Zakhariya 10:4 - Siswati 1996 Bible

⁴ KaJuda kuyawuvela litje lesisekelo, kuye kuyawuphuma sikhonkhwane sekusimisa lithende, nebutjoki basemphini, kuvele kuye bonkhe babusi.

Zakhariya 10:4 Iomraidhean Croise

Genesisi 49:24

Kodvwa butjoki bakhe buhlala bucinile, imikhono yakhe iciniswa tandla taLonemandla waJakobe, nguMelusi loliDvwala laka-Israyeli.

Ezra 9:8

“Kodvwa nyalo, kulesikhashana, Simakadze Nkulunkulu wetfu ubenemusa ngekutsi asishiyele insali nekutsi asinike siphephelo endzaweni yakhe lengcwele, ngako Nkulunkulu wetfu ukhanyisa emehlo etfu asinike nekukhululeka lokuncane ekuboshweni kwetfu.

Tihlabelelo 118:22

Litje lekwakha lelaliwa bakhi, ngobe batsi alinamsebenti, seligucuke laba litje lekusimisa indlu.

Isaya 19:13

Tiphatsimandla taseSowani setitibhungayeti, baholi baseMemfisi sebakhohlisiwe; imisumphe yebantfu bakhona seyedukise lonkhe live laseGibhithe.

Isaya 28:16

Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.

Isaya 49:2

Umlomo wami wawenta waba njengenkemba leloliwe, wangitfukusa emtfuntini wesandla sakhe; wangenta ngaba ngumcibisholo lololongiwe, wangivalela emgodleni wetikhali takhe.

Isaya 54:16

“Buka la, ngimi lowadala umbumbi wetetinsimbi, lovutsela emalahle kutsi abe lilangabi, ente sikhali silungele umsebenti waso. Futsi ngimi lowadala umbhubhisi kutsi ente imbhubhiso;

Jeremiya 1:18

Lamuhla ngikwente waba lidolobha leliyinqaba, waba yinsika yensimbi nelubondza lwelitfusi kutsi utewumelana nalo lonkhe live; umelane nemakhosi akaJuda, netiphatsimandla takhona, nebaphristi bakhona kanye nesive sonkhe sakulelo live.

Jeremiya 51:20

“Ulizembe lami lemphi, nesikhali sami semphi, ngawe ngiphihlita tive, ngawe ngibhubhise imibuso.

Zakhariya 9:10

Ngiyawutisusa tincola temphi ka-Efrayimu, nemahhashi emphi ngiwesuse eJerusalema, nebutjoki bemphi buyakwephulwa. Inkhosi iyawumemetela kuthula etiveni. Kubusa kwayo kuyakwandza, kusuke elwandle kuyewugcina ngelwandle, kusuke eMfuleni kuyewugcina emikhawulweni yemhlaba.

Zakhariya 9:8

Kodvwa ngiyakuyivikela indlu yami, ngimelane nanome nguyiphi imphi lengahle yendlule kuyo. Bacindzeteli abasayiwuphindze basibuse sive sami, ngobe nyalo sengiyaselusa ngemehlo ami.

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.

Matewu 9:38

Ngako-ke ncusani eNkhosini yekuvuna kutsi itfumele tisebenti ekuvuneni kwayo!”

Lukha 20:17

Kodvwa Jesu wababuka, wase uyababuta utsi: “LomBhalo uchazani? “ ‘Litje lelaliwa bakhi ngobe batsi alinamsebenti, seligucuke laba litje lekusimisa indlu.’

Kubase-Efesu 2:20

Lendlu yakhelwa etikwesisekelo sebaphostoli nebaphrofethi; Jesu Khristu lucobo ulitje lelisimise lendlu.

2 kuThimothi 2:4

Kute lisotja lelisemphini lelibuye litikhatsate ngetintfo letingesito tebusotja; phela injongo yalo kwenelisa lowo lolibutsile.

1 yaPhetro 2:6

Ngobe umBhalo utsi: “Ase nibuke, ngibeka eSiyoni litje lekusimisa indlu, lelikhetsiwe, naleliligugu. Lowo lokholwa kulo, angeke ajabhiswe.”

Sembulo 17:14

Ayawulwa neliWundlu; kodvwa liyakuwehlula, ngobe liyiNkhosi yemakhosi neMbusi webabusi. Liyawuwancoba likanye nalababitiwe balo, labakhetsiwe nalabetsembekile.”

1 Samuweli 14:38

Ngako-ke Sawula watsi: “Wotani lapha, nine nonkhe lenitindvuna temabutfo, sitewutfolisisa kahle kutsi sono sini lesentiwe lamuhla.