ngaphendvuka; emvakwekucondza kwami ngatisola. Ngadliwa ngemahloni, ngatfotjiswa, ngobe ngetfwele lihlazo lebusha bami.’

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Jeremiya 50:4

Simakadze utsi: “Kulawo malanga, nangaleso sikhatsi, bantfu baka-Israyeli nebantfu bakaJuda bayawuhamba kanyekanye, bonkhe bayawukhala tinyembeti sebahamba bafunana naSimakadze Nkulunkulu wabo.

Jeremiya 6:26

Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Hezekeli 20:43

Lapho-ke niyawukhumbula kutiphatsa kwenu nato tonke tento tenu lenatingcolisa ngato, nani niyawutenyanya ngabo bonkhe bubi lenibentile.

Hezekeli 37:14

Ngiyawufaka Moya wami kini, bese niyaphila, ngiyawunihlalisa eveni lenu. Lapho-ke niyawube seniyati kutsi mine Simakadze sengikhulumile, futsi sengikwentile, kusho Simakadze.’ ”

Hezekeli 39:29

Angisayikubufihla buso bami kubo, ngobe ngiyawutfululela Moya wami kuyo indlu yaka-Israyeli, kusho iNkhosi Simakadze.”

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Numeri 21:9

Ngako Mosi wakha inyoka ngelitfusi, wase uyiphanyeka etulu elugodvweni. Kwatsi wonkhe labesalunywe yinyoka watsi nabuka lenyoka yelitfusi, waphila.

Matewu 24:30

“Lapho-ke kuyawubonakala sibonakaliso seNdvodzana yeMuntfu esibhakabhakeni; tonkhe tive temhlaba tiyawukhala natibona iNdvodzana yeMuntfu ita ngemafu elizulu, ngemandla, nangenkhatimulo lenkhulu.

Matewu 26:75

Phetro wase uyawakhumbula emavi aJesu ngesikhatsi atsi: “Lichudze litakutsi likhala, utakube sewungiphike katsatfu.” Wase uphumela ngephandle, wakhala kabuhlungu.

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

Imisebenti yebaPhostoli 10:45

Emakholwa emaJuda labephuma eJopha kanye naPhetro amangala kutsi Nkulunkulu utfululele sipho sakhe lesinguMoya Longcwele, ngisho nakubetive imbala;

Imisebenti yebaPhostoli 11:15

“Ngisacala nje kukhuluma, Moya Longcwele wehlela kubo njengobe ehlela kitsi ekucaleni.

Imisebenti yebaPhostoli 2:17

“ ‘Utsi Nkulunkulu: “Naku lengiyawukwenta ngetikhatsi tekugcina: Ngiyakutfululela Moya wami etikwabo bonkhe bantfu. Emadvodzana nemadvodzakati enu ayawuphrofetha, emajaha enu ayawubona imibono, emakhehla ayawuphupha emaphupho.

Imisebenti yebaPhostoli 2:33

Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.

Imisebenti yebaPhostoli 2:37

Kwatsi bantfu nabakuva loku, bahlabeka etinhlitiyweni base batsi kuPhetro nakulabanye baphostoli: “Pho, bazalwane, sitakwenta njani?”

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

KubaseRoma 8:26

Ngalokufanako Moya uyasisita ebutsakatsakeni betfu. Ngobe asati kutsi kufanele sithandaze kanjani; kodvwa Moya usincusela kuNkulunkulu ngekububula lokungeke kukhulumeke ngemavi.

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

YaJuda 1:20

Kodvwa nine, bazalwane bami, yakhanani ekukholweni lokungcwele, nikhuleke ngaMoya Longcwele.

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.

1 Samuweli 7:2

Kwaba sikhatsi lesidze, lesasingiminyaka lengema-20, seloku libhokisi lesivumelwane liseKhiriyathi Jeyarimu, sonkhe sive saka-Israyeli salila, sikhala kuSimakadze.