Umshumayeli 8:8 - Siswati 1996 Bible

⁸ Kute umuntfu lonemandla ekubamba umoya, futsi kute nalonemandla ekujikisa lilanga lekufa kwakhe. Njengobe kute umuntfu lokhululekile nakuliwa imphi, kanjalo futsi nebubi bungeke bubakhulule labo lababentako.

Umshumayeli 8:8 Iomraidhean Croise

2 Samuweli 14:14

Njengemanti lacitsekele phansi, angeke abutseke futsi, natsi kufanele sife. Kodvwa Nkulunkulu akabulali, esikhundleni saloko wenta tindlela letitsite, kuze kutsi umuntfu lodzingisiwe angahlali akhashane naye.

2 Emakhosi 7:15

Bawalandzela emaSiriya, baze bayawufika ngasemfuleni iJordane; babehambe bakhandza timphahla tekwembatsa naletinye nje timphahla letatihambe tisakatwa ngemaSiriya kuyo yonkhe indlela ngesikhatsi abalekela ema-Israyeli.

Jobe 14:5

Emalanga ekuphila kwemuntfu asancunywa, nelinani letinyanga tekuphila kwakhe walimisa; kwajutjwa ngisho nemikhawulo yakhe langeke ayengce.

Jobe 34:14

Kube bekuyinhloso yakhe kususa umoya wakhe nemphefumulo wakhe,

Tihlabelelo 89:48

Ngubani nje umuntfu loyawuphila angafi? Ngubani nje longatigodla yena angayi ethuneni? Cabanga.

Tihlabelelo 9:17

Lababi baya ekufeni, yebo, bonkhe labafulatsela Nkulunkulu.

Taga 12:3

Umuntfu akasimamiswa kwenta bubi; kodvwa lolungile angeke ashukunyiswe.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Umshumayeli 3:21

Ngubani lowatiko kutsi umphefumulo wemuntfu wenyukela etulu yini, nekutsi umphefumulo wesilwane wehlela phansi emhlabatsini?”

Umshumayeli 8:13

Kodvwa kungeke kubahambele kahle lababi, futsi imphilo yabo ingeke yeluleke njengematfunti, ngobe bangamesabi Nkulunkulu.

Umshumayeli 9:12

Ngetulu kwaloko kute umuntfu lowatiko kutsi sikhatsi sakhe siyawufika nini: Njengenhlanti ibanjwa enetheni, nenyoni igcotjwa sifu, kanjalo nebantfu babanjwa kufikelwa tikhatsi letimbi bangakaticapheli.

Isaya 28:15

Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”

Isaya 28:18

Sivumelwane senu lenisente nekufa siyakwentiwa sibe lite; sivumelwane senu lenisente nelithuna singeke sime. Kuyawutsi sivunguvungu sekushisa nasiphephula sendlula kini, sinishaye sinilahle phansi.

Isaya 47:10

Wetsembele ebubini bakho, watsi: ‘Kute namunye longibonako.’ Kuhlakanipha nekwati kwakho kuyakonisa, nawuticabanga utsi: ‘Ngimi ngimi, kute lomunye ngaphandle kwami.’

1 kubaseKorinthe 15:43

Umtimba ungcwatjwa unekudzelelwa, uvuswe unenkhatimulo; ungcwatjwa unebutsakatsaka, uvuswe unemandla.

2 kubaseKorinthe 13:4

Ngobe wabetselwa ebutsakatsakeni, kodvwa sewuphila ngemandla aNkulunkulu. Sibutsakatsaka kuye, kodvwa sitawuphila kanye naye ngemandla aNkulunkulu, kuze sikwati kunisita.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.