Umshumayeli 9:5 - Siswati 1996 Bible

⁵ Liciniso, labaphilako bayati kutsi batakufa, kodvwa labafile abati lutfo; sebate umvuzo, abasakhunjulwa ngisho nekukhunjulwa.

Umshumayeli 9:5 Iomraidhean Croise

2 Samuweli 14:14

Njengemanti lacitsekele phansi, angeke abutseke futsi, natsi kufanele sife. Kodvwa Nkulunkulu akabulali, esikhundleni saloko wenta tindlela letitsite, kuze kutsi umuntfu lodzingisiwe angahlali akhashane naye.

Jobe 14:21

Nangabe emadvodzana akhe advunyiswa, loko yena akakwati; nangabe ahlaziswa, loko yena akakuboni.

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Tihlabelelo 109:15

Shangatsi tono tabo tingema embikwaSimakadze njalo. Shangatsi bangete baphindze bakhunjulwe emhlabeni.

Tihlabelelo 6:5

Kute lokukhumbulako ekufeni. Ngubani lokudvumisako nje ethuneni?

Tihlabelelo 88:13

Kodvwa mine, Simakadze, ngikhala kuwe, ngicela lusito, kutsi kusa ube uhlangabetana nemkhuleko wami.

Umshumayeli 1:11

Bantfu bakadzeni abakhunjulwa, nalabo labalandzelako abayiwukhunjulwa ngulabo lababalandzelako.

Umshumayeli 2:16

Kukhunjulwa kwesihlakaniphi akukwendluli ngalutfo kukhunjulwa kwesilima, ngobe ngekuhamba kwemalanga bobabili bayawukhohlakala. Lohlakaniphile nalosilima bafa kufa kunye!

Umshumayeli 7:2

Kuncono kuya endlini lapho kulilwa khona kunekuya endlini lapho kunelidzili khona, ngobe kufa kusiphetfo sabo bonkhe bantfu; labo labaphilako kufanele bakufake enhlitiyweni yabo loko.

Umshumayeli 8:10

Ngase ngabona lababi, babengcwatjwa, labo babephuma bangena endzaweni lengcwele babatjatwe badvunyiswe edolobheni lapho bebakwenta khona loko. Nako loko kulite.

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Umshumayeli 9:4

Kodvwa kulowo losabalelwa kulabaphilako litsemba lisekhona; khumbula kutsi inja lephilako incono kunelibhubesi lelifile.

Isaya 26:14

Nyalo asafile lawo makhosi, akasaphili, lowo moya wawo lowanyamalala awube usaphindza uvuke. Wawajezisa wawabhubhisa, wesula konkhe kukhunjulwa kwawo.

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Lukha 20:32

“Kwatsi ekugcineni kwafa lomfati.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.